Söyüş və təhqir "güllələri": Cəmiyyəti mağaraya çevirməyin
A A A
01/09/2019
Oxunma sayısı : 289
Ceyhun MUSAOĞLU

2016-cı ilin aprel döyüşlərində cəmiyyət gül kimi açdı. İnsanlar sanki bir-birinin davamı idi: biri başladığını o biri uğurla yekunlaşdırır, biri dediyini, başqası fərəhlə təsdiqləyirdi. 

Müharibəni azdan-çoxdan görmüş adamam. Aprelin 1-də səhər sağ əlimin baş barmağı avtomobilin qapısında qalmışdı. Bu ağrını bilən-bilir. Gecə Azərbaycanın haqq savaşı başladı. Ağrı mənə təsəlli idi. Ölmürdüm, yaralanmırdım, heç olmasa haramsa ağrısın, cəbhədəki qardaşlarımdan utanmayım. Az idi. Bu ağrı onların ağrılarının yanında çox az idi. Yatmadım, səhərə qədər sosial şəbəkədə döyüşənlərdən biri oldum. Gah ermənilərin səngərinə hücum edir, gah xalqın qələbə ümidinin alovlanması üçün sözlərdən məşəl düzəldir, gah da ara-sıra Müdafiə Nazirliyini operativ xəbər verməməkdə günahlandıranları təmkinli olmağa çağırırdım. Hər kəs əsgərlərlə eyni cərgədə idi. Biz Zəngilanı görür, Cəbrayıla girir, Qubadlıda əsgərlərlə qucaqlaşırdıq. Xalq bütün olmuşdu. Həsrət sevgiyə, sevgi birliyə çevrilmişdi. 

Bu xoşbəxtliyi ikinci dəfəydi yaşayırdıq. Birincisi 1990-cı ildə olmuşdu. Meydan bizi qucaqlamışdı. İndi neyləyək, sevgi tilsiminə yenidən düşək deyə, müharibəmi arzulayaq? Məgər qansız-qadasız, tanksız, avtomatsız sevmək mümkün deyil? Yenə nifrət yuxarı başa çıxıb. Güllələri də söyüş, təhqir, başqasını aşağılamaq. 

Eksperiment keçirək: boş sahəyə toplaşıb, gözlərimizi yumub, ağzımızı açaq. Hamımız qarşılıqlı söyək... İyrəncdir, deyilmi? Facebook həmin iyrənc məkana çevrilib. Son ikrah doğuran hadisə bloqer Mehman Hüseynovun ətrafında yaşanır. Gənc həbsdədir. Deyirlər, ona yenidən cinayət işi açılıb. Buna etiraz olaraq, Mehman aclıq edirdi. Aclıq hadisəsi azadlıqda olanları iki cəbhəyə bölüb. Yanvar müharibəsi başlayıb. Tərəflər eyni xalqın nümayəndələridir. Ortadakı siyasətçilər də sanki marığa yatıblar. Onlardan birini - Əli Kərimlini dinlədim. Bu adamın 30 ildir siyasətçi olduğuna inanmadım. Bir dustağın aclıq aksiyasının ölkədə inqilaba yol aça biləcəyi qədər bəsit fikirlər səsləndirdi. Ola bilsin xarici dairələrdən gələn reaksiyalar da Əli bəyi ruhlandırıb. Olsun. Siyasətçidir, mümkün olanı əldə etmək arzusuna düşə bilər. Mümkün olansa yalnız bəyanat verməkdir. O bəyanat verir, bir qrup hüquq müdafiəçisi həbsxanada Mehmanla görüşür. Dustaq onlarla səmimi söhbət edir, dərdini danışır, şəkil çəkdirir, qarşı tərəfdən dərdinə əlac tapılacağına çalışacaqlarını eşidir. Çalışacaqlar da, tapılacaq da. Mehman azadlığına qovuşacaq da. Hətta müxalifətə "mənim vəziyyətimdən sui-istifadə etməyin", deyə biləcək ehtimalı da çoxdur. 

Təmkin qələbənin özüdür. Söyüş məğlubiyyətin mayasıdır. Biz meşədə yaşamırıq. Hərçənd meşədə yaşayan Tarzan belə, heyvanlarla adam kimi rəftar edirdi. Söyüş təkcə onu ağzından çıxaranı deyil, eşidəni də məhv edir. Cəmiyyəti mağaraya çevirməyin. Xəbəriniz var, övlad valideyini ilə necə danışır? "Sənlik deyil", "əcəb eləmişəm", "get işinlə məşğul ol"... Yaxud sosial şəbəkədəki gənclərin ifadələrinə diqqət kəsilmisiniz? "Davay, getdin bloka", "mənlikdir, brat", "get tullan". Bu ifadələr hələ yumşaq hesab olunur. Vəziyyət o həddə çatıb ki, millət vəkili, 10 milyonun içərisində seçilmiş cəmi 124 nəfərdən biri Araz Əlizadə Qavroşu utandıran fikirlər səsləndirib. Qavroş məntiqli küçə uşağı idi. Viktor Hüqo Qavroşla ağıllı uşaqları Fransanın küçələrə atdığını göstərmək istəyib. Cənab Əlizadə isə küçədə deyil, Milli Məclisdədir. Bəs onda niyə bu qədər qeyri-etikdir? Cavab sadədir: cəmiyyətin səviyyəsi söyüş təfəkkürünə pərçimlənib. Araz Əlizadənin "kim daha qatı söyürsə o qəhrəmandır" düşüncəsinə qapılmasının əsas səbəbi də budur. 

Verilişlərin birində ailədə qadın-kişi münasibətləri müzakirə olunurdu. Qonaqlardan biri -  qibtə etdiyimiz görünüşdə və düşüncədə olan ağsaqqal dedi: "Bizim dövrümüzdə ərlə arvadın arasında hər hansı mübahisə düşəndə nadir hallarda qadın sərt ifadə işlədərdi və ən ağır fikri bu olardı: "Sən elə bir kişisən ki, toyda da oynayarsan". Hətta kişinin toyda əl qaldırması onun sanbalına toxunar. 
Haradan hara yuvarlandıq. Biz elə kişilərin genindənik axı. Deyilik?  

ŞƏRHLƏR
XƏBƏRLƏR
“SOYQIRIMI” sənədli filminin nümayiş keçirilib - 24 / 04 / 2019 12:51
Şura yeni brendi SƏLİS-ə daxil olan e-vətəndaş proqramınının ilk təqdimatını BDU-da keçirdi -FOTO - 24 / 04 / 2019 12:34
"Queen of the Skies" ("Səmanın kraliçası") yük təyyarəsinin daxilini çəkmək imkanı - 24 / 04 / 2019 12:11
Məhəmməd Quluzadə: "Humanitar təşkilatlar üçün imtiyaz ləğv edilib" - 24 / 04 / 2019 11:01
"Olaylar" 24 yaşını qeyd edir - 24 / 04 / 2019 06:13
"Bərdə Peşə Liseyinin modernləşdirilməsi" layihəsi çərçivəsində təlim keçirilib - 23 / 04 / 2019 18:54
Şəhid Anaları Cəmiyyətinin sədri vəfat edib - 23 / 04 / 2019 17:58
“Gələcək üçün” ümumrespublika marafonuna növbəti görüşünü keçirilib - 23 / 04 / 2019 15:22
Vətəndaş cəmiyyəti təmsilçiləri Avropa Birlyi ilə Azərbaycan arasında imzalanacaq sazişdən danışıblar - 23 / 04 / 2019 15:17
BMT-dən Azərbaycana qarşı təxribat - Azay Quliyev çağırış etdi - 23 / 04 / 2019 14:47
“Vətəndaşlıq və Miqrasiya hüququ: Qanunvericilik və onun tətbiqi” - 22 / 04 / 2019 20:16
“Gələcək üçün” ümumrespublika marafonu UNEC-də - 22 / 04 / 2019 13:32
Gənc nәslin tәrbiyәsindә Heydәr Әliyev mәktәbi - 22 / 04 / 2019 12:28
“Konstitusiya” Araşdırmalar Fondu Zaqatala rayonunda Hüquqşünas xidmətinin göstərilməsi üzrə vakansiya elan edir - 22 / 04 / 2019 11:09
Astara rayonunda “Psixi sağlamlığımızı qoruyaq” adlı tədbir keçirilib. - 22 / 04 / 2019 10:19
Elməddin Behbud Qazaxıstanda Türk Şurasının tədbirlərinə qatılacaq - 21 / 04 / 2019 18:58
Dünya hemofiliya günü ilə bağlı tədbir keçirilib- FOTO +VİDEO - 20 / 04 / 2019 10:10
QHT sədri haqqında Abşeron rayon məhkəməsində qərar qəbul edilib - 19 / 04 / 2019 20:16
Zülfüqar Hüseynzadə: "Təşəbbüskarlara, icraçılara, bir sözlə, bu işin SƏLİS getməsinə qol qoyan hər kəsə təşəkkür edirəm" - 19 / 04 / 2019 18:45
Beynəlxalq Dialoq və İnkişaf Alyansı “Regional münaqişələrin həlli: sülhə gedən yol” mövzusunda konfrans keçirib- FOTO +VİDEO - 19 / 04 / 2019 18:25
Əlilliyi olan şəxslər üçün açıq qapı təşkil olundu - 19 / 04 / 2019 17:34
“QHT sədri” aldığı yüz minlərlə pulu hara xərcləyib - 19 / 04 / 2019 12:22
“Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Azərbaycan Respublikası Qanununun tətbiqi ilə bağlı görüş keçirilib - 18 / 04 / 2019 18:41
Aqil Camal: "SƏLİS xidmətindən istifadə edən həmkarlarımız məmnundur" - 18 / 04 / 2019 18:17
"Erməni Yalanları” adlı ictimai müzakirə keçirilib - 18 / 04 / 2019 14:47
Azay Quliyev Ankarada Türkiyə parlamentinin vitse-spikeri ilə görüşüb - FOTO - 17 / 04 / 2019 19:20
Nəsimi Qarabağlı: "Hər şey bu qədər SƏLİS və asan!" - 17 / 04 / 2019 07:57
Veteranlarla bağlı ardıcıl tədbirlərin həyata keçirilməsi Prezidentin onlara diqqət və qayğısının göstəricisidir - 17 / 04 / 2019 06:50
Prezident təsdiq etdi: Gənclər təşkilatlarının üzvləri üçün yaş senzi tətbiq olunacaq - 16 / 04 / 2019 19:24
Beynəlxalq arenanı “Uzun dərə” rəqsi və Kimyaya aid tətbiqlə təəccübləndirən şagirdlərimiz - 16 / 04 / 2019 19:10