Miqrantların ölkə ərazisində daimi yaşaması və müvəqqəti olma şərtləri müzakirə olunub
A A A
10/16/2017
Oxunma sayısı : 45491

|

Bakı şəhər regional miqrasiya idarəsində “Həyat” Humanitar Dəstək İctimai Birliyinin təşkilatçılığı və Dövlət Miqrasiya Xidmətinin (DMX), o cümlədən Xidmət yanında İctimai Şuranın fəal dəstəyi ilə “Əcnəbilərin və vətəndaşlığı olmayan şəxslərin Azərbaycan Respublikasında yaşadığı yer üzrə qeydiyyata alınması, daimi yaşaması və müvəqqəti olma şərtləri” mövzusunda ictimai müzakirə keçirilib. Tədbir Azərbaycan Respublikasının Prezidenti yanında QHT-lərə Dövlət Dəstəyi Şurasının maliyyə dəstəyi ilə icra olunan “Miqrantların Azərbaycan cəmiyyətinə səmərəli inteqrasiyasına dəstəyin göstərilməsi” layihəsi çərçivəsində təşkil olunub.

Müzakirəyə çıxarılan məsələlər barədə məlumat verən layihə əlaqələndiricisi Azər Allahverənov bildirib ki, miqrantların inteqrasiyası bir sıra amillər sayəsində səmərəli ola bilər. Belə ki, şəffaf qeydiyyat mexanizminin mövcudluğu və miqrantların miqrasiya qaydaları barədə məlumatlı olmaları müzakirə olunan məhz bu mövzu kontekstində mühüm əhəmiyyət kəsb edir. Qüvvədə olan Miqrasiya Məcəlləsi miqrantların Azərbaycan Respublikasında yaşadığı yer üzrə qeydiyyata alınması, daimi yaşaması və müvəqqəti olma şərtlərini açıq şəkildə bəyan edir və vacib olan məqam həmin şərtlər barədə miqrantların düzgün şəkildə məlumatlı olmaları ilə bağlıdır. Layihə rəhbəri qeyd edib ki, bu kimi ictimai müzakirələr miqrantların qeydiyyatı ilə bağlı aktual məsələlərin nəzərdən keçirilməsi və həll olunması üçün geniş imkanlar açır.

Tədbirdə iştirak edən “Ümidli gələcək” Gənclər Təşkilatının icraçı direktoru Kəmalə Aşumova bildirib ki, miqrant uşaqlarının problemləri təmsil etdiyi təşkilatın fəaliyyət spektrinə daxildir və bir çox problemlər məhz müvafiq dövlət qurumları, o cümlədən DMX ilə qurulan səmərəli əməkdaşlıq nəticəsində həllini tapır. Lakin həmin qrupa aid edilən bəzi uşaqlar var ki, onlar Gürcüstan ərazisində doğulublar, hal-hazırda səhhəti ilə əlaqədar Azərbaycanda müalicə alırlar və bu səbəbdən həm miqrasiya, həm də səhiyyə orqanlarına rüsumlar ödəyirlər. Maddi vəziyyəti aşağı olan həmin ailələr tələb olunan rüsumları ödəməkdə çətinlik çəkirlər və bu səbəbdən onlarla münasibətdə bir sıra güzəştlərin tətbiq olunması zərurəti yaranır. Bu məsələnin gündəmdə saxlanılması olduqca vacibdir.

Azərbaycan Respublikasının İnsan Hüquqları üzrə Müvəkkili (Ombudsman) Aparatının Qaçqınların, məcburi köçkünlərin və miqrantların hüquqlarının müdafiəsi sektorunun müdiri Turan Cahangirova miqrantların hüquqlarının təmin olunması istiqamətində həyata keçirilən fəaliyyətlər barədə danışıb və tədbir iştirakçılarının diqqətinə çatdırıb ki, hüquqlarının təmin olunması zamanı müəyyən problemlərlə  üzləşən miqrantlar rahat şəkildə Müvəkkilin qaynar xəttinə müraciət edə bilərlər.

Azərbaycan Gənc Alim, Aspirant və Magistrlər Cəmiyyətinin sədri İlqar Orucov elmlə məşğul olan şəxslərin viza rüsumundan azad olunması, həmçinin Azərbaycan Respublikasının vətəndaşlığının əldə edilməsi kimi məqamlara nəzər salıb və qeyd edib ki, bu kimi məsələlərlə bağlı geniş ictimai müzakirələr təşkil olunmalı və Dövlət Miqrasiya Xidməti yanında İctimai Şura bu kimi təşəbbüslərin həyata keçirilməsi istiqamətində addımlar atmalıdır.

“Həmrəy” İctimai Birliyinin sədr müavini Elvin Babayev əcnəbilərlə sıx təmasda işləyən özəl qurumların, xüsusilə nəqliyyat xidmətləri göstərən müəssislərin nümayəndələrinin xarici dildə rahat danışmaları, ölkənin tarixi, siyasi sistemi barədə məlumatlı olmaları barədə danışıb və xüsusilə vurğulayıb ki, bu sahələrdə minimum biliyə malik olan şəxslər əcnəbilərlə ünsiyyət qurarkən daha doğru və dolğun məlumat çatdıra bilərlər ki, bu, bilavasitə bizim maraqlara cavab verən haldır.

Gəncliyə Yardım Fondunun vitse-prezidenti Salman Əliyev Türkiyə Respublikasından Azərbaycana təşrif buyurmuş tələbələrlə, qonaqlarla yaxından işləyən Fondun bu sahədə həyata keçirdiyi fəaliyyətlərə toxunub və bildirib ki, həmin əcnəbilərin qeydiyyatı ilə bağlı bütün məsələlər Dövlət Miqrasiya Xidməti tərəfindən operativ həllini tapıb. S.Əliyev həmçinin əcnəbilərə zəruri məlumat verəcək əyani vəsaitlərin hazırlanması və bu əsasda geniş məlumat kampaniyalarının keçirilməsi ilə bağlı proqramların vacibliyi barədə danışıb və “Həyat” təşkilatının bu müstəvidə icra etdiyi fəaliyyətləri yüksək dəyərləndirib. 

İctimai müzakirədə fəal iştirak edən DMX yanında İctimai Şuranın katibi Kənan Bağırov, vətəndaş cəmiyyəti təmsilçiləri Mehriban Hüseynova, Leyla Nuriyeva, Anastasiya Lavrina və digərləri əcnəbilərin ölkə ərazisində qeydiyyatı, müvəqqəti olması və daimi yaşaması ilə bağlı mövcud vəziyyətə nəzər salıblar və aktuallığı ilə səciyyələn bir sıra məsələlərin gündəmdə saxlanılmasının vacibliyini qeyd ediblər. 

Dövlət Miqrasiya Xidmətinin rəsmisi Vaqif Mansurov miqrasiya qanunvericiliyində əcnəbilərin qeydiyyatı, daimi yaşaması və müvəqqəti olması ilə bağlı şərtlər və bu sahədə yeniliklər barədə ətraflı məlumat verib, tədbir iştirakçılarını narahat edən çox saylı sualları cavablandırıb.

"Həyat" Humanitar Dəstək İctimai Birliyi

ŞƏRHLƏR

Digər Yazılar
XƏBƏRLƏR
"İşğal altında olan maddi və mənəvi abidələrin Bakıda və regionlarda təbliği" adlı tədbir keçirildi - 18 / 10 / 2018 20:05
Ucarda Şuranın fəaliyyətinin 10 illiyinə həsr olunan ictimai müzakirə keçirilib - 18 / 10 / 2018 15:41
Şuranın 10 illik yubileyi ilə bağlı fərqli statistik video-çarx - 18 / 10 / 2018 13:01
Müharibə, Əmək və Silahlı Qüvvələr Veteranları Təşkilatının 30 illik yubileyinə dəvət olunmuş nümayəndə heyəti ilə görüş olub - 18 / 10 / 2018 12:20
Layihənin yekun tədbiri keçirilib - 18 / 10 / 2018 03:06
Rəsul Quliyevin fərdi sərgisi - "Mən görürəm" - 17 / 10 / 2018 21:27
"Kəlbəcərdə yeni qəsəbə salınması Cenevrə Konvensiyasına ziddir" - Sahib Məmmədov - 17 / 10 / 2018 18:39
Azay Quliyev QHT sədrinin vəfatı ilə əlaqədar başsağlığı verdi - 17 / 10 / 2018 14:24
“11 000 manat bütün şəhid ailələrinə verilməlidir“ - 17 / 10 / 2018 13:13
Bakıda “Müasir dünyada təhlükəsizlik: qlobal və regional çağrışlar” mövzusunda beynəlxalq konfrans keçirmişdir - 17 / 10 / 2018 13:06
Şəmkirdə Şuranın fəaliyyətinin 10 illiyinə həsr olunan ictimai müzakirə keçirilib - 17 / 10 / 2018 11:48
Qarabağla ürəyi döyünən mərd, cəsur fədakar bir oğlu itirdik - 16 / 10 / 2018 19:55
“Photo magic of stars” fotosərgisi - 16 / 10 / 2018 19:13
Şuranın dəstəyilə hazırlanan “Yüksəlişin sirri” sənədli filmi təqdim olunub - 16 / 10 / 2018 18:34
Respublika Veteranlar Təşkilatının yaradılmasının 30 illik yubileyi qeyd olunub - 16 / 10 / 2018 13:59
“Loqos” da Üsküdar Universitetinin təqdimatı keçirilib. - 16 / 10 / 2018 12:24
Şuranın dəstəyilə “Mirzə Ələkbər Sabir virtual muzeyi” ingilis və rus dillərində təqdim olunub - 16 / 10 / 2018 00:20
Azay Quliyev: Son 15 ildə Prezident İlham Əliyev Azərbaycanı regionun ən güclü və münbit ölkəsinə çevirdi - 15 / 10 / 2018 17:13
Şuranın 10 illiyi və regionların inkişafında QHT-lərin rolu mövzusunda Şəkidə ictimai müzakirə keçirilib - Foto - 15 / 10 / 2018 17:05
“Nəsillərə örnək ömür” adlı tədbir keçirilib. - 15 / 10 / 2018 08:44
Məcburi köçkünlərin sosial vəziyyətinin qiymətləndirilməsinin nəticələrinə dair yekun tədbir keçirilib - 15 / 10 / 2018 05:42
Azay Quliyev: “Erməni Frankofoniyası” təkcə bəşəri dəyərlərin aşağılanması və ironiyası deyil, həm də bir nonsensdir - 14 / 10 / 2018 20:46
Şuranın dəstəyilə hazırlanan “Yüksəlişin sirri” sənədli filminin təqdimatı keçiriləcək - Video - 14 / 10 / 2018 14:39
Şuranın dəstəyilə QHT TV-nin Xəbərlər Blokunun 13-cü buraxılışı hazırlanıb - Video - 14 / 10 / 2018 10:06
Nazirlik: 35 QHT ilə 57 layihə üzrə müqavilə imzalanıb - 13 / 10 / 2018 09:56
Məşğulluqda qadınalara qarşı ayrı-seçkilik varmı? - 12 / 10 / 2018 11:11
Layihənin yekun tədbiri keçiriləcək - 11 / 10 / 2018 19:11
QHT Brüsseldə beynəlxalq tədbir təşkil edib - 11 / 10 / 2018 08:58
Şuranın dəstəklədiyi layihənin növbəti seminarı Sumqayıt şəhərində təşkil olundu - 11 / 10 / 2018 08:42
“Yeniyetmə, gənc və universitet tələbələri arasında vətənpərvərliyin təbliği ilə bağlı görüşlərin keçirilməsi” layihəsi çərçivəsində növbəti tədbir keçirilmişdir - 10 / 10 / 2018 14:53