Yaşıl Transformasiya və İqlim Maliyyələşdirilməsi: Beynəlxalq Elmi Konfrans keçiriləcək
23 – 26 mayda Heydər Əliyev Mərkəzində UNEC, Heydər Əliyev Mərkəzi və Regional İnkişaf İctimai Birliyinin təşkilatçılığı ilə VI İqtisadiyyat və İdarəetmə Sahəsində Tədqiqatçıların Beynəlxalq Elmi Konfransı (İSCEMR) keçiriləcək.
QHT.az xəbər verir ki, bu barədə məlumatı UNEC-in rektoru, professor Ədalət Muradov verib. Onun sözlərinə görə, “Yaşıl dünya naminə həmrəylik ili”nə həsr olunan konfransın mövzusu “Dayanıqlı İnkişafın Yeni Dövrü: Yaşıl Transformasiya və İqlim Maliyyələşdirilməsi”dir: "Konfransda 38 ölkədən, 83 universitet və tədqiqat qurumundan 374 tədqiqatçı iştirak edəcək və 42 sessiyada 245 tədqiqat işi məruzə olunacaqdır".