Xəbərlər 08.04.2024 13:53 2316

"Erkən nikah, uşaq evliliyi hallarının qarşısının alınmasında QHT-lərin rolu" - İctimai dinləmə / FOTOLAR

Bu gün Azərbaycan Respublikasının Ailə, Qadın və Uşaq Problemləri üzrə Dövlət Komitəsi yanında Ictimai Şura tərəfindən "Erkən nikah, uşaq evliliyi hallarının qarşısının alınmasında QHT-lərin rolu: mövcud vəziyyət və yeni baxış” mövzusunda ZOOM vasitəsi ilə İctimai dinləmə keçirildi.

QHT.az xəbər verir ki, “Zoom meeting online” görüşdə dövlət orqanları, QHT-lər İctimai Şuraların üzvləri iştirak edirlər. Salamlama və açılış nitqi ilə Ailə, Qadın və Uşaq Problemləri üzrə Dövlət Komitəsi yanında İctimai Şuranın sədri Fariz Əkbərov çıxış etdi. Ailə, Qadın və Uşaq Problemləri üzrə Dövlət Komitəsinin Ailə məsələləri şöbəsinin müdir müavini Kamilə Əliyeva “Erkən nikah, uşaq evliliyi hallarına qarşı mübarizə ilə bağlı" təqdimatla çıxış etdi. Daha sonra Ailə, Qadın və Uşaq Problemləri üzrə Dövlət Komitəsi yanında İctimai Şuranın sədr müavini Nailə İsmayılova, “Prioritet” Sosial İqtisadi Araşdırmalar Mərkəzi İctimai Birliyinin sədri Zaur İbrahimli və digər QHT sədrləri və dövlət qurumları çıxış etdilər. “Erkən nikah, uşaq evliliyi hallarının qarşısının alınmasında QHT-lərin fəaliyyətindən gözləntilər” mövzusunda dövlət orqanları nümayəndələrinin fikirləri səslənəcək.

Gözləntilərin səsləndirilməsi cəmiyyətdə bu məsələlərə necə baxıldığının və həllərinin necə təmin edilməsi gərəktiyinin aydınlaşdırılması üçün vacibdir. Bu görüşlər cəmiyyətdəki müxtəlif qurumların və təşkilatların bir araya gələrək bir məsələ üzərində fikirlərini bölüşməsi və birlikdə həll yolları tapması üçün ideal bir zəmin yaradır.


Paylaş
QHT TV
Elanlar
Son xəbərlər
Qrantlar
Təbriklər
Başsağlığı