ULU ÖNDƏRİMİZLƏ ŞƏXSƏN GÖRÜŞMƏK MƏNƏ DƏ NƏSİB OLMUŞDUR
A A A
05/10/2017
Oxunma sayısı : 111907

MƏN ÖZÜMÜ HEYDƏR ƏLİYEV MƏKTƏBİNİN MƏZUNU HESAB EDİRƏM

 

1960-cı illərdən başlayaraq həyatımın demək olar yarım əsrini, Azərbaycanda və Azərbaycanı təmsilən xarici ölkə universitetlərində dərs demiş, müxtəlif mövzularda mühazirələr oxumuşam. Azərbaycanda baş verən bütün hadisələrin şəxsən şahidi olmuşam, çünki, mən həmin dövrün həyat dərsini almış, o dövrdə yetişmiş və özümü Heydər Əliyev məktəbinin məzunu hesab etmişəm və əlli il, daim O, dahi insanın ideyaları və siyasəti mənim həyat devizim olub və elmi-pedaqoji fəaliyyətimi onun prinsipləri əsasında yürütmüşəm. Azərbaycan xalqının milli iftixarı, ulu öndərimiz Heydər Əliyev ilə şəxsən görüşmək və onunla səmimi söhbət etmək mənə 1992-ci ilin avqust ayında nəsib olmuşdur. Mən ilk dəfə idi ki, Naxçıvana gedirdim. Mən Bakıdan ziyarətə bir müəllimə yoldaşım ilə getmişdim. Ziyarət edib qurban kəsdirdikdən sonra, qonaq olduğumuz evə gəldik.Axşam saat altı idi, ev sahibi Naxçıvanda ilk dəfə olduğumuzu bildiyi üçün “haranı görmək istəyirsiniz?” - deyə soruşduqda, mən Heydər Əliyev adına parkı və onun oradakı büstünü ziyarət etmək istədiyimi bildirdim. Bir çox yerləri gəzdik, parka gəldik, onun büstünü ziyarət etdik. Artıq gec idi, evə dönürdük. Bir qapının önündən keçirdik, qapı açıq idi, qarşısında qarabuğdayı bir qadın dayanmışdı. Qadın (Heydər Əliyevin bacısı Sənubər xanım olduğunu da sonradan bildim) bizi müşaiyət edən ev sahibindən: “Deyəsən, qonaqların var, haradan gəlirsiniz?” - deyə soruşdu. Mən həmən Heydər Əliyev parkını gəzərək, onun büstünü ziyarət etdiyimizi dedim. Qadın, “Heydər Əliyevi belə çox istəyirsənsə, bax, həyətdə oturub, gəlin içəri özünü ziyarət edin” – dedi. Mən bu möcüzənin qarşısında çaşıb qalmışdım. İçəriyə baxdım. Doğrudan da Heydər Əliyev idi. Gözlərimə inana bilmirdim, bu nə qəribə təsadüf idi. Gör, uca Allah mənim istəyimi harada və hansı şəraitdə mənə qismət edirdi. Çox səliqə ilə salınmış gül-çiçəkli bir həyətdə O, tək oturmuşdu, əynində qısaqol cizgili tenniska var idi. Utana-utana həyətə kecdik, “Buyurun, gəlin. Xoş gəlmisiniz”, - dedi və bizimlə çox səmimi görüşdü. Bir müddət söhbətə nədən, haradan başlayacağımı bilmədim, çünki belə bir dahinin qarşısında insan sıxılır. Etiraf edim ki, böyük sevinc içində idim, illərlə bu böyük əlçatmaz insan, müdrik öndərlə şəxsən görüşməyi, heç olmasa beş-on dəqiqə onunla danışmağı arzulamışdım. Söhbətə birinci O, başladı. Onun gülümsəyərək söhbətə başlaması bir andaca həyacanımın yox olmasına səbəb oldu. Mən onu çoxdan ziyarət etmək arzusunda olduğumu söylədim və arzumun məhz bu günə təsadüf etməsi də bir qismətdir, dedim. Allah evinin ziyarətindən sonra mənim arzumun yerinə yetməsi özü də bəlkə də Allahın möcüzəsidir. O, suallar verirdi. Qəbələ şəhərindən olduğumu dedikdə, dağlar qoynunda yerləşən o bölgənin saf havası və qayğıkeş insanlarından danışdı. Bakı-İsmayıllı-Qəbələ-Tbilisi yol projektindən danışdı və əlavə etdi: - “Təəssüf ki, Moskvaya dəvət olunduğum üçün bu projekti axıra çatdıra bilmədim”. Mən isə: “Heydər Əliyeviç, biz qəbələlilərin yolu ki, çəkilib, biz hər dəfə o yolu gedərkən Sizə dua edirik, çünki, Bakı-Qəbələ yolu 100 km. qısalıb, üstəlik dağların arasından keçən o yol füsünkarlığı, təbiət mənzərəsi ilə əsl istirahət zonasıdır, o yollar insana zövq verir. Biz Qəbələ camaatı o yola “Heydər Əliyev yolu” deyirik. O, gülərək, “sağ olun”, - dedi. Sonra da xeyli ümumi vəziyyətdən, təhsildən danışdıq. Gəlişimizin məqsədi onu çox sevdiyimiz üçün ziyarət olduğunu dedikdə, “Bu gün oğlum da qızları ilə Moskvadan məni görməyı gəliblər” - dedi və üzünü evə çevirərək, “İlham, oğlum, bura gəl, Bakıdan qonaqlarımız var”.  İlham müəllim həyətə enərək yanımıza gəldi, xüsusi hörmətlə bizimlə görüşüb, bir az oturduqdan sonra, atasından izin alıb qızlarının yanına qayıtdı. Atasına qarşı olan bu sayğı və hörmət də diqqətdən yayına bilməzdi. Bu haqqında danışdığımız şəxs, Heydər Əliyevin ailəsində yetişmiş, əsli-nəcabəti ilə örnək, Azərbaycan elminə böyük töhfələr vermiş, bir ziyalı ananın tərbiyəsini görmüş, atasının böyük siyasi məktəbini keçmiş, indi isə bütün dünyada onun ideyalarını və lahiyələrini uğurla həyata keçirən, onun layqli davamçısı möhtərəm Prezidentimiz İlham Əliyev idi. Deməli, mən, illərlə Heydər Əliyevlə görüşmək arzusunda olduğum halda, bir gündə iki Prezidentlə görüşmək qismətim olmuşdur… Əlbəttə, bu tarixi görüşün həyacanını mən heç vaxt unutmuram.

 

prof. Minirə QARAYEVA,

alim-pedaqoq,

“Xoş Niyyət” Xeyriyyə İctimai Birliyinin prezidenti;

Dünya Konstitutsiya və Parlament Assosasiyasının (WCPA)

Fəxri Vitse-prezidenti.


Minirə Qarayeva

ŞƏRHLƏR
XƏBƏRLƏR
Azay Quliyev QHT-lərə dəstəyin artırılmasını təklif etdi - Video - 13 / 11 / 2018 20:56
General KƏRİM KƏRİMOV fenomeninin sirri - 13 / 11 / 2018 19:37
"Bərdə Peşə Liseyinin Modernləşdirilməsi” layihəsi çərçivəsində görüş keçirilib - 13 / 11 / 2018 17:50
QHT-nin 20 illik yubileyi münasibətilə təbrik məktubu - 13 / 11 / 2018 12:56
Respublika Veteranlar Təşkilatında Mehdi Hüseynzadənin anadan olmasının 100 illik yubileyi qeyd edilib - 13 / 11 / 2018 11:01
QHT-lərin hazırladıqları filmlərin telekanallarda yayımı məsələsi gündəmə gətirilir - 13 / 11 / 2018 09:49
Diabetə birlikdə qalib gələk - 13 / 11 / 2018 06:50
Azerbaijan, Turkey ink MoU on joint activity, cooperation on work with NGOs - 12 / 11 / 2018 19:27
Elməddin Behbud Bilik Fondunda tələbə-jurnalistlərlə görüşüb - 12 / 11 / 2018 19:07
Türkiyədəki 17 min azərbaycanlı tələbənin problemi nazirlə müzakirə edildi - 12 / 11 / 2018 09:26
Dünya Veteranlar Federasiyasının prezidenti Azərbaycan Prezidenti İlham Əliyevə minnətdarlıq məktubu ünvanlayıb - 12 / 11 / 2018 05:48
Veteran jurnalist xatirə medalı ilə təltif edildi - 11 / 11 / 2018 19:55
Hemofiliyalı vətəndaşların dərman təchizatında olan çətinliklər həllini tapmaqdadır - 11 / 11 / 2018 11:20
QHT sədri xüsusi medalla təltif edilib - 10 / 11 / 2018 17:11
Parlament Jurnalistlər Birliyinin üzvləri ənənəvi olaraq Bayraq Günündə aksiya keçirdilər - 10 / 11 / 2018 07:52
Ankarada Azərbaycan ilə Türkiyə arasında QHT-lərin birgə fəaliyyətinə dair memorandum imzalanıb - 09 / 11 / 2018 20:15
Ağdamda möhtəşəm “Bayraq yürüşü” - 09 / 11 / 2018 19:07
“Hərəyə bir bayraq verək” aksiyası - 09 / 11 / 2018 13:35
“Milli Qəhrəmanlarımızı tanıyaq və tanıtdıraq!” - 09 / 11 / 2018 05:10
QHT-lərə Dövlət Dəstəyi Şurası tarixçi-alim İsrafil Məmmədovu Fəxri Fərmanla təltif etdi - 08 / 11 / 2018 20:06
Hasilat Sənayesində Şəffaflıq üzrə Komissiyanın növbəti iclası keçirilib - 08 / 11 / 2018 17:25
“Vətəndaş Cəmiyyətinin psixoloji maarifləndirilməsi və Media” layihəsinin bağlanış mərasimi keçirilib. - 08 / 11 / 2018 11:09
Tamxil Ziyədinoğlu “Oxu Akademiyası” tərəfindən Fəxri diplomla təltif edilib - 08 / 11 / 2018 10:34
Şuranın dəstəyilə hazırlanan “İrəvan - Azərbaycanın qədim mədəniyyət mərkəzi” adlı kitabın təqdimatı olub - 08 / 11 / 2018 10:09
Onlayn mediaya maliyyə dəstəyi günün tələbidir - 08 / 11 / 2018 08:32
Polşalı şagirdlər Azərbaycan nağıllarına illüsturasiyalar çəkdilər - 08 / 11 / 2018 08:13
Gənclər təşkilatı “İnteqrasiya olunmuş sosial xidmətlər modelini” təqdim etdi - 08 / 11 / 2018 08:11
Şəmistan Əlizamanlı “Diriliş Ərtoğrul”da mahnı oxudu - VİDEO - 07 / 11 / 2018 21:06
Sumqayıtda "Uşaqlar hüquqlarını bilirlərmi" mövzusunda seminar təşkil olundu - 07 / 11 / 2018 19:44
Şura sədri Azay Quliyevin rəhbərlik etdiyi nümayəndə heyəti Ankaraya səfərə gedir - 07 / 11 / 2018 17:08