"Reket jurnalistləri" MTN rəhbərliyi himayə edirdi" - Seymur Verdizadə
A A A
09/26/2017
Oxunma sayısı : 24706
Dövlət Təhlükəsizlik Xidmətinin rəisi Mədət Quliyev Azərbaycanda son 5-6 il ərzində "reket jurnalistika” ilə məşğul olan insanların sayının çoxaldığını bildirib. 

DTX rəisi qeyd edib ki, "reket jurnalistika” ilə məşğul olanların sayı və nə işlərlə məşğul olduğunu hamı bilir: "Son 5-6 ildə bu kimi insanların sayı çoxalıb. Təbii ki, vaxtaşırı şəkildə onların qarşısı alınır”.

Onu da qeyd edək ki, zaman-zaman "reket jurnalistika” ilə məşğul olan şəxslərə qarşı əməliyyatlar keçirilib, onlar həbs ediliblər. Məsələn, ötən ilin dekabr ayında DTX əməkdaşlarının keçirdiyi əməliyyat zamanı "Bizim dövr” qəzetinin baş redaktoru Surxay Əliyev və onun müavini Hikmət Nəcəfli həbs olunmuşdu. Hər iki şəxs "reket jurnalistika” ilə məşğul olaraq, müxtəlif əməllər törətməkdə təqsirləndirilirdilər.

Bu ilin iyun ayında isə DTX əməkdaşları Azərbaycan Nəşriyyatında əməliyyat keçirmişdilər. Əməliyyat nəticəsində "İrəvan Press” qəzetinin baş redaktoru Azər Abbasov hədə-qorxu yolu ilə tələb etmədə ittiham olunaraq saxlanılıb. Onun barəsində Səbayel Rayon Məhkəməsi tərəfindən həbs-qətimkan tədbiri seçilib. A.Abbasovun da "reket jurnalistika” ilə məşğul olduğu bildirilib.

İndiki məqamda DTX rəisinin bu məsələ barədə fikir söyləməsi yeni həbs dalğasının başlayacağına işarədirmi?
"Yeni Müsavat”a danışan təhlükəsizlik üzrə ekspert Arzu Nağıyev bildirib ki, hazırkı məqamda bu məsələ aktual mövzuya çevrilib:

"Bir müddət öncə jurnalistlərin bir qismi peşə prinsiplərini kənara qoyub, əlavə işlərlə məşğul idilər. O demək deyil ki, həbs edilən jurnalistlərin hamısı hansısa siyasi əqidəsinə görə saxlanılıb. Başa düşürəm ki, elə insanlar var ki, onlar doğrudan da həbs olunmalı idilər. Yəni bu kimi məsələlər də var. Düşünürəm ki, ”reket jurnalistika" bu gün çox aktual problemə çevrilib. Bu yolu tutub, öz jurnalist adına ləkə gətirən həqiqətən də çoxsaylı şəxslər var idi. Məhz buna görə də Dövlət Təhlükəsizliyi Xidmətinin rəisi səviyyəsində bu məsələnin qabardılması gözlənilən məsələdir. Jurnalistin normal dolanmalı olduğunu da başa düşürük. Ancaq bundan istifadə edib, başqa-başqa işlərlə məşğul olmaq doğru deyil. İndi də bəzi saytlar var ki, jurnalistika etikasından kənar fəaliyyətlə məşğuldurlar. Yəni hələ də bu sahədə reketçiliklə məşğul olan şəxslər var. Ona görə də cənab Mədət Quliyev məsələni qabardır".

Jurnalist Araşdırmaları Mərkəzinin sədri Seymur Verdizadə mövzu ilə bağlı "Yeni Müsavat”a söyləyib ki, reket jurnalistlərin həbsi media ictimaiyyətini narahat etməməlidir:

"Adından da göründüyü kimi, onlar reketçiliklə məşğuldurlar və bu adamların fəaliyyəti mətbuat üçün ləkədir. Bu şəxslər mətbuatın üz qarasıdır. Ona görə də onların həbsi hansısa söz və mətbuat azadlığına basqı kimi qiymətləndirilə bilməz. Hüquq-mühafizə orqanlarının vəzifəsi qanundankənar hərəkətlərə yol verən vətəndaşları cəzalandırmaq, onları qanuni fəaliyyətə dəvət etməkdir. Reketçilik də qanunsuzluq əməli olduğu üçün bu adamlara qarşı tədbirlərin görülməsi normaldır, bunu da alqışlayıram. Onu da bildirmək istəyirəm ki, Azərbaycanda ”reket jurnalistikası"nın çiçəklənməsində ləğv edilmiş MTN rəhbərliyinin özünəməxsus xidməti olub. Onların fəaliyyətlərini nəzərdən keçirən zaman açıq şəkildə görürdük ki, burada xüsusi xidmət orqanlarının nəfəsi duyulur. Yəni bir çox hallarda bu adamlar xüsusi xidmət orqanları tərəfindən ötürülən məlumatlarla hansısa məmurları şantaj edirdilər. Eldar Mahmudov vəzifədən uzaqlaşdırıldıqdan sonra onun rəhbərlik etdiyi cinayətkar qrup da həbs edildi. Bununla da reketçiliklə məşğul olanların fəaliyyət alanı daraldı. Hazırda onların əsas simaları həbsdədir. Əgər bu təmizləmə prosesi başa çatmayıbsa, hələ də özfəaliyyətin reketçilik ünsürlərinə meylli olan jurnalistlərin həbsi ilə bağlı planlar varsa, burada narahatçılıq üçün əsas görmürəm".

Ekspert bildirib ki, Azərbaycanda fəaliyyət göstərən "reket jurnalist”lərin hamısı həbs edilməyib: "Onlar hələ də xüsusilə də bölgələrdə vəzifəli şəxsləri, dövlət məmurlarını şantaj edib, jurnalistika adı ilə sərvət toplamaqla məşğuldurlar. Mətbuat Şurası bir zamanlar bu kimi şəxslərə qarşı effektli mübarizə apardı. Lakin həmin şəxslər keçmiş MTN tərəfindən himayə edildikləri üçün onlara qarşı sərt tədbirlər görülmürdü. Bu gün isə Mədət Quliyev prosesdə tam şəffaf fəaliyyət göstərirsə, qanunun tələblərini yerinə yetirirsə, buna müsbət yanaşıram. Yəni bütün sahələrdə reketçiliyin əleyhinəyəm. Mətbuatda olan reketlik isə birbaşa olaraq bizim maraqlarımıza toxunur. Sözə sadiq, zəhmətkeş jurnalistlər bundan əziyyət çəkirlər. Bəzən bu şəxslər ”reket jurnalist"lərə görə öz peşələrini danmaq məcburiyyətində qalırlar. Bu baxımdan, jurnalistlərin özləri də aralarındakı reketləri təmizləməkdə maraqlı olmalıdırlar. Şəxsən mən dəfələrlə müxtəlif tədbirlərdə "reket jurnalist”lərin həbsi ilə bağlı dövlət qurumlarına çağırış etmişəm. Əgər hansısa "reket jurnalist”in həbsi gündəmdədirsə, onun həbsi üçün kifayət qədər dəlillər, sübutlar varsa, bunda qəbahət yoxdur. Hesab edirəm ki, bu prosesdə ictimaiyyət, vətəndaş cəmiyyətinin nümayəndələri dövlət qurumları ilə əməkdaşlıqdan çəkinməməlidirlər. Hər kəs öz əməlinə görə cavab verməlidir".

ŞƏRHLƏR

Digər Yazılar
XƏBƏRLƏR
“Qəhrəmanlar ölmürlər” layihə çərçivəsində seminar keçirilib - 18 / 12 / 2017 14:34
Hemofiliyalı Xəstələrin Respublika Assosiasiyası 20 illik fəaliyyətini qeyd etdi - 18 / 12 / 2017 14:28
QHT təmsilçisinin qeyri-adi toyu - 18 / 12 / 2017 07:12
Xaçmazlı gənclər “Arifə bir işarə” üçün bir araya gəldi - 17 / 12 / 2017 17:25
В Баку прошла конференция на тему «Туркманчайский мирный договор – 190: по следам исторической правды» - 17 / 12 / 2017 14:39
Qurban Qurbanov hər il üçün 1 milyon manat alacaq, 2020-ə vəsiqə qazanarsa... - 16 / 12 / 2017 23:14
“Türkiyə Universitetləri Məzunları” İctimai Birliyinin bəyanatı - 16 / 12 / 2017 19:21
Media kapitanlarının Türkiyə səfəri davam edir - 16 / 12 / 2017 13:19
“Şalvar ala bilməyənlər arvad alırlar” - Tanınmış jurnalistdən valideynlərə sərt ittiham - 16 / 12 / 2017 13:09
Parisdə azərbaycanlı girovlarla bağlı aksiya keçirilib - 15 / 12 / 2017 15:46
Hemofiliyalı Xəstələrin Respublika Assosiasiyası 20 yaşını qeyd etdi - 15 / 12 / 2017 14:29
Parisdə azərbaycanlı girovlara həsr edilmiş konfrans keçirilib - 15 / 12 / 2017 13:13
Respublika Veteranlar Təşkilatı ilə Qara dəniz-Xəzər regionu ölkələrinin Hüquqşünaslar Assosiasiyasının əməkdaşlığı veteran hərəkatına xüsusi tövhələr verəcək - 15 / 12 / 2017 06:50
Azay Quliyev növbəti dəfə seçiciləri ilə görüşdü - 14 / 12 / 2017 21:13
Sahib Məmmədov -55 - 14 / 12 / 2017 20:28
Şura “Türkmənçay sülh müqaviləsi - 190: tarixi həqiqətlərin izi ilə” mövzusunda Beynəlxalq Elmi Konfrans keçirib - 14 / 12 / 2017 15:00
Bakıda Aİ və UNİCEF-in "Uşaqlar üçün ədliyyə" adlı birgə layihəsi üzrə hesabatın təqdimatı olub - 14 / 12 / 2017 13:49
Hadi Rəcəbli: "Birinci qrup gözdən əlillər təhsil haqqından azad edilə bilər" - 14 / 12 / 2017 12:15
Hicran Hüseynova: "Ailələrin dağılmasının əsas səbəbi heç də maddi durum deyil" - 14 / 12 / 2017 11:53
Azərbaycan media təmsilçilərinin İstanbul şəhərinə səfər proqramı başlayıb - 14 / 12 / 2017 11:44
"İrsimizə atəş açmayın" filminin təqdimatı keçiriləcək - 14 / 12 / 2017 11:00
UNİCEF nümayəndəsi: "Əlilliyi olan uşaqların təhsilə cəlb olunmasına xüsusi diqqət edirik" - 14 / 12 / 2017 10:50
Layihə çərçivəsində növbəti seminar keçirilib - 14 / 12 / 2017 07:42
"Çıraqov və qeyriləri Ermənistana Qarşı" işi üzrə İctimai TV-də müzakirələr aparılıb - Video - 14 / 12 / 2017 07:24
Əlillər işlə təminatda hansı problemlərlə üzləşir? - 13 / 12 / 2017 16:09
BAMF prezidenti BMT-nin Nyu Yorkdakı baş qərargahında görüşlər keçirib - 13 / 12 / 2017 11:37
Azərbaycanlı QHT nümayəndələri Almaniyada keçiriləcək tədbirdə iştirak edəcək. - 13 / 12 / 2017 11:00
Orduda QHT və dini qurumların yaradılması və fəaliyyəti qadağan edilir - 13 / 12 / 2017 09:15
Şabran gəncləri “Azərbaycan Gəncliyi 2017-2021-ci illərdə” Dövlət Proqramınən icrasına cəlb edildi - 13 / 12 / 2017 08:29
Dahi rəhbər Heydər Əliyev xalqımıza xoşbəxt, firavan həyat bəxş edib - 12 / 12 / 2017 19:28