Respublika Veteranlar Təşkilatının sədri, general-polkovnik Tofiq Ağahüseynovun 95 ilik yubileyi
A A A
01/30/2018
Oxunma sayısı : 113793

|

Respublika Veteranlar Təşkilatında Tofiq Ağahüseynovun 95 illik yubileyi ilə bağlı tədbir keçirilmişdir. Tədbirdə İkinci Dünya müharibəsi, Silahlı Qüvvələr, əmək veteranları, dövlət orqanlarının, ictimai və gənclər təşkilatlarının nümayəndələri, ziyalılar, xarici ölkələrin Azərbaycan Respublikasındakı diplomatik nümayəndələrinin təmsilçiləri iştirak etmişlər.

Tədbiri giriş sözü ilə Respublika Veteranlar Təşkilatının sədr müavini, polkovnik Cəlil Xəlilov açaraq demişdir: “Mühüm xidmətləri ilə Azərbaycanın hərb tarixində və ictimai-siyasi həyatında layiqli yer tutan general-polkovnik Tofiq Ağahüseynovun 95 yaşı tamam olur. T.Ağahüseynov SSRİ dövründə bir sıra məsul hərbi vəzifələrdə işləmiş, müstəqilliyin bərpasından sonra isə ulu öndər Heydər Əliyevin hərbi məsələlər üzrə köməkçisi kimi bu sahənin inkişafında, Azərbaycanın müasir standartlara uyğun, dünyanın inkişaf etmiş ölkələrindən geri qalmayan ordusunun qurulmasında xidmətlər göstərmişdir. Yəqin ki, bugünki yubiley tədbirində iştirak edənlər, yubiliyarı yaxından tanıyanlar, dövlət orqanlarının təmsilçiləri onun keçdiyi həyat yoluna geniş nəzər salacaqlar. Buna görə də mən qısa çıxış etmək, bu yolun yalnız bəzi məqamlarını sizə xatırlatmaq istəyirəm.

T.Ağahüseynov 1923-cü il fevral ayının 1-də Şəkidə anadan olmuş, yeddi yaşından ailəsi Bakıya köçdüyü üçün orta məktəbi burada bitirmişdir. 1941-ci ilin sentyabrında Bakı Zenit Artilleriya Məktəbinə daxil olmaqla, həyatını 18 yaşından hərblə bağlamışdır. Müharibə başlandıqdan qısa müddət sonra leytenant rütbəsi alan T.Ağahüseynov cəbhəyə yola düşür.

1-ci Belorusiya cəbhəsində vzvod-komandiri, əlahiddə zenit artilleriyası divizionu qərargah rəisinin köməkçisi kimi Visla-Oder və Berlin əməliyyatlarında iştirak edir. Müharibə bitdikdən sonra Tofiq Ağahüseynovun qulluq etdiyi diviziya 1946-cı ilin oktyabrına qədər Almaniyada qalır. Onun sağlamlığı, fiziki hazırlığı, ətrafındakılara münasibəti, cəsarəti, dönməzliyi, xüsusilə də daim biliyini artırması gələcəkdə böyük hərbçi olacağına yol açan faktorlar idi.

Tofiq Ağahüseynov 1949-cu ildə Dzerjinski adına Hərbi Akademiyaya, bunun ardınca Hərbi Artilleriya Akademiyasına daxil olur. Yüksək təhsilli mütəxəssis kimi Vətənə qayıdan gənc hərbçi 1960-1964-cü illərdə Hövsanda yerləşən Hava Hücumundan Müdafiə polkuna komandirlik edir.

Sonrakı xidmət yolu diviziya komandiri kimi Volqoqradda keçən Tofiq Ağahüseynov 1968-ci ildə general-mayor rütbəsi alır və növbəti il Rostovda korpus komandiri təyin edilir. SSRİ kimi bir dövlətdə qeyri-rus millətindən olan bir şəxsin cəmi 4 il sonra, 1972-ci ildə general-leytenant rütbəsi alması onun hərb sənətini necə yüksək səviyyədə mənimsəməsinin, bu işin öhdəsindən layiqincə gəlməsinin nəticəsi idi.

Tale Tofiq Ağahüseynovu yenidən doğma Bakıya qaytarır, 1975-ci ildə Bakı Dairəsi Hava Hücumundan Müdafiə Komandanının birinci müavini təyin edilir. 1980-ci ildə Tofiq Ağahüseynov SSRİ Silahlı Qüvvələrində general-polkovnik rütbəsini alan ilk azərbaycanlı olur. Həmin vaxt ona Bakı Dairəsi Hava Hücumundan Müdafiə Komandanı vəzifəsi həvalə edilmişdi. 1982-ci ildə isə general-polkovnik Tofiq Ağahüseynova daha yüksək bir vəzifə həvalə etdilir. O, Varşava Müqaviləsi dövlətlərinin birləşmiş silahlı qüvvələri baş komandanlığının Çexoslovakiyadakı nümayəndəsi təyin olunur.

Əlbəttə, onun da yüksəlişində, belə yüksək hərbi rütbələrə layiq görülməsində o zaman Azərbaycan SSR-in birinci katib olan Heydər Əliyevin hərbi sahədə həyata keçirdiyi düşünülmüş siyasətin rolu və təsiri də vardı. Bu sahədə hazırkı generallarımızın mütləq əksəriyyətini yetirmiş C.Naxçıvanski adına hərbi məktəbin adını qeyd etmək kifayətdir.  General özü də onun formalaşmasında Heydər Əliyevin aparıcı rolu olduğunu dəfələrlə qeyd edib. Ulu öndər onun hərbi sahədəki bacarığını və xidmətlərini həmişə yüksək qiymətləndirib. 1997-ci il 17 aprel tarixli sərəncamı ilə Tofiq Ağahüseynovu prezidentin hərbi məsələlər üzrə köməkçisi təyin etməsi və general-polkovnik rütbəsində Azərbaycan Milli Ordusu sıralarına bərpa etməsi məhz bunun nəticəsi idi.

Yüksək peşəkarlığı və nüfuzu nəzərə alınaraq, Tofiq Ağahüseynov üç çağırış Azərbaycan SSR Ali Sovetinin deputatı seçilib. Müharibə illərində və sonralar dövlətin ali mükafatlarına, orden və medallara layiq görülüb. Qırmızı Bayraq, Oktyabr İnqilabı, Birinci Dərəcəli Vətən Müharibəsi, Qırmızı Ulduz ordenləri və s.

Tofiq Ağahüseynov Azərbaycan Respublikası Silahlı Qüvvələrinin formalaşdırılmasında və hərbçi kadrların hazırlanmasında xüsusi xidmətlərinə görə Azərbaycan Respublikasının Prezidenti cənab İlham Əliyevin 1 fevral 2008-ci il və 17 yanvar 2013-cü il tarixli tarixli sərəncamları ilə “Şöhrət” və “Azərbaycan Bayrağı” ordenləri ilə təltif olunmuşdur.

General-polkovnik Tofiq Ağahüseynov respublikamızda veteran hərəkətinin inkişafına da böyük tövhələr vermişdir. Bu xidmətlərinə görə ölkə veteranları 12 sentyabr 2017-ci ildə onu Respublika Veteranlar Təşkilatının sədri seçmişlər. Müharibənin odu-alovundan çıxmış, Azərbaycanın qəhrəman oğlu, hərb tarixinə adını daimi yazmış general-polkovnik Tofiq Ağahüseynovu qarşıdan gələn yubileyi münasibətilə səmimi-qəlbdən təbrik edir, möhkəm cansağlığı, işlərində müvəffəqiyyətlər arzulayırıq.

General-polkovnik Tofiq Ağahüseynovun həyat və fəaliyyətindən bəhs edən kitab yazılmış, sənədli film çəkilmişdir.”. 

Tədbirdə Azərbaycan Respublikasının müdafiə naziri, general-polkovnik Zakir Həsənov, Xüsusi Dövlət Mühafizə Xidmətinin rəisi, general-polkovnik Vaqif Axundov, Dövlət Təhlükəsizliyi Xidmətinin rəisi, general-leytenant Mədət Quliyev, Səfərbərlik və Hərbi Xidmətə çağırış üzrə Dövlət Xidmətinin rəisi, general-leytenant Arzu Rəhimov, Baş Prokurorun müavini, Hərbi prokuror, ədliyyə general-leytenantı Xanlar Vəliyev, DİN-nin müavini, Daxili Qoşunların komandanı, general-leytenant Şahin Məmmədov, Əmək və əhalinin sosial müdafiəsi naziri Səlim Müslümovun adından və başqa dövlət orqanlarından yubiliyara ünvanlanmış, eləcə də, “Qələbənin Varisləri” Beynəlxalq İttifaqının müxtəlif ölkələrdəki nümayəndəliklərindən, Rusiya Müdafiə nazirinin müavini Y.İ.Borisovun, Rusiya Federasiyasının Azərbaycan Respublikasındakı hərbi attaşesi İ.Lobastov və digərlərindən daxil olan təbrik məktubları oxunmuş, hədiyyələr təqdim edilmişdir.

Tədbirdə çıxış edən RVT-nin, dövlət orqanlarının nümayəndələri, İkinci dünya, Qarabağ müharibəsi, Silahlı Qüvvələr və əmək veteranları  general-polkovnik Tofiq Ağahüseynovun keçdiyi şərəfli həyat yolundan, peşəkar hərbiçi kimi xidmətlərindən, həmçinin ictimai fəaliyyətindən bəhs etmişlər. Onlar bildirmişlər ki, müstəqil Azərbaycan Respublikasının ordu quruculuğunda onun danılmaz rolu olmuşdur.

Sonda Respublika Veteranlar Təşkilatının sədri, general-polkovnik Tofiq Ağahüseynov çıxış edərək demişdir: “Mən orduda 46 il xidmət etmişəm və hesab edirəm ki, bəxtim gətirib ki, həyat yolumda qarşıma həqiqi insanlar çıxdılar. Əlbəttə, mənim general kimi formalaşmağımda Heydər Əliyev aparıcı rol oynayıb. Mən 30 ildən çox idi ki, onu tanıyırdım. O, həmişə mənim taleyimlə maraqlanır, hər cür kömək edirdi. Mən bunun üçün ona son dərəcə minnətdaram”.

T.Ağahüseynov daha sonra tədbir iştirakçılarına və yubiley təbriklərinə görə dövlət orqanlarının, ictimai təşkilatların rəhbərlərinə minnətdarlığını bildirmiş, Azərbaycan Respublikasının Prezidenti cənab İlham Əliyevin Təşkilata, ümumən ölkə veteranlarına diqqət və qayğısını yüksək qimətləndirərək, veteranların bundan sonra da göstərilən etimadı doğruldacaqlarına əmin etmişdir.

 

Respublika Veteranlar Təşkilatı

ŞƏRHLƏR
XƏBƏRLƏR
QHT sədri: "Elçibəy mənə dedi ki, 1993-cü ildə Azərbaycanın müstəqilliyini o xilas etdi" - 12 / 12 / 2018 16:56
“Dənizkənarı Milli Park fotoqrafların gözü ilə” adlı fotomüsabiqə. - 12 / 12 / 2018 12:48
Mənim kəndim: “Qarabağlar”dan çıxmış jurnalistin kövrək xatirələri - 12 / 12 / 2018 04:44
Qrant verə bilən dövlət qurumları - SİYAHI - 11 / 12 / 2018 15:37
“Uşaqları güldürək ki, dünya gülsün” adlı xeyriyyə aksiyası keçirilib - 11 / 12 / 2018 15:06
Respublika Veteranlar Təşkilatının VIII Plenumu keçirilib - 11 / 12 / 2018 14:56
Gənclər siyasəti sahəsinə ayrılan qrantlar Gənclər Fondu ilə razılaşdırılacaq - FƏRMAN - 11 / 12 / 2018 05:59
İstanbul Universitetində “İrəvan- gizlədilmiş həqiqətlər“ sənədli filminin türk dili versiyasının nümayişi keçirilib - 10 / 12 / 2018 17:30
Tbilisidə keçirilən beynəlxalq tədbirdə vərəmə qarşı birgə mübarizənin perspektivləri müzakirə olunub - 10 / 12 / 2018 16:42
“Xəzər hövzəsi və enerji təhlükəsizliyi” kitabının təqdimatı olub - 10 / 12 / 2018 14:52
Respublika Veteranlar Təşkilatında Ulu Öndər Heydər Əliyeyin anım mərasimi keçirilmişdir - 10 / 12 / 2018 10:35
“Eşitmə və Nitq Məhdudiyyətli Şəxslərə Sosial Yardım ” İctimai Birliyinin illik hesabat iclası keçirildi - 09 / 12 / 2018 12:48
ƏSMİD İctimai Birliyi ümumi yığıncağını və Heydər Əliyevin anım günü ilə əlaqədar tədbirini keçirdi - 09 / 12 / 2018 12:15
“Qarabağ” adlı mobil tətbiqetmə layihəsinin Türkiyədə təqdimatı olub - 08 / 12 / 2018 19:05
“Şəhid övladlarına və kimsəsiz uşaqlara yardım” İctimai Birliyi təsis edilib - 08 / 12 / 2018 17:24
“Əlilliyi olan şəxslərə və sağlamlıq imkanları məhdud uşaqlara diqqət və qayğının artırılması məqsədi ilə təbliğat kampaniyasının təşkili” layihəsinin yekun tədbiri keçirilib - 08 / 12 / 2018 12:40
Bakıda “Fərqliyik, bərabərik” adlı filmin təqdimatı olub - 08 / 12 / 2018 07:20
Ailə Dünyası "İlin Fovariti" Milli Mükafatına layiq görülüb - 08 / 12 / 2018 06:53
Göyçayın Yeniarx kəndində tibb məntəqəsinin tikintisi layihəsi üzrə qrant müqaviləsi imzalanıb - 07 / 12 / 2018 16:30
Aprel şəhidinin həyat yoldaşı QHT təsis edib - 07 / 12 / 2018 15:59
Azərbaycanın ilk rəsmi Ünvan Portalı təqdim olunub-Video - 06 / 12 / 2018 17:41
"Düzgün idarəetmə Azərbaycanda terrorun qarşısını alır" - 06 / 12 / 2018 17:03
“Heydər Əliyev ideyalarına sadiqik” devizi altında ümumordu xatirə tədbirləri aylığına start verilib - 06 / 12 / 2018 17:01
Azay Quliyevdən irad: “Münaqişənin adını doğru ifadə edin” - 06 / 12 / 2018 13:40
“Regional İnkişaf” İctimai Birliyi könüllülərinin birinci ümumrespublika konfransı keçirilib - 05 / 12 / 2018 17:34
Sağlam Düşüncə,sağlam cəmiyyətdir mövzusunda təlimlər davam edir - 05 / 12 / 2018 15:12
Xeyriyyəçilərə vergi güzəşti olmalıdır - 05 / 12 / 2018 14:12
Впереди – 75-летие Великой Победы - 05 / 12 / 2018 12:35
Xidməti müqavilələr ilə bağlı vergi 5 faizə qaldırılır - 04 / 12 / 2018 19:10
Avropa Şurası vətəndaş cəmiyyətinə dair yeni qərar qəbul etdi - 04 / 12 / 2018 16:07