Xəbərlər 11.06.2024 09:18 1223

Qlobal Ətraf Mühit Probleminin Həlli Üçün Qlobal Komissiyanın Yaradılması Təklif Edilib

COP 29: Səsli düşüncələr

"Ətraf mühitə atılan tullantıların miqdarı olduqca çoxdur. Bu fakt və bütövlükdə ətraf mühitə dəyən zərərin təhlükəli olduğu, demək olar ki, hamı tərəfindən qəbul edilir. Amma bu, həmin problemin həlli baxımından kifayət deyil. Burada əsas problem dünyada ətraf mühitə atılan tullantıların "doğru həcmi"nin müəyyən edilməməsidir. Başqa sözlə, söhbət planetin gələcəyinə təhlükə yaradan tullantıların maksimal həcmindən gedir. Yəni ətraf mühitə atılan tullantıların hansı həcmindən sonra "geriya saymaq" başlayır".

QHT.az xəbər verir ki, bu sözləri UNEC rektoru, professor Ədalət Muradov bildirib. Onun sözlərinə görə, iqtisadiyyatda hər zaman doğru olan yeganə düzgün cavabın olmadığı bəllidir və hamı tərəfindən qəbul edilir, amma buna baxmayaraq, ətraf mühitə atılan tullantıların "doğru həcm"i nə qədər olmalıdır sualına yeganə düzgün cavabın tapılması və hamı tərəfindən qəbul edilməsi vacibdir: "Noyabr ayında keçiriləcək COP 29-da tullantıların "doğru həcmi"nin müəyyən edilməsi baxımından Bakı həm də qlobal mərkəzə çevrilmək şansına malikdir. Bu məqsədlə COP-29-da Qlobal Komissiyanın yaradılmasını təklif edirik. Həmin Qlobal Komissiyaya Azərbaycan Respublikasının Prezidenti möhtərəm İlham Əliyevin Sədrlik etməsi isə qlobal ətraf mühit probleminin həll ediləcəyinə ən böyük zəmanətdir".

Vətəndaşların Əmək Hüquqları Liqasının sədri, hüquq müdafiəçisi Sahib Məmmədov isə bildirib ki, bu gün aparıcı dövlətlər bütün zərəli tullantılarını 3-cü ölkələr vasitəsi ilə utilizasiya edir: "Utilizasia poleqonları yaratmadan 3-cü ölkələr bu zərəli tullantıları qəbul edir, primitiv şəkildə utilzasiya edirlər, daha doğrusu aparıb müəyyən yerlərdə açıq tökərək zibilxana yaradırlar".

 

Pərvanə Fərhadqızı


Paylaş
QHT TV
Elanlar
Son xəbərlər
Qrantlar
Təbriklər
Başsağlığı