“Fransada İnsan Hüquqlarına dair İctimai dinləmələr” mövzusunda tədbir keçirilib - FOTOLAR
A A A
01/17/2019
Oxunma sayısı : 1509

|

Bu gün Beynəlxalq Mətbuat Mərkəzində “Fransada İnsan Hüquqlarına dair İctimai dinləmələr”  mövzusunda ictimai dinləmələr keçirilmişdir.

QHT.az xəbər  verir ki, İçtimai dinləmələrin təşkilatçıları Beynəlxalq İnsan Hüquqlarının Müdafiə Komitəsinin Azərbaycan nümayəndəliyi, Beynəlxalq Dialoq və İnkişaf Alyansı və İçtimai Siyasi Proseslər Beynəlxalq Əlaqələr Mərkəzi olmuşdur. 

Tədbiri giriş sözü ilə açan İçtimai Siyasi Proseslər Və Beynəlxalq Əlaqələr Mərkəzinin sədri Samir Adıgözəlli Fransada İnsan Hüquqlarına dair içtimai müzakirənin təşkil olunması zərurətindən danışdı. 

O, keçən günlərdə Fransada baş vermiş ixtişaşlar zamanı hökumət qüvvələrinin nümayişçilərə qarşı tətbiq etdiyi qeyri-bərabər gücdən və beynəlxalq təşkilatların bu olaylara səssiz yanaşmasından ətraflı olaraq iştirakçılara məlumat verdi. 

Daha sonra BİHMK-nın Azərbaycan nümayəndəliyinin rəhbəri Dr.İsmayıl Ağayev çıxış edərək illərdir həm Fransanın həm də Qərb ölkələrinin Azərbaycana qarşı ədalətsiz mövqe göstərdiklərini, bir milyondan artıq Azərbaycanlı qaçqın və məcburi köçkünlərin pozulmuş hüquqlarını gözardı edən beynəlxalq təşkilatları Ermənistanı qınamağa çağırdı. 

Tədbirin təşkilatçılarından olan Beynəlxalq Dialoq və İnkişaf Alyansının rəhbəri Nüşabə Məmmədova çıxış edərək Fransanı Avropa və Xarici İşlər Nazirliyinin sözcüsü tərəfindən verilən bəyənatın əsassız olduğunu, əsil həqiqətdə isə  Fransada  nümayişçilərə qarşı baş verən zorakılıq və şiddət halları haqda faktların beynəlxalq içtimaiyyətə çatdırılmalı və qiymət verilməlidir bildirdi. 

Daha sonra tədbirdə iştirak edən Milli QHT forumunun prezidenti Rauf Zeyni öz çıxışında Azərbaycanın demokratiya dəyərlərinə bağlı olduğunu, İnsan hüquq və azadlıqlarının təmin edildiyini, lakin Fransa və bu kimi dövlətlərin inkişaf etməkdə olan dövlətləri əzmək prinsipi ilə yanaşdığını qeyd etdi. 

Tədbir iştirakçılarından daha sonra əməkdar jurnalist Azər Həsrət, BİHKM-nin Azərbaycan Nümayəndəlinin sədr müavini Elçin Axundzadə, İranlı Mühacirlər cəmiyyətinin sədri Firudin İbrahim, MQF BQD-nin sədri Səbinə Qəhrəmanova, Hüquq eksperti Elçin Quliyev və başqaları çıxış edərək, illərdir Azərbaycanın haqlı mövqeyini müdaifə etmək əvəzinə, İşğalçı Ermənistana dəstək verən Fransanı qınadıqlarını və bu  ölkədə keçən günlərdə baş verən nümayişlər zamanı hökumət qüvvələrinin həyata keçirdiyi şiddət və zorakılığı Fransanın demokratiya sahəsində əsl üzünü ortaya qoyduğunu bildirdilər. İçtimai dinləmərdə Rusiya və Tacikistan səfirliyini nümayəndələri QHT və media təmsilçiləri iştirak etmişdir. 

Tədbir iştirakçıları adından Azərbaycan və İngilis dillərində bəyanat qəbul edilmişdir.


BƏYANAT

Hazırda dünyada baş verən proseslərin xaos şəklində davam etdiyinin şahidi oluruq. Bu proseslər sferasında dünya ictimaiyyətini narahat edən ən vacib faktorlardan biri insan haqlarının pozulmasını və bunun kütləvi hal almasını şərtləndirən, uzun illərdir Azərbaycan xalqının da yaşadığı işğal problemidir. Separatizm və işğal müasir dünyanın ən böyük problemlərindəndir. 

Məhz bu səbəbdən dünyada milyonlarla insan öz dünc yaşamaq hüquqdan məhrum olur, hərbi toqquşmalar nəticəsində öldürülür, qaçqına, məcburi köçkünə çevrilir, əsir və girov götürülürlər. Artıq 30 ildir Azərbaycan, Ermənistanın yaratdığı Dağlıq Qarabağ problemi ilə üz-üzə qalıb. Ermənistanın işğalçılıq siyasəti nəticəsində Azərbaycan ərazisinin 20 faizi işğal olunub, 20 min Azərbaycan vətəndaşının həyatına son qoyulub, bir milyon iki yüz mindən çox əhali öz doğma yurd-yuvasını tərk etmək məcburiyyətində qalıb. 1992-ci il fevralın 26-da Ermənistan silahlı qüvvələri tərəfindən Xocalıda  azərbaycan əhalisinə qarşı soyqırımı törədilib. Hərbi təcavüz nəticəsində Xocalının 613 dinc sakinini, o cümlədən 106 qadın və 63 uşağı qətlə yetirib. 1993-cü ildə BMT tərəfindən Ermənistan silahli qüvvələrinin işğal olunmuş Azərbaycan ərazisindən dərhal və qeyd-şərtsiz çıxarılması barədə qəbul etdiyi 4 qətnamə bu günə qədər yerinə yetirilmir.  

Ermənistan BMT Təhlükəsizlik Şurasının qəbul etdiyi qətnamələrə, Avropa Şurası, Avropa Birliyi, İKT, ATƏT kimi nüfuzlu beynəlxalq qurumların problemin həlli ilə bağlı çağırışlarına, BMT-nin Ümumdünya İnsan Hüquqları Konvensiyasının şərtlərinə məhəl qoymur. Lakin belə bir şəraitdə Ermənistana qarşı nəinki sanksiyalar tətbiq edilmir, hətta Avropa nümayəndələri, o cümlədən Fransa rəsmiləri və şirkətlərinin Azərbaycanın Ermənistan tərəfindən işğal olunmuş ərazilərinə qanunsuz səfərləri və buradakı fəaliyyətləri birmənalı şəkildə beynəlxalq hüquq normalarını pozur və Azərbaycanın ərazi bütövlüyünə xələl gətirir. Azərbaycan BMT-nin Ümumdünya İnsan Hüquqları Konvensiyasına qoşulub və ölkə ərazisində yaşayan bütün insanların etnik, dini, siyasi, sosial və s. mənsubiyyətlərindən asılı olmayaraq bərabər hüquqları malik olması təsbit və təmin edilib. 

Son günlərdə Azərbaycanda məhkum edilmiş bloger Mehman Hüseynovla bağlı  Fransanın Avropa və Xarici İşlər Nazirliyinin sözçüsü tərəfindən verilən bəyanat Azərbaycan ictimaiyyətində ciddi narahatçılıq doğurur, eyni zamanda beynəlxalq ictimaiyyəti çaşdırır və əsil həqiqətin nədən ibarət olması haqqında məlumat əldə etmək imkanını məhdudlaşdırır. Fransa çoxdandır ki, ermənipərəst mövqe tutur və bu, əslində Azərbaycana qarşı təzyiq kimi qəbul oluna bilər. Bununla eyni zamanda baş vermiş Fransada nümayişçilərə qarşı istifadə olunan zorakılıq, qeyri-proporsional şiddət növlərindən istifadə olunması, 4500-dən çox nümayişçinin saxlanılması faktları bütün dünya tərəfindən izlənilir. Biz, məhkum edilmiş bloger Mehman Hüseynovla bağlı  Fransanın Avropa və Xarici İşlər Nazirliyinin sözçüsü tərəfindən verilən bəyanatın əsassız olduğnu bildirir və Azərbaycan dövlətinə qarşı bu kimi addımları pisləyir, dünya ictimaiyyətini bu kimi yanlış təxribatlara inanmamağa çağırırıq.


Beynəlxalq İnsan Haqlarının Müdafiəsi Komitəsinin Azərbaycan nümayəndəliyi
Beynəlxalq Dialoq və İnkişaf Alyansı 
İctimai-Siyasi Proseslər və Beynəlxalq Əlaqələr Mərkəzi

ŞƏRHLƏR

Digər Yazılar
XƏBƏRLƏR
“Sağlamlığa Xidmət”in fəaliyyəti Avropa Koalisiyası tərəfindən ƏN YAXŞI LAYİHƏ adına layiq görülüb - 21 / 02 / 2019 20:03
“Mənəvi dəyərlərimiz gələcəyimizdir” adlı konfrans keçirilib - 21 / 02 / 2019 19:38
Tələbələr arasında “Mühasibatlıq üzrə keçiriləcək Olimpiada” çərçivəsində seçim turları davam edir - 21 / 02 / 2019 19:35
İpək Yoluna Dəstək Qrupunun toplansında mühüm qərarlar qəbul edilib - 21 / 02 / 2019 19:27
Xocalı soyqırımının 27-ci ildönümünə həsr olunmuş peyntbol yarışı təşkil olunub - 21 / 02 / 2019 19:27
İsgəndərlinin indi söydüyü şəxsə türmədən şok məktubu - Video - 21 / 02 / 2019 19:20
Dini azadlıq, yoxsa dini təxribat komissiyası? - 20 / 02 / 2019 18:23
Aprel döyüşləri qəhrəmanlarımızı unutmayaq! - 20 / 02 / 2019 16:12
"Yardımlı rayonu Porsova kəndində tibb məntəqəsinin tikintisi" layihəsinin imzalama mərasimi keçirilib - 20 / 02 / 2019 16:01
Masallıda Region Gəncləri arasında Biznes Plan Çempionatı keçirilib - 20 / 02 / 2019 14:53
Aqrar inkişaf könüllüləri aqrar jurnalistika ilə bağli layihənin icrasina başlayib - 20 / 02 / 2019 14:43
Əmək və Əhalinin Sosial Müdafiəsi Nazirliyi QHT-ləri müsabiqəyə dəvət edir - 20 / 02 / 2019 14:38
"Səssizliyin Səsi Olaq" layihəsi Gəncə Dövlət Universitetində təqdim olunub - 20 / 02 / 2019 14:33
QHT FIFA-ya müraciət edib: "Xankəndində Avropa Kubokunun keçirilməsi qanunsuzdur - 20 / 02 / 2019 14:22
“Xocalı Şikəstəsi” adlı kitabının təqdimat mərasimi keçiriləcək - 20 / 02 / 2019 14:13
Parlament gənclər təşkilatları ilə bağlı yaş senzinə YOX dedi -ikinci oxunuşda - 19 / 02 / 2019 17:29
“Gəncləri” yola salmaq lazımdır - 19 / 02 / 2019 15:46
ABŞ səfirliyinin rəhbərliyi vəkillər kollegiyasini ziyarət edib - 19 / 02 / 2019 15:38
Sahil Babayev Qarabağ müharibəsi əlilləri və veteranları, şəhid ailələri, tərxis olunmuş hərbçilərin bir qrupu ilə görüşüb - 19 / 02 / 2019 08:52
Müxalifətçilik missiyası və Azərbaycanın milli maraqları - 19 / 02 / 2019 08:35
Yerli İcmaların İmkanlarının Artırılması Təşəbbüsləri Dəstəklənir - 19 / 02 / 2019 08:29
"Neft-qaz sahəsində fəaliyyətin və qeyri-dövlət sektorunun Meyarları" təsdiq edilib - 19 / 02 / 2019 08:16
Gənclər və Yeniyetmələr arası Qol Güləşi üzrə Açıq Qazax rayon turniri keçirilib - 18 / 02 / 2019 17:42
İtaliya ATƏT PA İpək Yoluna Dəstək Qrupuna qoşulur - 18 / 02 / 2019 17:10
Səfərbərlik Xidmətindən QHT sədrinə rəsmi cavab - Əli Kərimlinin oğlu əsgərlikdən yayınıb - 18 / 02 / 2019 16:58
Болезни-сироты. Как с ними бороться? - Интервью - 17 / 02 / 2019 13:16
Səssizliyin səsi ol-İşarət dili Gəncə Dövlət Universitetinə dəvət edir - 16 / 02 / 2019 20:06
Göygöl rayonunda günərzi qayğı mərkəzi yaradılıb - 15 / 02 / 2019 22:37
Masallı və Zaqatala rayonlarında günərzi mərkəzləri yaradılıb - FOTOLAR - 15 / 02 / 2019 19:48
“Şəhidliyin Adil zirvəsi” filmi Qazaxda nümayiş olunub - 15 / 02 / 2019 19:16