Gənclər Fondunun təşkilatçılığı ilə Heydər Əliyev Mərkəzində Milli Qurtuluş Gününə həsr edilən tədbir keçirilib
A A A
06/19/2017
Oxunma sayısı : 32780

|

İyunun 19-da Azərbaycan Respublikasının Prezidenti yanında Gənclər Fondunun təşkilatçılığı ilə Heydər Əliyev Mərkəzində 15 İyun - Milli Qurtuluş Gününə həsr edilən tədbir keçirilib.

QHT.azAZƏRTAC-a istinadənxəbər verir ki, tədbiri açan Gənclər Fondunun icraçı direktoru Fərhad Hacıyev Milli Qurtuluş Gününün ictimai-siyasi, tarixi əhəmiyyətindən danışıb. O deyib ki, əgər 1993-cü ildə ulu öndər Heydər Əliyev xalqın tələbi ilə ikinci dəfə siyasi hakimiyyətə gəlməsəydi, Azərbaycanı 1920-ci ilin aprelindəkindən daha böyük fəlakət gözləyirdi. Vətəndaş müharibəsi, xaos, separatizm ilə üzləşən Azərbaycan xalqı yeganə çıxış yolunu məhz böyük vətənpərvər, xalqını, millətini sevən Heydər Əliyevin hakimiyyətə gəlməsində gördü. Məhz ümummilli lider Heydər Əliyev Azərbaycanı üzləşdiyi böyük fəlakətdən xilas etdi. Müasir müstəqil Azərbaycan Ulu Öndərin müdrik siyasəti nəticəsində dünyanın sürətlə inkişaf edən ölkələrindən birinə çevrildi.

Bildirilib ki, gənclərlə bağlı məsələlər hər zaman Ümummilli Liderin siyasətinin əsas tərkib hissələrindən biri olub. Ulu Öndərin rəhbərliyi ilə dövlət gənclər siyasətinin təməli qoyulub və bu gün bu siyasət uğurla həyata keçirilir. Bu gün ölkəmizdə gənc nəslə diqqət və qayğı dövlətin ən mühüm fəaliyyət istiqamətlərindən birinə çevrilib. Azərbaycan Prezidenti İlham Əliyev tərəfindən uğurla davam etdirilən dövlət gənclər siyasəti bu gün gənclərin ölkə həyatının bütün sahələrindəki fəallığını daha da artırıb.

Hər bir xalqın tarixində taleyüklü əlamətdar günlərin olduğunu bildirən gənclər və idman naziri Azad Rəhimov deyib ki, 15 İyun - Milli Qurtuluş Günü də Azərbaycan xalqının tarixində belə önəmli günlərdəndir. Ulu öndər Heydər Əliyevin qurub yaratdığı müasir müstəqil Azərbaycan inkişaf etdikcə, dünyada söz, nüfuz sahibinə çevrildikcə Milli Qurtuluş Gününün əhəmiyyəti daha aydın şəkildə görünür. Heydər Əliyev uzaqgörən siyasətçi, dahi rəhbər kimi həm də ölkəmizdə milli barışıq, sülh yaradan şəxsiyyət kimi tarixə düşüb. O, eyni vaxtda iqtisadiyyat və diplomatiya, mədəniyyət və dövlət təhlükəsizliyi, gənclər və idman, kənd təsərrüfatı və digər sahələrin inkişafına nail olmuş şəxsiyyət idi. Azərbaycanın dünəni, bu günü ilə fəxr edən, sabahını yaradan Ulu Öndər ölkənin xilas edilməsi missiyasını üzərinə götürdü və bunu uğurla yerinə yetirdi. Heydər Əliyev müstəqil Azərbaycanın inkişafında gənclər siyasətinin xüsusi yer almasını təmin etdi, onun əsaslarını yaratdı və diqqət mərkəzində saxladı. Ulu Öndər ən çətin dövrdə - 1993-cü ilin sentyabrında ilk görüşlərindən birini məhz gənclərlə keçirdi, 1994-cü ildə Gənclər və İdman Nazirliyinin yaradılması haqqında fərman imzaladı. Dahi rəhbərin təşəbbüsü və iştirakı ilə keçirilən I Respublika Gənclər Forumu gənclərin müzakirələrdə iştirakına, xalq və dövlətçilik naminə ictimai fəallığına, potensialının reallaşdırılması üçün şəraitin yaradılmasına böyük təkan verdi.

Nazir vurğulayıb ki, Prezident İlham Əliyevin rəhbərliyi ilə bu siyasət daha da inkişaf etdirildi. Dövlətimizin başçısı gənclərin sağlamlığına, asudə vaxtlarını səmərəli keçirmələrinə, onlarda müasir dünyagörüşün formalaşdırılmasına önəm verir. Olimpiya-idman komplekslərinin, gənclər evlərinin, müasir idman qurğularının tikilib onların istifadəsinə verilməsi bunun bariz nümunəsidir. Məhz Azərbaycan Prezidentinin diqqət və qayğısının nəticəsidir ki, idmançılarımız böyük uğurlar qazanırlar, medallarımızın sayı ildən-ilə artır. Ölkəmizdə keçirilən beynəlxalq yarışlar Azərbaycanın dünyada tanınmasında böyük rol oynayır. Azərbaycanda keçirilən I Avropa Oyunlarının və IV İslam Həmrəyliyi Oyunlarının Təşkilat komitələrinə Birinci vitse-prezident Mehriban Əliyevanın rəhbərlik etməsi bu Oyunların qısa müddətdə hazırlanaraq yüksək səviyyədə keçirilməsini təmin etdi.

Prezident Administrasiyasının gənclər siyasəti və idman məsələləri şöbəsinin müdiri, Birinci vitse-prezidentin köməkçisi Yusuf Məmmədəliyev bildirib ki, ulu öndər Heydər Əliyevin gənclərə diqqət və qayğısı Prezident İlham Əliyev tərəfindən uğurla davam etdirilir. 1993-cü ildə Azərbaycanın ən çətin vaxtlarında xalqın istəyi ilə hakimiyyətə gələn Ümummilli Lider gənclərin vətənpərvər ruhda tərbiyə edilməsinə, müasir biliklərə yiyələnməsinə böyük önəm verib, gənclər üçün əlverişli şəraitin yaradılması dövlət siyasətinin prioritetlərindən biri olub.

Prezident Administrasiyasının rəsmisi qeyd edib ki, ulu öndər Heydər Əliyev hakimiyyətə gəldikdən sonda Azərbaycan tarixində yeni və parlaq səhifə açıldı. Son 25 ildə Azərbaycan bütün sahələrdə uğurla inkişaf edib və regionun lider dövlətinə çevrilib. Ölkəmizin inkişafında gənclərin də rolu böyükdür. Gənclərimizin intellektual və yaradıcılıq potensialının üzə çıxarılması, aktivliyinin artırılması istiqamətində fəaliyyət bundan sonra da geniş şəkildə həyata keçiriləcək. Prezident İlham Əliyev və Birinci-vitse prezident Mehriban xanım Əliyeva tərəfindən həyata keçirilən siyasəti nəticəsində uğur qazanan məhz gənclik olacaq.

Yusuf Məmmədəliyev vurğulayıb ki, Prezident Administrasiyasında gənclər siyasəti və idman məsələləri şöbəsinin yaradılması dövlətimizin başçısının gənclərə diqqət və qayğısının bilavasitə göstəricisidir. Biz bütün gənclər bir araya gələrək bu etimadı doğruldacağıq. Məqsədimiz Azərbaycan gənclərini sağlam, vətənpərvər və milli dəyərlərə sadiq görməkdir. Gənclərimiz işğal altında olan torpaqlarımızın azad edilməsinə hər zaman hazır olmalıdırlar. Bu gün informasiya müharibəsində də cəmiyyətimizin fəal üzvləri kimi gənclərin üzərinə böyük vəzifə düşür.

Müstəqilliyinin ilk illərində Azərbaycanda gərgin ictimai-siyasi şəraitin olduğunu qeyd edən Prezident Administrasiyasının ictimai-siyasi məsələlər şöbəsinin müdir müavini Tahir Süleymanov həmin dövrdə Azərbaycanda anarxiya və xaosun, hərc-mərcliyin baş alıb getdiyini, ölkə iqtisadiyyatının tənəzzülə uğradığını, Ermənistanın Azərbaycana hərbi təcavüzünün daha da şiddətləndiyini söyləyib. Prezident Administrasiyasının rəsmisi qeyd edib ki, belə bir vəziyyətdə o dövrkü hakimiyyətin gənclərlə məşğul olmağa nə vaxtı, nə həvəsi, nə də səriştəsi var idi. Azərbaycanda dövlət gənclər siyasəti yalnız ulu öndər Heydər Əliyevin hakimiyyətə qayıdışından sonra başladı.

Tahir Süleymanov Ümummilli Liderin 1993-2003-cü illərdə 43 dəfə gənclərlə bağlı tədbirlərdə iştirak etdiyini, çıxışlarında onlara dəyərli tövsiyələr verdiyini, on il ərzində gənclərlə bağlı 20 fərman, sərəncam və qanun imzaladığını diqqətə çatdırıb. Vurğulayıb ki, MDB ölkələrinin rəhbərləri arasında gənclərlə ən çox görüşən, onların problemlərinə ən çox diqqət ayıran məhz ulu öndər Heydər Əliyev idi.

Ulu Öndərin dövlət gənclər siyasətinin bu gün Prezident İlham Əliyev tərəfindən uğurla davam etdirildiyini vurğulayan T.Süleymanov qeyd edib ki, Azərbaycanda gənclərin asudə vaxtlarını səmərəli keçirmələri üçün müasir infrastruktur, o cümlədən gənclər evləri, təhsil mərkəzləri, mədəniyyət müəssisələri, idman kompleksləri yaradılıb.

Sonra çıxış edən Milli Məclisin gənclər və idman komitəsinin sədri Fuad Muradov, Yeni Azərbaycan Partiyası Gənclər Birliyinin sədri Seymur Orucov, “İrəli” İctimai Birliyinin sədri Mirhəsən Seyidov və digərləri ümummilli lider Heydər Əliyevin Azərbaycan xalqı və dövləti qarşısındakı xidmətlərindən, xüsusilə onun gənclər siyasətinin uğurlu nəticələrindən bəhs ediblər. Qeyd olunub ki, Azərbaycanın bugünkü inkişafı və əldə etdiyi uğurlar məhz Ümummilli Liderin adı ilə bağlıdır.


ŞƏRHLƏR

Digər Yazılar
XƏBƏRLƏR
Sahib Məmmədov: "Vəkillərin peşə fəaliyyətinə dövlətin dəstəyi alqışa layiqdir" - 23 / 02 / 2018 13:54
Veteranlar Xocalı soyqırmı abidəsini ziyarət etdilər - 23 / 02 / 2018 11:28
Ərdəbildə Xocalıya həsr olunmuş beynəlxalq konfrans keçiriləcək - 23 / 02 / 2018 11:27
Təməlində dostluğun və doğmalığın dayandığı ailə - 23 / 02 / 2018 08:41
Xocalılar Avropada - Azərbaycanın “Böyüməyən uşaqlar”ı təqdim olundu - FOTOLAR - 23 / 02 / 2018 08:34
Niyaməddin Orduxanlı Avropa Parlamentinin 500 deputatına rəsmi müraciət etdi - 23 / 02 / 2018 08:34
Sumqayıt hadisələri - məkrli planlar - 23 / 02 / 2018 08:09
Prezident vəkilliyin inkişafı ilə bağlı sərəncam imzalayıb - 22 / 02 / 2018 13:51
Azay Quliyev: Ermənistanın beynəlxalq layihələrdən kənarda qalmasının səbəbi onun işğalçılıq siyasətidir - 22 / 02 / 2018 13:26
Cəsarət Hüseynzadə: "İşğal faktına, qaçqın və məcburi köçkün düşmüş azərbaycanlıların hüquqlarının pozulmasına biganə qalmamağa çağırırıq” - 22 / 02 / 2018 10:03
"Avropada yaşayan bir erməni görmüsünüz Sərkisyana qarşı aksiya keçirsin?!” - Orduxana Orduxanlıdan sual - 22 / 02 / 2018 10:02
Jasarat Huseynzadeh: "We kindly appeal to the members of the European Parliament not to remain indifferent to the fact of occupation, violation of the rights of refugees and internally displaced persons" - 22 / 02 / 2018 09:43
İlham Əliyev Ağsaqqallar Şurasının sədrinə “İstiqlal” ordeni təqdim edib - 22 / 02 / 2018 08:17
Xocalının “Böyüməyən uşaqlar”ı Bosniya və Hersoqovinada... - 21 / 02 / 2018 08:19
Bakıda “İrrealizm” adlı rəsm sərgisi açılıb - 20 / 02 / 2018 18:11
Jurnalistlər üçün müsabiqə elan edildi: “Vərəm haqqında ən yaxşı məqalə” - 20 / 02 / 2018 17:36
Azərbaycan Respublikası Prezidentinin təqaüdünün aylıq məbləği 1500 manat müəyyən edildi - 20 / 02 / 2018 15:34
Şuranın ASAN Radio ilə əməkdaşlığı çərçivəsində radio proqram hazırlanır - 20 / 02 / 2018 14:00
“Dostluq üçün futbol” turnirində azərbaycanlı nümayəndə qapıçı kimi çıxış edəcək - FOTO - VİDEO - 20 / 02 / 2018 13:39
«Müvəkkil» Sizi HR kurslarına dəvət edir - 19 / 02 / 2018 16:49
Azay Quliyev Vyanaya səfərə gedir - 19 / 02 / 2018 15:00
Ayaz Mirzəyev: “Mən hər gün sınaq qarşısındayam” - MÜSAHİBƏ - 19 / 02 / 2018 14:30
Sabuhi Abbasov: " Whole world recognized the territorial integrity of Azerbaijan " - 19 / 02 / 2018 14:26
ASGA sədri Avropa parlamentinə müraciət ünvanladı: "Avropa dəyərlərini erməni çirkablarına batırmayın" - 19 / 02 / 2018 14:21
Xocalı soyqırımının ildönümü ilə əlaqədar “Uşaqlar və müharibə” mövzusunda tədbir keçirilib - 19 / 02 / 2018 13:38
QHT sədrinə ağır itki üz verib - 19 / 02 / 2018 13:34
50 manatlıq artistlər - 19 / 02 / 2018 12:53
Umud Mirzəyev: “Lars Adaktusson davranışı ilə Dağlıq Qarabağ münaqişəsi ilə bağlı aparılan müzakirələrə ciddi zərbə vurur” - 19 / 02 / 2018 12:39
“Bizim planet”də Azərbaycanın siyasi və iqtisadi inkişafından danışılıb - 19 / 02 / 2018 10:06
ƏSMİD İctimai Birliyi Ümumi yığıncağını keçirdi - 17 / 02 / 2018 17:30