İşə götürənlər niyə bilik, bacarıq yox, gənc və gözəl kadr axtarır...
A A A
04/07/2018
Oxunma sayısı : 33159

Sahib Məmmədov: “Şəxsə hansısa əlamətinə, o cümlədən də yaşına görə fərq qoymaq ayrı-seçkilikdir”

“Yaşı 20-30 arası, xarici görünüşü gözəl olan xanım işçi tələb olunur”. Heç şübhəsiz ki, bu tipli elanlarla hər biriniz qarşılaşmısınız. Bir çox ölkələrdə, o cümlədən Azərbaycanda elə peşələr və iş yerləri var ki, orada yaş, boy və vizual görünüş önəm daşıyır. Bu cür iş yerlərinin və peşələrin də adları konkret olaraq dövlət tərəfindən müəyyən edilir və tam qanuniləşdirilir.

Xüsusi rütbə və ixtisas tələb edən, hərbi təyinatlı işlərdən başqa “30 yaşdan yuxarı şəxslər işə götürülə bilməz” kimi bir qayda-qanun isə rəsmiyyətdə yoxdur. Amma qeyri-rəsmi şəkildə, xüsusilə özəl sektorda bu “ənənə” hökm sürür. Məhz buna görə də yaşı 30-dan yuxarı olan bir çox insanlar savadı, peşə təcrübəsi olsa belə işsizdir. Ekspertlər isə hesab edir ki, işə müraciət edən şəxsin önünə yaşı və vizual görünüşü əngəl kimi qoyulursa, bu, onun hüquqlarının pozulması və ayrı-seçkilik deməkdir.

Eyni zamanda qanunsuz olaraq vətəndaşlardan rus dili biliyi də tələb olunur.

Əmək Hüquqlarını Müdafiə Liqasının sədri Sahib Məmmədov bildirdi ki, bu kimi hallar qanunla müəyyən olunmalı və tənzimlənməlidir: “Biz bu barədə hökumətə dəfələrlə təkliflər vermişik ki, yaşa, cinsə və fizioloji quruluşa görə tələblər olan iş yerlərinin siyahısını tərtib etsinlər. Məsələn, elə yer var ki, orada yaş tələbi, yuxarı və aşağı yaş həddi ola bilər. Yaşa, cinsə, hətta fizioloji quruluşa görə də tələblər ola bilər. Xarici ölkələrdə bu məsələlər qanunvericiliklə tənzimlənir. Bizdə də sovet dövründə təyyarə bələdçisi vəzifəsinə kök adam götürmürdülər. Bu vəzifədə çalışan şəxslərin gənc, uca boy və vizual görünüşü yaxşı olması vacib idi. Yaxud da hotellərin qeydiyyat şöbələrinə işçi seçəndə bu nüanslara diqqət edirdilər. Bu kimi yerlərə bu tələblər ola bilər. Əgər bu kimi tələblər varsa, qanunla müəyyən olunmalı və tənzimlənməlidir. Qalan bütün hallarda bu qadağan olunmalıdır. Çünki bu, konstitusiyanın 25-ci maddəsinə və Əmək Məcəlləsinin 16-cı maddəsinə ziddir. Şəxsə hansısa əlamətinə, o cümlədən də yaşına görə fərq qoymaq ayrı-seçkilikdir. Bir daha qeyd edim ki, bu, xüsusi normativlərlə tənzimlənməlidir. Bu da bizdə yoxdur. Ona görə də bu, praktikada problemə gətirib çıxarır. Tutaq ki, kimsə bir restoran, iaşə müəssisəsi işlədir. Buranı işlədən şəxs istəyir ki, bufetçi, yaxud da ki, qarson olan şəxs vizual baxımdan gözəl qızlar olsun. Məsələn, bir var ki, 60 yaşlı saqqallı bir kişi süfrəyə yemək gətirsin, bir də var ki, 21 yaşlı bir qız. Bu cür faktorları nəzərə almaq lazımdır. Bu isə qanunla tənzimlənməyənə qədər qanunazidd hərəkət sayılır. Azərbaycanda hotelçilik inkişaf edir və qeydiyyat şöbəsində cavan oğlan və qızların çalışması daha məqsədəuyğundur, nəinki yaşlı adamların. Əgər bu məqsədəuyğunluq sübuta yetirilə bilirsə, o zaman bu qanuniləşdirilməlidir. Yaxud da müəyyənləşdirilməlidir ki, harada yalnız qadınlar, harada yalnız kişilər çalışa bilər. Belə peşələr və iş yerləri müəyyən olunandan sonra Nazirlər Kabineti bunu xüsusi qərarla təsdiq edə bilər. Bu da qanunvericilik aktı olar. Ancaq bu bizdə yoxdur”.

Sahib Məmmədov ile ilgili görsel sonucu

S.Məmmədov bu cür situasiya ilə üzləşən şəxslərin məhkəməyə müraciət etməsi üçün formal bir hüququ olduğunu dedi: “Formal olaraq belə bir hüquq var. Tutaq ki, hər hansısa bir iş yerinə peşə hazırlığı tələb olunur və bu iş üçün müraciət edən şəxs bu hazırlığa malikdir. Ancaq qadın olduğu üçün işə götürülmür. Buna bizdə gizli diskriminasiya deyirlər. Qadınları bu əlamətlərinə görə götürmürlər ki, o, ailə quracaq, dünyaya uşaq gətirəcək, ödənişli sosial məzuniyyətə gedəcək. Belə olan halda isə işə götürənin qayğıları artır. Digər halda, əksinə, yaşlıları götürmürlər, cavan qızları götürürlər. Bəzən elanlar verirlər ki, satıcı cavan qız tələb olunur. Bu tam qanunsuz bir şeydir. Bununla bağlı əlbəttə ki, məhkəməyə müraciət etmək olar. Amma bizim Azərbaycan məhkəmələrinin praktikasında bununla bağlı işlərə baxılması demək olar ki, yox səviyyəsindədir. Çünki perspektiv olmur. Tutaq ki, kimsə gedir ki, məni işə götür, ona demirlər ki, sən cavan qız deyilsən və yaxud da ki, kifirsən. Deyirlər ki, vakant olan iş yeri dünən dolub. Bu da başa düşür ki, əslində onu bu əlamətinə görə götürmədilər. Amma gedib onu məhkəmədə sübut edə bilmir. Buna görə də belə məsələləri məhkəmə ilə sübut etmək çox çətindir”.

Günel MANAFLI,
“Yeni Müsavat”

ŞƏRHLƏR

Digər Yazılar
XƏBƏRLƏR
Növbəti tədbir Qusar rayonunda keçiriləcək - 22 / 09 / 2018 10:01
Ölkədəki narkomaniyanın durumu: Rauf Zeyni təhlil etdi - 21 / 09 / 2018 19:13
Belarus Parlamentinin sədri Azay Quliyevin sədri olduğu beynəlxalq platformanın fəaliyyətini yüksək dəyərləndirib - 21 / 09 / 2018 18:56
Bakı şəhərinin iki təhsil ocağında dünyanın 60-a yaxın ölkəsinin qoşulduğu “Sülh göyərçini” mənəvi birliyə çağırış təntənəli yığıncağı keçirmişdir - 21 / 09 / 2018 17:18
Lənkəran rayonu Xanbulan kənd tam orta məktəbində tədbir keçirilib - 21 / 09 / 2018 13:44
Şuranın dəstəklədiyi layihə KİV üçün ekspertlərin yetişdirilməsi məqsədi daşıyır - 21 / 09 / 2018 12:42
Şəki veteran hərakatın ön sırasındadır - 20 / 09 / 2018 13:13
Şuranın dəstəyilə "Radikal dini cərəyanlarla mübarizədə maarifçilik işinin təşkili" mövzusunda tədbir keçirilib - 20 / 09 / 2018 12:15
ATƏT-in Parlament Assambleyasının sədri Azərbaycanda səfərdədir - 20 / 09 / 2018 07:59
“Qarabağ dünən və bu gün” mövzusunda ictimai müzakirələr Ruminiya səfirliyində davam etdi. - 20 / 09 / 2018 06:15
Şəhid ailələrinə 11 min manat nə vaxt və necə ödəniləcək? - Şərh - 19 / 09 / 2018 22:32
Səbuhi Abbasov ATƏT-in tədbirində iştirakçılara səsləndi: "Mən sadəcə öz doğma yurduma, evimə qayıtmaq istəyirəm" - VARŞAVADA (VİDEO) - 19 / 09 / 2018 14:38
“Qarabağ dünən və bu gün” mövzusunda ictimai müzakirələr Polşa səfirliyində davam etdi - 19 / 09 / 2018 09:59
Şuranın dəstəyilə həyata keçirilən layihənin yekun tədbiri keçirilib - 18 / 09 / 2018 20:53
ATƏT toplantısında erməni təxribatı, separatçı çıxış edən erməni zaldan qovulub - 18 / 09 / 2018 19:55
Sahib Məmmədov: Konvensiya əleyhinə bir şəbəkə də yaradılır - 18 / 09 / 2018 14:29
Şuranın dəstəyilə qeyri-leqal məşğulluğun qarşısının alınması və işçilərin əmək hüquqlarının müdafiəsi mövzusunda veriliş hazırlanıb - 18 / 09 / 2018 05:51
“Qurbağa öpüşü” təqdim ediləcək - Ceylan Mumoğludan yeni kitab - 17 / 09 / 2018 18:40
Şuranın dəstəyilə dini radikalizmlə mübarizəyə dair layihə icra olunur - Video - 17 / 09 / 2018 18:07
Azay Quliyev: "Paşinyan bu addımları ilə bölgəni yenidən iri miqyaslı hərbi əməliyyatlara sürükləyir" - 17 / 09 / 2018 17:37
Şuranın dəstəyi ilə QHT TV-nin Xəbərlər blokunun X buraxılışı hazırlanıb - Video - 17 / 09 / 2018 05:37
Dələduzluqda və rüşvət almaqda ittiham olunan QHT sədrinin məhkəmə işi yekunlaşdı - 16 / 09 / 2018 18:15
Bu parad türk dünyasına qardaşlıq, səmimi dostluq mesajı idi - 16 / 09 / 2018 10:26
"Türk və Azərbaycan əsgərlərinin əziz xatirəsi iki qardaş xalqın qəlbində hər zaman yaşayacaq!" - Azay Quliyev - 15 / 09 / 2018 14:54
“15 sentyabr paradı Azərbaycan və Türkiyənin birlik mesajı idi” - Cəsarət Hüseynzadə - 15 / 09 / 2018 14:48
Liderlərin görüşü: Azərbaycan-Rusiya əlaqələri strateji tərəfdaşlığın məzmununa tamamilə uyğundur - 15 / 09 / 2018 09:22
“İnsanlığın qətl günü”: Xocalı ilə bağlı UNİKAL ADDIM - FOTO - 14 / 09 / 2018 19:54
Növbəti tədbir Xaçmaz rayonunda baş tutub - 14 / 09 / 2018 19:45
Özbəkistan ATƏT PA-nın Azərbaycanın təşəbbüsü ilə yaradılmış İpək Yoluna Dəstək Qrupuna üzvlüyə dəvət edilib - 14 / 09 / 2018 08:00
QHT-lərə Dövlət Dəstəyi Şurasının təşkilatçılığı ilə Bakının işğaldan azad olunmasının 100 illiyinə həsr edilmiş konfrans keçirilib - 13 / 09 / 2018 19:49