“Gənclər və dini icmalar: əməkdaşlıq və inkişaf” mövzusunda konfrans keçirilib.
A A A
11/30/2017
Oxunma sayısı : 32090

|

Noyabrın 30-da Azərbaycan Respublikasının Dini Qurumlarla İş üzrə Dövlət Komitəsi və Azərbaycan Respublikasının Prezidenti yanında Gənclər Fondunun birgə təşkilatçılığı ilə “Gənclər və dini icmalar: əməkdaşlıq və inkişaf” mövzusunda konfrans keçirilib.

Konfransda Dövlət Komitəsi və Gənclər Fondunun rəhbərliyi, millət vəkilləri, dini icma sədrləri və gənclər təşkilatlarının nümayəndələri iştirak ediblər.
Dövlət Komitəsinin sədri Mübariz Qurbanlı mövzunun əhəmiyyətindən danışaraq bildirib ki, konfransda gənclər və dini icmalar arasındakı qarşılıqlı əlaqələr və burada gənclərin rolu məsələsi ətrafında müzakirələr aparılacaq.

Dini Qurumlarla İş üzrə Dövlət Komitəsinin dini radikalizmə qarşı mübarizədə müxtəlif qurumlarla, o cümlədən gənclər təşkilatları ilə sıx əməkdaşlıq etdiyini diqqətə çatdıran Mübariz Qurbanlı Azərbaycan Respublikasının Prezidenti yanında Gənclər Fondu ilə müxtəlif xarakterli tədbirlərin həyata keçirildiyini qeyd edib. Bildirib ki, dini xurafat, dini radikalizm və ekstremizmə qarşı mübarizədə təbliğat işi daha yüksək səviyyəyə qaldırılmalıdır. Qafqaz Müsəlmanları İdarəsi və Dövlət Komitəsi müxtəlif dövlət qurumları ilə birlikdə bu sahədə geniş proqram həyata keçirir.

Azərbaycanda din amilindən istifadə edərək hər hansı formada qarşıdurma yaratmaq və yaxud ictimai-siyasi sabitliyi pozmağa cəhd etməyin mümkün olmadığını bildirən Dövlət Komitəsinin sədri Ulu Öndər Heydər Əliyevin həyata keçirdiyi siyasəti uğurla davam etdirən möhtərəm Prezidentimiz İlham Əliyev rəhbərlik etdiyi Azərbaycanda dövlət-din münasibətlərinin yüksək səviyyədə olduğunu bildirib. Onun sözlərinə görə, sovetlər dönəmində Azərbaycanda 17 məscid mövcud idisə, müstəqil Azərbaycanda hazırda 2000-dən artıq ibadət məkanı fəaliyyət göstərir. Republikamızda 750-dən çox icma var ki, bunun da 28-ni qeyri-islam icması təşkil edir. Azərbaycanda müxtəlif dini konfessiyalar sərbəst və azad şəkildə dini ayinlərini icra edirlər.
Dövlət başçısı İlham Əliyevin Sərəncamı ilə Mənəvi Dəyərlərin Təbliği Fondunun təsis edildiyini bildirən Mübariz Qurbanlı bunu ölkə başçımızın dinimizə və mənəvi dəyərlərimizə növbəti diqqət və qayğısı kimi dəyərləndirib.

Daha sonra çıxış edən Azərbaycan Respublikasının Prezidenti yanında Gənclər Fondunun icraçı direktoru Fərhad Hacıyev rəhbərlik etdiyi qurumun fəaliyyət göstərdiyi altı il ərzində respublikamızın müxtəlif bölgələrində 4 minə yaxın layihənin maliyyələşdirdiyini vurğulayıb. Natiq bunların sırasında dini dözümlülük, tolerantlıq və dini maarifləndirmə ilə bağlı layihələrin olduğunu da diqqətə çatdırıb.
Fərhad Hacıyev onu da qeyd edib ki, respublikamızda beynəlxalq forumların keçirilməsi dünya miqyasında Azərbaycanın rolunu, ölkəmizə olan hörməti və inamı gündən-günə artırır.

Respublika Ağsaqqallar Şurasının sədri, millət vəkili Fəttah Heydərov çıxışında bildirib ki, dünyada baş verən münaqişələrin fonunda Azərbaycan dövlətinin dini konfessiyalara olan münasibəti olduqca təqdirəlayiqdir. Prezident İlham Əliyev tərəfindən elan edilən “İslam Həmrəyliyi İli”nin sülhə xidmət etmək baxımından bir başlanğıc olduğunu vurğulayan Fəttah Heydərov Azərbaycanda müxtəlif dinlərin nümayəndələrinin sərbəst və sülh şəraitində yaşadığını bildirib. Millət vəkili, eyni zamanda Dini Qurumlarla İş üzrə Dövlət Komitəsi ilə Prezident yanında Gənclər Fondunun həyata keçirdiyi tədbirlərin təqdirəlayiq olduğunu vurğulayıb.

Milli Məclisin Beynəlxalq münasibətlər və parlamentlərarası əlaqələr Komitəsi sədrinin müavini Sevinc Fətəliyeva bildirib ki, dünayada gedən proseslər, münaqişələr, terrorizm və dini ekstremizm halları müəyyən formada gənclərə öz təsirini göstərir. Azəraycanda ictimai-siyasi sabitliyin hökm sürdüyünü diqqətə çatdıran millət vəkili ölkəmizdə multikulturalizmin həyat tərzinə çevrildiyini bildirib.

Tədbirdə, həmçinin Bakı şəhəri Dağ yəhudiləri dini icmasının sədri Milix Yevdayev, ”İrəli” İctimai Birliyinin sədri Mirhəsən Seyidov, Azərbaycan Respublikasında Roma Katolik Kilsəsinin Azərbaycandakı apostol prefekturasının ordinarisi Vladimir Fekete, “Gənclər üçün Təhsil Mərkəzi” İctimai Birliyinin sədri Fəxrəddin Həsənzadə, Azərbaycan Respublikasının Alban-Udi Xristian dini icmasının sədri Robert Mobili, “Asan Könüllüləri” Gənclər Təşkiıatı İctimai Birliyinin sədri Bəxtiyar İslamov və digərləri çıxış ediblər. Natiqlər bu cür tədbirlərin əhəmiyyətini yüksək qiymətləndiriblər.
Konfrans çıxış və müzakirələrlə yekunlaşıb.

ŞƏRHLƏR

Digər Yazılar
XƏBƏRLƏR
Layihənin yekun tədbiri keçirilib - 18 / 10 / 2018 03:06
Rəsul Quliyevin fərdi sərgisi - "Mən görürəm" - 17 / 10 / 2018 21:27
"Kəlbəcərdə yeni qəsəbə salınması Cenevrə Konvensiyasına ziddir" - Sahib Məmmədov - 17 / 10 / 2018 18:39
Azay Quliyev QHT sədrinin vəfatı ilə əlaqədar başsağlığı verdi - 17 / 10 / 2018 14:24
“11 000 manat bütün şəhid ailələrinə verilməlidir“ - 17 / 10 / 2018 13:13
Bakıda “Müasir dünyada təhlükəsizlik: qlobal və regional çağrışlar” mövzusunda beynəlxalq konfrans keçirmişdir - 17 / 10 / 2018 13:06
Şəmkirdə Şuranın fəaliyyətinin 10 illiyinə həsr olunan ictimai müzakirə keçirilib - 17 / 10 / 2018 11:48
Qarabağla ürəyi döyünən mərd, cəsur fədakar bir oğlu itirdik - 16 / 10 / 2018 19:55
“Photo magic of stars” fotosərgisi - 16 / 10 / 2018 19:13
Şuranın dəstəyilə hazırlanan “Yüksəlişin sirri” sənədli filmi təqdim olunub - 16 / 10 / 2018 18:34
Respublika Veteranlar Təşkilatının yaradılmasının 30 illik yubileyi qeyd olunub - 16 / 10 / 2018 13:59
“Loqos” da Üsküdar Universitetinin təqdimatı keçirilib. - 16 / 10 / 2018 12:24
Şuranın dəstəyilə “Mirzə Ələkbər Sabir virtual muzeyi” ingilis və rus dillərində təqdim olunub - 16 / 10 / 2018 00:20
Azay Quliyev: Son 15 ildə Prezident İlham Əliyev Azərbaycanı regionun ən güclü və münbit ölkəsinə çevirdi - 15 / 10 / 2018 17:13
Şuranın 10 illiyi və regionların inkişafında QHT-lərin rolu mövzusunda Şəkidə ictimai müzakirə keçirilib - Foto - 15 / 10 / 2018 17:05
“Nəsillərə örnək ömür” adlı tədbir keçirilib. - 15 / 10 / 2018 08:44
Məcburi köçkünlərin sosial vəziyyətinin qiymətləndirilməsinin nəticələrinə dair yekun tədbir keçirilib - 15 / 10 / 2018 05:42
Azay Quliyev: “Erməni Frankofoniyası” təkcə bəşəri dəyərlərin aşağılanması və ironiyası deyil, həm də bir nonsensdir - 14 / 10 / 2018 20:46
Şuranın dəstəyilə hazırlanan “Yüksəlişin sirri” sənədli filminin təqdimatı keçiriləcək - Video - 14 / 10 / 2018 14:39
Şuranın dəstəyilə QHT TV-nin Xəbərlər Blokunun 13-cü buraxılışı hazırlanıb - Video - 14 / 10 / 2018 10:06
Nazirlik: 35 QHT ilə 57 layihə üzrə müqavilə imzalanıb - 13 / 10 / 2018 09:56
Məşğulluqda qadınalara qarşı ayrı-seçkilik varmı? - 12 / 10 / 2018 11:11
Layihənin yekun tədbiri keçiriləcək - 11 / 10 / 2018 19:11
QHT Brüsseldə beynəlxalq tədbir təşkil edib - 11 / 10 / 2018 08:58
Şuranın dəstəklədiyi layihənin növbəti seminarı Sumqayıt şəhərində təşkil olundu - 11 / 10 / 2018 08:42
“Yeniyetmə, gənc və universitet tələbələri arasında vətənpərvərliyin təbliği ilə bağlı görüşlərin keçirilməsi” layihəsi çərçivəsində növbəti tədbir keçirilmişdir - 10 / 10 / 2018 14:53
Azay Quliyev seçicilərini qəbul edib - 10 / 10 / 2018 14:34
Bu gün ölkəmizin hərbi potensialı ən yüksək səviyyədədir - 10 / 10 / 2018 14:32
Vərəm əleyhinə QHT koalisiyası Şəmkirdə səfərdə olub - Video - 10 / 10 / 2018 14:04
“Qarabağ dünən və bugün” mövzusunda ictimai müzakirələr İordaniya səfirliyində davam etdi - 09 / 10 / 2018 21:25