“Washington Post” Metsamor AES-i həyatla ölüm arasındakı şəhər kimi şərh etdi…
A A A
11/10/2017
Oxunma sayısı : 33933

“#stopmetsamor beynəlxalq kampaniyası çərçivəsində biz Morelli ilə yazışmalar aparmışdıq”

Sənan Nəcəfov: “Morellinin məqaləsində bu dediklərimiz təsdiqini tapıb”

“Washington Post” region üçün ciddi təhlükə mənbəyi olan Ermənistandakı Metsamor AES-dən geniş yazı hazırlayıb. Məqalədə müəllif Stefano Morelli AES-in yerləşdiyi Metsamoru “həyatla ölümün arasında yaşayan şəhər” kimi təqdim edir.

O, yazır ki, seysmoloji cəhətdən təhlükəli ərazidə tikilən AES-də üstəlik nüvə reaktoru da müdafiə örtüyü olmadan fəaliyyət göstərir ki, məhz bu iki təhlükəli cəhət də region üçün böyük nüvə hədəsi deməkdir. Məqalədə xatırladılır ki, 1989-cu ildə Spitak zəlzələsindən sonra stansiya bağlansa da, sonradan bu “ölüm kabusu” yenidən işə salınmaqla regionu təhdid etməyə başlayıb. O qeyd edir ki, 2011-ci ildə “National Geographic” Metsamoru “dünyanın ən təhlükəli atom elektrik stansiyası adlandırıb.

Müəllif yazısında bildirir ki, daşıdığı bütün risqlərə baxmayaraq, AES hələ də işləyir, əhali isə Sovet dövründə stansiyanın işçiləri üçün tikilmiş köhnə evlərdə təhlükənin bir addımlığında yaşamağa davam edir. Amerikan nəşri qeyd edir ki, Morelli bu ilin yanvar ayında bölgəyə səfər edərək bu şəhərin acınacaqlı vəziyyətini fotoaparatın obyektivinə köçürüb. Müəllifi ən çox heyrətləndirən isə enerji çatışmazlığı üzündən şəhərin küçələrinin belə işıqlandırılmaması olub.

Tanınmış KİV-də dərc edilən məqaləyə azərbaycanlı ekspertlərin münasibəti necədir?

“Stop Metsamor” layihəsinin koordinatoru Sənan Nəcəfov “Bakı-Xəbər”ə açıqlamasında bildirdi ki, 2 il öncə onlar  #stopmetsamor beynəlxalq kampaniyasına başlayıblar: “Metsamor AES-in region, hətta yaxın Türkiyə, İran, Yaxın Şərq və hətta Avropa məkanı üçün ciddi təhdid mənbəyi olması barədə məlumatları bütün istiqamətlərdə yaydıq. Ermənistanın özündə atom bombası üzərində narahatlıqla, həyəcanla yaşayan insanların çoxluğunu da məhz həmin kampaniya çərçivəsində müəyyən etdik. Sosial şəbəkələrdə, email yazışmalarında bu kampaniyaya dəstək verən erməni fəallar açıq etiraf edirdilər ki, yarıməsrlik ömrü olan “zapalı çəkilmiş qumbara” ilə yaşamaqdan beziblər. O “qumbaranın” hər an açılma ehtimalı insanları rahat yaşamağa qoymur. Bir sözlə, köhnəlmiş stansiya böyük təhdid mənbəyidir.

Tanınmış bloger-fotoqraf Stefano Morellinin Metsamor AES-lə bağlı həyəcan dolu yazısı növbəti xəbərdarlıq siqnalıdır. Yeri gəlmişkən #stopmetsamor beynəlxalq kampaniyası çərçivəsində biz Morelli ilə yazışmalar aparmışdıq və onun ekoloji problemlərə xüsusi diqqət ayırdığı haqda məlumatlı idik. Məşhur “Washington Post”da “Həyatla ölümün arasında yaşayan şəhər” başlığı ilə verilən məqalədə bildirlir ki, daşıdığı bütün risqlərə baxmayaraq, AES hələ də işləyir, əhali isə Sovet dövründə stansiyanın işçiləri üçün tikilmiş köhnə evlərdə təhlükənin bir addımlığında yaşamağa davam edir. Halbuki, əlimizdə olan dəqiq məlumatlara görə, 10 min sakini olan şəhərin 1000 nəfəri həmin təhlükə mənbəyində çalışır. Cəmi 1000 nəfər.

#stopmetsamor kampaniyası başladığı zamandan biz bu haqda çağırışlar edirdik:

– Seysmoloji cəhətdən təhlükəli ərazidə tikilən AES heç vəchlə müasir tələblərə cavab vermir.

– Nüvə reaktoru da müdafiə örtüyü olmadan fəaliyyət göstərir ki, məhz bu iki təhlükəli cəhət də region üçün böyük nüvə hədəsi deməkdir.

– 1989-cu ildə Spitak zəlzələsindən sonra stansiyanın təklükəlilik dərəcəsi 1-ə 1000 artmışdı. İlk 10 ildə bağlansa da, sonradan bu “ölüm kabusu” yenidən işə salınmaqla vəziyyət kritik həddə qədər ağırlaşıb.

– Təsadüfi deyil ki, beynəlxalq qurumlar, ekoloji təşkilatlar da bu məsələdə narahatdırlar. Hətta 2011-ci ildə “National Geographic” Metsamoru “dünyanın ən təhlükəli atom elektrik stansiyası adlandırıb.

– Stansiya haqda ən dolğun açıqlamanı “Nairit” zavodunun keçmiş direktoru Qaqik Nersisyan vermişdi. O, Çernobılı xatırladır və qeyd edirdi ki, bizim dərdimiz Çernobıldan da qorxuludur.

Morellinin məqaləsində bu dediklərimiz təsdiqini tapıb. 2017-ci ilin yanvarında Metsamorda olan müəllifin obyektivinə tuş gələn diqqətçəkici fakt enerji çatışmazlığı üzündən şəhərin küçələrinin belə işıqlandırılmaması olub. Ağacların qırılması, şəhər sakinlərinin acınacaqlı durumu, qışı yola vermək üçün əl atdıqları bütün variantlar çıxılmazlığa işarədir.

Məsələyə digər tərəfdən yanaşsaq, ATƏT və BMT-nin və digər beynəlxalq qurumların AES-in fəaliyyətinin dayandılması ilə bağlı çağırışları və qərarları olmasına baxmayaraq, Ermənistan bunların heç birinə müsbət cavab verməyib. Üstəgəl, bölgə üçün təhlükəli olan stansiya  Rusiyanın diqtəsi ilə fəaliyyətini davam etdirib. Baxmayaraq ki, təkcə öz əhalisini deyil, eləcə də yaxın qonşularını, regionu və daha böyük arealı ciddi təhlükə altında saxlayır. İstənilən halda, təhlükə artmaqdadır. İndiyə qədər öz xalqının taleyi ilə bu qədər vecsiz davranan siyasətçilərə  tarixdə rast gəlinməyib. Ermənistan rəhbərliyi antirekorda imza atmaqda davam edir”.

Məhəmmədəli QƏRİBLİ

ŞƏRHLƏR

Digər Yazılar
XƏBƏRLƏR
Hansı QHT-lərin sosial xidmət mərkəzləri var - Siyahı - 18 / 07 / 2018 20:22
"Yay məktəbi"nin iştirakçıları "AccessBank"ın fəaliyyəti ilə tanış olublar - 18 / 07 / 2018 18:48
Sumqayıt şəhərində yaradılmış İcma Əsaslı Sosial Reabilitasiya Mərkəzi fəaliyyətini uğurla davam etdirir - 18 / 07 / 2018 18:43
Mühasibat uçotu üzrə yeni tədris proqramının ilkin versiyası müzakirə olundu - 18 / 07 / 2018 18:29
Millət vəkili Azay Quliyev İctimai Televiziyanın “Diqqət Mərkəzi” verilişinin qonağı olub - Video - 18 / 07 / 2018 10:22
Şuranın dəstəyi ilə QHT TV-nin Xəbərlər blokunun növbəti buraxılışı hazırlanıb - Video - 18 / 07 / 2018 09:20
"Ölkədə ən çox problemlərdən danışan prezident İlham Əliyevdir" - 17 / 07 / 2018 20:23
“Qarabağ dünən və bugün” mövzusunda ictimai müzakirələr Macarstan səfirliyində davam etdi - 17 / 07 / 2018 18:20
Anfisa Zinyeddin: “Reproduktiv sağlamlıq sahəsində problemlərin aradan qaldırılması üçün, əhalinin bu məsələyə daha məsuliyyətli yanaşması vacıbdir” - 17 / 07 / 2018 08:20
Şuranın dəstəyi ilə “Sahibkar saatı” verilişi hazırlanıb - Videolar - 16 / 07 / 2018 19:23
"Loqos" un Müdafiə Nazirliyi ilə qarşılıqlı əməkdaşlığı davam edir. - 16 / 07 / 2018 13:13
Əlillər Cəmiyyəti əlilliyi olan şəxslər arasında özünüməşğulluq proqramlarından yararlanma imkanları mövzusunda tədbir keçirib - 16 / 07 / 2018 07:23
Şuranın dəstəyi ilə "Azərbaycanda sahibkarlığın inkişafı üçün hansı güzəştlər nəzərdə tutulub?" adlı videoçarx hazırlanıb - 15 / 07 / 2018 13:58
London evində əlilliyi olan şəxslərin övladları üçün tədbir təşkil edildi - 15 / 07 / 2018 13:35
“Qadın və uşaq hüquqlarının təbliğində ictimai rolun artırılması“ lahiyəsi davam edir - 15 / 07 / 2018 08:58
Şuranın dəstəyi ilə "Sahibkar saatı" verilişinin 5-ci buraxılışı hazırlanıb - 14 / 07 / 2018 20:23
Ailə ənənələri mövzusunda sosioloji araşdırmalar layihəsi yekunlaşdı - 14 / 07 / 2018 19:29
"Təxribatları təşkil edən qüvvələr bilirdilər ki..." - Sahib Məmmədov - 14 / 07 / 2018 19:25
QHT sədri: Ölkə vətəndaşlarının çətin anlarda öz dövlət başçısının yanında olması bir daha xalq-iqtidar birliyinin bariz göstərici oldu - 13 / 07 / 2018 19:17
OXU Akademiyası sizi Yay Məktəbinə dəvət edir - 13 / 07 / 2018 11:45
Cənub bölgəsində prezidentin fərmanına ictimai dəstək verildi - 13 / 07 / 2018 10:35
Rufiz Qonaqov: NATO Sammitinin yekun sənədi Ermənistanın işğalçı siyasətini iflasa uğratdı - 13 / 07 / 2018 10:10
Əliyevadan göstəriş: yüzlərlə tələbənin diplomu... -Video - 13 / 07 / 2018 09:02
Azərbaycan konstitusion, hüququn aliliyini əsas götürmüş dünyəvi bir dövlətdir - 13 / 07 / 2018 06:54
QHT sədri: “Törədilən qanlı olaylar Azərbaycan dövlətçiliyinə qarşı qəsdir” - 13 / 07 / 2018 06:17
Müharibədən zərər çəkmiş uşaqlar haqqında - 12 / 07 / 2018 18:40
Məktəb psixoloqlarının bilik və bacarıqlarının artırılması üçün təlim keçirilib. - 12 / 07 / 2018 13:41
QHT Yevlaxda seminar keçirib - 12 / 07 / 2018 13:33
Layihənin yekun təqdimat mərasimi keçirilib - 12 / 07 / 2018 10:05
“Loqos” daha bir yeniliyə imza atdı. - 12 / 07 / 2018 08:38