Bəziləri saxtakarlıqla Qarabağ müharibəsi əlili statusunu alıb
A A A
12/02/2017
Oxunma sayısı : 32463

Vüsal Nəzərov: "Bəzi şəxslər saxtakarlıq edərək Qarabağ müharibəsi əlili statusunu alıb, bu kateqoriyadan olan şəxslərin təminatından istifadə edirlər”

 

Dağlıq Qarabağ münaqişəsi XX yüzilliyin tarixinə ən faciəli münaqişələrdən biri kimi daxil olmuş, milyonlarla insanın taleyində əks olunub.Azərbaycan şəhərlərində dəfn olunmuş Dağlıq Qarabağ şəhidləri erməni hücumları zamanı yüzlərlə insanın öldürüldüyünü deyir.

 

Ermənistan hərbi qüvvələrinin erməni separatçı-terrorçuları ilə birlikdə Azərbaycanın ərazi bütövlüyünə və onun xalqına qarşı apardığı müharibədə 1 milyondan artıq vətəndaş öz yurd-yuvasından məcburi köçkün düşüb və 50 mindən artıq vətəndaş isə əlil olub.

 

Bu gün də müharibə şəraitində olan Azərbaycan dövləti sosial yardıma ehtiyacı olan bütün vətəndaşların, xüsusilə, Qarabağ müharibəsi əlilləri və veteranlarının, şəhid ailələrinin maddi, sosial, məişət problemlərinin həllinə böyük diqqət və qayğı göstərir. Son illər ölkəmizdə Qarabağ müharibəsi əlilləri, şəhid ailələri və müharibə veteranlarının pensiya və müavinətlərinin artırılması, onların sosial şəraitlərinin yaxşılaşdırılması istiqamətində çox işlər görülüb.Hökumət təşkilatları ilə yanaşı qeyri-hökumət təşkilatları da bu istiqamətdə fəaliyyət göstərirlər. Onlar bu kateqoriyadan olan vətəndaşların hüquqi maarifləndirilməsi, əlillərin işlə təmin edilməsi, veteran vəsiqələrinin alınmasında üzləşdikləri problemlərin həllində onlara kömək göstərilməsi idi.

 

Müsahibimiz birinci qrup Qarabağ müharibəsi əlili, ehtiyatda olan zabit Nəzərov Vüsal Əkrəm oğlu bizimlə söhbətində bu kateqoriydan olan vətəndaşlara güzət və imtiyazların olduğunu vurğulayıb.

 

Bildirək ki, V.Nəzərov torpaqlarımızın işğaldan azad, ərazi bütövlüyümüzün bərpa olunması, qaçqın və məcburi köçkünlərimizin öz yurd-yuvalarına qayıtması uğrunda gəncliyini və gələcəyini fəda etməkdən bir an olsun çəkinməmiş, düşmənlə döyüşdə görmə qabiliyyətini itirib.

 

Qarabağ qazisi özünü belə təqdim etdi: "10 mart 1977-ci ildə doğulmuşam.  Ermənistan-Azərbaycan Dağlıq Qarabağ münaqişəsi çərçivəsində xidməti vəzifəmi yerinə yetirərkən yaralanmışam. Belə ki, Ağdam istiqamətində gedən döyüşlər zamanı 2008-ci ildə iki gözümü itirdim. Hazırda ehtiyyatda olan zabitəm”.

 

V.Nəzərov bildirir ki, Ermənistan-Azərbaycan, Dağlıq Qarabağ münaqişəsi bu gün də davam edir: "Deyirlər atəşkəs elan olunub. Amma mən cəbhə bölgəsində xidmət etdiyim müddətdə atəşkəs görmədim. Düşmən hər zaman təxribata can atır. Nəticədə hərbiçilərimiz şəhid və əlil olurlar. Aprel döyüşləri də dediklərimin dəlilidir. Dördgünlük müharibə bir daha göstərdi ki, bu döyüşlərin gedişatı zamanı yaralı zabitlərimiz, gizirlərimiz və müddətdən artıq hərbi qulluqçularımız, əsgərlərimiz döyüş meydanını tərk etmək haqqında fikirləşmir, əksinə, yaralandıqlarını gizlədərək sona qədər döyüşürdülər”.

 

Qarabağ müharibəsi əlilinin təminatı...

 

Qarabağ qazisi bildirib ki, münaqişənin davam etməsi ilə yanaşı ölkəmizdə əhalinin sosial müdafiəsinin daha da gücləndirilməsi istiqamətində mühüm tədbirlər həyata keçirilib: "Müharibə veteranlarının, əlillərinin, şəhid ailələrinin sosial müdafiəsinin gücləndirilməsi, onların problemlərinin vaxtında həllinə nail olunması, hər cür qayğı ilə əhatə olunması təşkil edilir.Məsələn, "Azərbaycan Respublikasını erməni təcavüzündən müdafiə edərkən əlil olmuş şəxslərin sosial müdafiəsinin yaxşılaşdırılması haqqında” fərman müharibə əlillərinin sosial ehtiyaclarının ödənməsi istiqamətində atılan addımlardan biridir. Həmin fərmanın imzalanması ilə müharibə iştirakçılarının, əlillərinin sosial müdafiəsini gücləndirmək məqsədilə tədbirlərə start verilib.Əlil vətəndaşlara dövlət qayğısının gücləndirilməsi siyasətinə uyğun olaraq Dövlət Proqramı həyata keçirilib. Eləcə də, "Sosial müavinətlərin məbləğinin artırılması haqqında”, "Müharibə əlillərinə Azərbaycan Respublikası Prezidentinin təqaüdü”nün artırılması və "Müharibə əlillərinə Azərbaycan Respublikası Prezidentinin təqaüdü”nün təsis edilməsi haqqında” Prezidentin fərmanları bu kateqoriyadan olan insanların rifah halını yaxşılaşdırmaq və onlara göstərilən dövlətin dəstək və davamlı qayğısının bariz nümunəsidir.

 

Qanunvericiliyə əsasən dövlət tərəfindən Qarabağ müharibəsi əlilləri mənzil və avtomobillə təmin olunurlar. Mən avtomobillə və pensiya ilə təmin olunmuşam. Birinci qrup Qarabağ müharibəsi əlilli olaraq mənə165 manat Prezident təqaüdü də verilir”.

 

 

Qarabağ müharibəsi əlilinin problemləri...

 

Vüsal Nəzərov bildirib ki, Qarabağ müharibəsi əlillərinin problemləri də var: "Dövlətin apardığı siyasət odur ki əlillər sosial müdafiə ilə təmin olunsunlar, onlara dövlət qayğısı göstərilsin, sağlam cəmiyyətə inteqrasiya edilsinlər. Amma təəssüf olsun ki, dövlətin bu siyasətinə yerlərdə olan əksər məmurlar əməl etmirlər. Məmurlarla yanaşı, kommersiya bankları da əlillərin digər vətəndaşlarla bərabərhüquqlu olmasını qəbul etmirlər.

Heç kimə sirr deyil ki, əliliyi olan şəxslərin məşğuliyyət problemi var. Biz əmək qabiliyyətini itirmiş vətəndaşlar kimi qəbul olunuruq. Yəni işə qəbul olunmuruq. Pensiya və təqaüdlə yaşayırıq. Biz problemlərimizi həll etmək üçün kredit götürmək istəyirik. Amma banklar bizə kredit vermirlər.

Təəssüf ki banklar birinci qrup Qarabağ müharibəsi əlillərinə kredit vermirlər. Mən bir dəfə 5000 manat kredit götürmüşəm və vaxtlı-vaxtında ödəniş etmişəm. İndi isə deyirlər ki kredit vermirik. Amma məbləğindən asılı olmayaraq kredit vermirlər. Qanunvericiliyə görə bütün vətəndaşlar bərabərhüquqludur. Amma banklar qanunu pozurlar”.

Vüsal Nəzərov bildirib ki, müharibə əlillərinin və şəhid ailələrinin mənzillə təminatı məsələsi də dövlətin diqqətində olan məsələlərdəndir: "Azərbaycanın ərazi bütövlüyünün və Konstitusiya quruluşunun müdafiəsi zamanı fiziki sağlamlıqlarını itirən vətəndaşlar və şəhid olanların ailəsi dövlət hesabına mənzillə təmin edilmək üçün yaşadıqları rayon (şəhər) icra hakimiyyətlərində mənzil növbəsinə götürülürlər. Mən Sumqayıt şəhərində ev növbəsində dayanmışdım. Bir dəfə mənzil paylanıldı, mənə verilmədi. Deyildi ki adıma ipoteka krediti var. Bəli, mənə güzəştsiz ipoteka krediti verilib. Hələ 20 ildən sonra bu ev mənim ola-olmaya. Yerlərdə olan məmurlar öz üzərinə düşən vəzifəsini yerinə yetirsələr yaxşı olar.Hər ay 225 manat ipoteka krediti ödəyirəm. Həyat yoldaşım ali təhsilli olsa da mənə baxdığına görə işləmir. İki məktəbli övladım var. İpoteka kreditində olan evimi sığortalatdırmaq istədim, heç bir şirkət sığortalamadı. Mən mənzilin verilməsini gözləyirəm”.

 

 

"QHT-lər layihələrin effektivliyini və təşəbbüskarlığı artırsınlar”

 

Qarabağ qazisi deyib ki, son illər Azərbaycanda şəhid ailələri, əlil və veteranların problemlərinin həlli istiqamətində onlarca ictimai təşkilat yaradılıb: "Bəzi qeyri-hökumət təşkilatları Qarabağ müharibəsi əlillərinin məsələsi ilə bağlı aktiv fəaliyyət göstərirlər. Xüsusi günlərdə bizi ziyarət edirlər, görüşürlər. QHT rəhbərləri əlilliyi olan şəxsləri bir yerə toplayırlar, bizim iştirakımızla Qarabağ müharibəsi əlillərinin problemlərini müzakirə edirlər. Biz də təkliflərimizi veririk. Bəzən əyləncə tədbirləri keçiririk.Əlilliyi olan şəxslərin toplanma yerləri məhduddur. Məcburuq restoranları kirayə tutaq. QHT-lər ofislə təmin olunması üçün yerli icra hakimiyyətinə dəfələrlə müraciət ediblər. Bu qurumdan bildirilib ki onların belə bir səlahiyyəti yoxdur.

Aktiv ictimai fəaliyyətlə məşğulam və "Əlilliyi olan şəxslərin sosial müdafiəsinə və inteqrasiyasına dəstək” İctimai Birliyinin üzvüyəm.Azərbaycan Respublikasının Prezidenti yanında QHT-lərə Dövlət Dəstəyi Şurasında "qaçqın, köçkün, əlil və veteranların məsələləri” qrupu yaradılıb. Şura Qarabağ qaziləri, şəhid ailələri, qaçqın və məcburi köçkünləri hər zaman diqqətdə saxlayır və hər il bu istiqamət üzrə onlarla QHT layihəsini maliyyələşdirir. Çox yaxşı olardı ki, QHT-lər layihələrin effektivliyini və təşəbbüskarlığı artırsınlar. Doğrudur, Qarabağ müharibəsi əlillərinin sosial müdafiəsinin və cəmiyyətə inteqrasiyasının gücləndirilməsi məqsədilə tədbirlər keçirilir. Əlillərə və sağlamlıq imkanları məhdud insanlara diqqət və qayğı artırılmalı, onların problemlərinin həllinə cəmiyyət cəlb olunmalı, reabilitasiyası, sosial və psixoloji hazırlıqları təmin edilməlidir. Onu da qeyd edim ki, qəbul olunan dövlət proqramlarının həyata keçirilməsində hökumət təşkilatları ilə yanaşı, qeyri-dövlət təşkilatları da mühüm rol oynayır”.

 

Təklif...

 

Birinci qrup Qarabağ müharibəsi əlili bir təklif də irəli sürdü: "Dövlət məni minik avtomobili ilə təmin edib. Təklif edirəm ki gözdən birinci qrup əlillər sürücü xidməti ilə də təmin olunsunlar. Mən görmə qabiliyyətimi itirdiyim üçün avtomobilimi başqa şəxs idarə etməli olur. O şəxslər də sürət həddini keçdiyinə görə mənə cərimə gəlir. Mən cəriməni ödəməkdə çətinlik çəkirəm. Hərbi xidmətdə olduğum zaman xidməti avtomobilimi sürücü ilə təmin etmişdilər. Yaxşı olardı ki indi də avtomobil ilə təmin etsinlər.

 

Bir məsələni də vurğulmaq istəyirəm. Belə ki, bəzi şəxslər saxtakarlıq edərək Qarabağ müharibəsi əlili statusunu əldə edib, bu kateqoriyadan olan vətəndaşların təminatından istifadə edirlər. Qarabağ müharibəsi əlilləri ilə bağlı araşdırılma aparılmalıdır. Həqiqi və saxta əlillər müəyyənləşdirilməlidir”.

 

Elcan İbrahimov

Əlilliyi Olan Şəxslərin Sosial Müdafiəsinə və İnteqrasiyasına Dəstək İctimai Birliyi

ŞƏRHLƏR

Digər Yazılar
XƏBƏRLƏR
“Qadın və uşaq hüquqlarının təbliğində ictimai rolun artırılması“ lahiyəsi davam edir - 15 / 07 / 2018 15:26
Şuranın dəstəyi ilə "Azərbaycanda sahibkarlığın inkişafı üçün hansı güzəştlər nəzərdə tutulub?" adlı videoçarx hazırlanıb - 15 / 07 / 2018 13:58
London evində əlilliyi olan şəxslərin övladları üçün tədbir təşkil edildi - 15 / 07 / 2018 13:35
Şuranın dəstəyi ilə "Sahibkar saatı" verilişinin 5-ci buraxılışı hazırlanıb - 14 / 07 / 2018 20:23
Ailə ənənələri mövzusunda sosioloji araşdırmalar layihəsi yekunlaşdı - 14 / 07 / 2018 19:29
"Təxribatları təşkil edən qüvvələr bilirdilər ki..." - Sahib Məmmədov - 14 / 07 / 2018 19:25
QHT sədri: Ölkə vətəndaşlarının çətin anlarda öz dövlət başçısının yanında olması bir daha xalq-iqtidar birliyinin bariz göstərici oldu - 13 / 07 / 2018 19:17
OXU Akademiyası sizi Yay Məktəbinə dəvət edir - 13 / 07 / 2018 11:45
Cənub bölgəsində prezidentin fərmanına ictimai dəstək verildi - 13 / 07 / 2018 10:35
Rufiz Qonaqov: NATO Sammitinin yekun sənədi Ermənistanın işğalçı siyasətini iflasa uğratdı - 13 / 07 / 2018 10:10
Əliyevadan göstəriş: yüzlərlə tələbənin diplomu... -Video - 13 / 07 / 2018 09:02
Azərbaycan konstitusion, hüququn aliliyini əsas götürmüş dünyəvi bir dövlətdir - 13 / 07 / 2018 06:54
QHT sədri: “Törədilən qanlı olaylar Azərbaycan dövlətçiliyinə qarşı qəsdir” - 13 / 07 / 2018 06:17
Müharibədən zərər çəkmiş uşaqlar haqqında - 12 / 07 / 2018 18:40
Məktəb psixoloqlarının bilik və bacarıqlarının artırılması üçün təlim keçirilib. - 12 / 07 / 2018 13:41
QHT Yevlaxda seminar keçirib - 12 / 07 / 2018 13:33
Layihənin yekun təqdimat mərasimi keçirilib - 12 / 07 / 2018 10:05
“Loqos” daha bir yeniliyə imza atdı. - 12 / 07 / 2018 08:38
“Yayım” Assosiasiyası layihə üzrə yekun tədbirini keçirib - 12 / 07 / 2018 07:50
Azərbaycan iqtisadiyyatının inkişafı ölkəmizi beynəlxalq aləmdə tanıdılmasında mühüm rol oynayır - Cəsarət Hüseynzadə - 12 / 07 / 2018 07:31
"Sahibkar saatı" verilişi, 4-cü buraxılış - 12 / 07 / 2018 07:19
Gənc QHT rəhbəri: "Bir insanı öldürən şəxs, bütün bəşəriyyəti öldürmüş olur!" - 11 / 07 / 2018 17:53
Hərbi yönümlü təşkilatlardan Gəncədəki iğtişaşları pisləyən BƏYANAT - 11 / 07 / 2018 17:47
2500 illik Nizami Yurdunda baş verən hadisələr - 11 / 07 / 2018 14:35
“Loqos “ Psixoloji və Nitq İnkişaf Mərkəzi Qubaya səfər edib. - 11 / 07 / 2018 14:02
Rufiz Qonaqov : “Ölkəmizdə ictimai siyasi sabitliyi pozmaq mümkün olmayacaq” - 11 / 07 / 2018 13:59
“Gəncə hadisəsində əli olan hər kəs məsuliyyətə cəlb olunmalıdır” - 11 / 07 / 2018 13:57
“Mədəniyyətin və Milli Ənənələrin Təbliği” İctimai Birliyi radikalların əməlini pislədi - 11 / 07 / 2018 13:55
“Azərbaycanı Suriyaya çevirmək istəyənlərin arzusu ürəyində qalacaq" - 11 / 07 / 2018 13:30
“Sosial müdafiəyə xüsusi ehtiyacı olan şəxslərin sosial hüquqlarının müdafiəsi sahəsində maarifləndirmə və ödənişsiz hüquqi yardım xidmətlərinin göstərilməsi” layihəsi davam edir - 11 / 07 / 2018 13:27