Miqrantların cəmiyyətə inteqrasiyasının problemləri və perspektivləri nəzərdən keçirilib
A A A
10/09/2017
Oxunma sayısı : 34039

|

Beynəlxalq ictimaiyyətin diqqət mərkəzində olan miqrantların cəmiyyətə inteqrasiyası məsələsi son illər Azərbaycana gələn miqrant axını fonunda həm maraqlı, həm də mühüm əhəmiyyət kəsb edir. Məhz bu səbəbdən “Həyat” Humanitar Dəstək İctimai Birliyi Dövlət Miqrasiya Xidmətinin Bakı regional miqrasiya idarəsində “Miqrantların cəmiyyətə inteqrasiyası: problemlər və perspektivlər” mövzusunda ictimai müzakirə təşkil edib. Dövlət Miqrasiya Xidməti yanında İctimai Şuranın fəal dəstəyi ilə təşkil olunan həmin tədbir Azərbaycan Respublikasının Prezidenti yanında QHT-lərə Dövlət Dəstəyi Şurasının maliyyə dəstəyi ilə “Həyat” Humanitar Dəstək İctimai Birliyi tərəfindən icra olunan “Miqrantların Azərbaycan cəmiyyətinə səmərəli inteqrasiyasına dəstəyin göstərilməsi” layihəsi çərçivəsində keçirilib.

Müzakirənin məqsədi barədə danışan Dövlət Miqrasiya Xidməti yanında İctimai Şurasının sədri Azər Allahverənov bildirib ki, ümumdünya miqyasında miqrantların inteqrasiyası miqrasiya proseslərinin idarə olunması ilə məşğul olan maraqlı tərəfləri xüsusilə narahat edən məsələlər sırasına daxildir. Inteqrasiya məsələsi ən azından ona görə diqqət mərkəzindədir ki, bu proses həm çoxşaxəli və mürəkkəbdir, həm də bəzi miqrant qrupları (məsələn, dini icma təmsilçiləri) üçün bir qədər ağırdır. Məhz bu səbəbdən miqrantların inteqrasiyasının effektiv və səmərəli şəkildə həyata keçirmək istəyən dairələr bütün tərəflərin, o cümlədən miqrant kateqoriyasına aid edilən şəxslərin maraqlarını nəzərə alan inteqrasiya modelinin yaradılmasına nail olmalıdırlar. Şura sədri Azərbaycanda da bu sahədə həyata keçirilən miqrasiya siyasətində müasir inteqrasiya proseslərinin bu elementlərinin nəzərə alınmasının vacibliyini vurğulayıb.

BMT-nin Qaçqınlar üzrə Ali Komissarlığının Proqram şöbəsinin müdir müavini Nərmin Osmanlı  miqrant kateqoriyasına aid edilən qaçqınların peşə hazırlığı və əmək fəaliyyətinin aktual məsələləri barədə danışıb və qeyd edib ki, həmin qrupdan olan şəxslər işə düzələn zaman işverən şirkətlər onlarn qarşısında sərt tələblər qoyur. Həmin tələblər əsasən işə götürülən əcnəbilərə şamil olunan qaydalardan ibarət olur. BMTQAK rəsmisi bildirib ki, həmin qaydalar tətbiq olunan zaman qaçqınların həssas qrup olması xüsusilə nəzərə alınmalıdır.

Dövlət Miqrasiya Xidmətinin Qaçqın statusunun müəyyənləşdirilməsi idarəsinin rəisi Aydan Seyidova  qanunvericilikdə qaçqınlarla bağlı tətbiq olunan bir çox güzəştlər barədə söz açıb və bildirib ki, əcnəbilərə qarşı tətbiq olunan cərimə sanksiyalarına nəzər salınsa, çox rahat şəkildə aşkar etmək olar ki, miqrasiya qanunvericiliyində əksini tapmış qaydalarla bağlı qaçqınların obyektiv və subyektiv səbəblər ucbatından yol verdikləri inzibati xətalara görə çox az hallarda cərimə sanksiyasına məruz qalırlar. Bu da onlarla münasibətdə dövlət siyasətinin daha loyal olduğunu təsdiq edən məqamdır.

“Təmiz dünya” Qadınlara Yardım İctimai Birliyinin sədri Mehriban Zeynalova ailədaxili zorakılığa məruz qalan miqrant-qadınların ölkədən çıxan zaman rastlaşdıqları problemlər barədə danışıb. Birlik sədri vurğulayıb ki, zorakılıq qurbanı olmuş həmin qadınların bir çoxu Azərbaycan cəmiyyətinə inteqrasiya olunmaq, burada qalmaq istəyirlər. Amma ilk əvvəl onların miqrant olaraq hüquqi vəziyyəti müəyyən edilməli və ailədaxili zorakılıq qurbanları üçün nəzərdə tutulan kompleks xidmət paketlərinə çıxışı təmin edilməlidir.  

Miqrasiya Siyasətinin İnkişafı üzrə Beynəlxalq Mərkəzinin (Avstriya) Azərbaycandakı ofisi tərəfindən icra olunan “Azərbaycanla Yerdəyişmə üzrə Tərəfdaşlığın həyata keçirilməsinə dəstək (MOBİLAZE)” layihəsinin müşaviri Səltənət Məmmədova repatriasiya olunmuş şəxslərin sosial xidmətlərə çıxışının təmin olunması üçün zəruri mexanizmin vacibliyi barədə danışıb. Müşavir əlaqədar dövlət qurumlarının nümayəndələrinin daxil olduğu İnteqrasiya üzrə İşçi Qrupu tərəfindən bu istiqamətdə müəyyən işlərin həyata keçirildiyini və  bir sıra müsbət nəticələrin artıq əldə olunduğunu bildirib.

Vətəndaş cəmiyyəti təmsilçiləri Mehriban Abdullayeva, Kəmalə Ağayeva, Xəzangül Mövsumova, jurnalist Könül Quliyevə və digərləri miqrantların cəmiyyətə inteqrasiyasının vacibliyini qeyd ediblər və bu sahədə aktuallığı ilə xarakterizə edilən bir sıra məsələlərin cəmiyyətdə müntəzəm müzakirəsinə ehtiyacı olduğunu bildiriblər. 

"Həyat" Humanitar Dəstək İctimai Birliyi

ŞƏRHLƏR

Digər Yazılar
XƏBƏRLƏR
Əlilliyi olan şəxslərin turları davam edir-FOTOLAR - 19 / 07 / 2018 16:06
QHT sədrinin müavini millət vəkillərinə səsləndi - Təcili - 19 / 07 / 2018 09:05
Hansı QHT-lərin sosial xidmət mərkəzləri var - Siyahı - 18 / 07 / 2018 20:22
Mühasibat uçotu üzrə mövcud tədris proqramlarının təkmilləşdirilməsi ilə bağlı ekspertlər tərəfindən təqdim olunan təkliflərin müzakirəsi keçirilib - 18 / 07 / 2018 19:06
"Yay məktəbi"nin iştirakçıları "AccessBank"ın fəaliyyəti ilə tanış olublar - 18 / 07 / 2018 18:48
Sumqayıt şəhərində yaradılmış İcma Əsaslı Sosial Reabilitasiya Mərkəzi fəaliyyətini uğurla davam etdirir - 18 / 07 / 2018 18:43
Millət vəkili Azay Quliyev İctimai Televiziyanın “Diqqət Mərkəzi” verilişinin qonağı olub - Video - 18 / 07 / 2018 10:22
Şuranın dəstəyi ilə QHT TV-nin Xəbərlər blokunun növbəti buraxılışı hazırlanıb - Video - 18 / 07 / 2018 09:20
"Ölkədə ən çox problemlərdən danışan prezident İlham Əliyevdir" - 17 / 07 / 2018 20:23
“Qarabağ dünən və bugün” mövzusunda ictimai müzakirələr Macarstan səfirliyində davam etdi - 17 / 07 / 2018 18:20
Anfisa Zinyeddin: “Reproduktiv sağlamlıq sahəsində problemlərin aradan qaldırılması üçün, əhalinin bu məsələyə daha məsuliyyətli yanaşması vacıbdir” - 17 / 07 / 2018 08:20
Şuranın dəstəyi ilə “Sahibkar saatı” verilişi hazırlanıb - Videolar - 16 / 07 / 2018 19:23
"Loqos" un Müdafiə Nazirliyi ilə qarşılıqlı əməkdaşlığı davam edir. - 16 / 07 / 2018 13:13
Əlillər Cəmiyyəti əlilliyi olan şəxslər arasında özünüməşğulluq proqramlarından yararlanma imkanları mövzusunda tədbir keçirib - 16 / 07 / 2018 07:23
Şuranın dəstəyi ilə "Azərbaycanda sahibkarlığın inkişafı üçün hansı güzəştlər nəzərdə tutulub?" adlı videoçarx hazırlanıb - 15 / 07 / 2018 13:58
London evində əlilliyi olan şəxslərin övladları üçün tədbir təşkil edildi - 15 / 07 / 2018 13:35
“Qadın və uşaq hüquqlarının təbliğində ictimai rolun artırılması“ lahiyəsi davam edir - 15 / 07 / 2018 08:58
Şuranın dəstəyi ilə "Sahibkar saatı" verilişinin 5-ci buraxılışı hazırlanıb - 14 / 07 / 2018 20:23
Ailə ənənələri mövzusunda sosioloji araşdırmalar layihəsi yekunlaşdı - 14 / 07 / 2018 19:29
"Təxribatları təşkil edən qüvvələr bilirdilər ki..." - Sahib Məmmədov - 14 / 07 / 2018 19:25
QHT sədri: Ölkə vətəndaşlarının çətin anlarda öz dövlət başçısının yanında olması bir daha xalq-iqtidar birliyinin bariz göstərici oldu - 13 / 07 / 2018 19:17
OXU Akademiyası sizi Yay Məktəbinə dəvət edir - 13 / 07 / 2018 11:45
Cənub bölgəsində prezidentin fərmanına ictimai dəstək verildi - 13 / 07 / 2018 10:35
Rufiz Qonaqov: NATO Sammitinin yekun sənədi Ermənistanın işğalçı siyasətini iflasa uğratdı - 13 / 07 / 2018 10:10
Əliyevadan göstəriş: yüzlərlə tələbənin diplomu... -Video - 13 / 07 / 2018 09:02
Azərbaycan konstitusion, hüququn aliliyini əsas götürmüş dünyəvi bir dövlətdir - 13 / 07 / 2018 06:54
QHT sədri: “Törədilən qanlı olaylar Azərbaycan dövlətçiliyinə qarşı qəsdir” - 13 / 07 / 2018 06:17
Müharibədən zərər çəkmiş uşaqlar haqqında - 12 / 07 / 2018 18:40
Məktəb psixoloqlarının bilik və bacarıqlarının artırılması üçün təlim keçirilib. - 12 / 07 / 2018 13:41
QHT Yevlaxda seminar keçirib - 12 / 07 / 2018 13:33