QHT sədri Türkiyə xalqına baş salığı verdi
“İnkişaf və İslahatlara Dəstək” İctimai Birliyinin sədri Ramil Əliyev Türkiyədə baş verən zəlzələ ilə bağlı Türkiyə Cümhuriyyətinin Azərbaycan Respublikasındakı fövqəladə və səlahiyyətli səfiri Cahit Bağcıya başsağlığı verib.
Birliyin sədri Ramil Əliyevin verdiyi başsağlığında deyilir:
“Türkiyənin Kahramanmaraş şəhərində baş verən və çox geniş bir bölgədə hiss edilən 7,4 bal gücündə zəlzələ nəticəsində Türkiyə vətəndaşlarının həlak olması və yaralanması xəbərindən son dərəcə kədərləndiyimizi və hər zaman olduğu kimi qardaş türk xalqının yanında olduğumuzu bildiririk. Allah faciə zamanı həlak olanlara rəhmət eləsin. Onların doğmalarına və yaxınlarına dərin hüznlə başsağlığı verir, yaralananların və xəsarət alanların tezliklə sağalmasını arzulayıram. Bütün Türkiyə xalqına güc və səbir diləyirəm!”