Çempionluğun bir addımlığında…
Masallı pəhləvanı Avropa ikincisidir
Rumuniyanın paytaxtı Buxarest şəhərində 23 yaşadək güləşçilər arasında Avropa çempionatı (13-19 mart ) keçirilib.
Gənclərdən ibarət millimizin üzvü, Masallı pəhləvanı Babazadə Rəşid Cavid oğlu (65 kq) qitə birinciliyinin gümüş medalına sahiblənib.
Pəhləvanımız startda moldovalı rəqibinə 11:2, gürcüstanlı güləşçiyə 7:6 hesabıyla qalib gələrək yarımfinala vəsiqə qazanıb. Türkiyə idmançısı (11:8) üzərində də qələbə çalan Rəşid finala yüksəlməyə müvəffəq olub. Həlledici görüşdə Fransa təmsilçisi ilə üz-üzə gəlsə də, yarımfinal görüşündə aldığı zədə həmyerlimizə güləşməyə imkan verməyib.
Məlumat üçün bildirək ki, Rəşid Babazadə Masallı Rayon Gənclər və İdman İdarəsinin nəzdindəki Uşaq-Gənclər İdman-Məktəbinin məşqçi-müəllimi Təhmasib İsayevin yetirməsidir.
Akif AĞAYEV