Vulkan püskürməsi zamanı alpinistlər möcüzəvi şəkildə ölümdən xilas olublar - VİDEO
İndoneziyada alpinistlər Dukono vulkanının püskürməsindən möcüzəvi şəkildə sağ qalıblar.
QHT.az xəbər verir ki, internetdə vulkanın qəfil püskürməyə başladığı zaman onlarla alpinistin zirvədə olduğunu göstərən video yayılıb. İndi İndoneziya hakimiyyəti sakinləri və turistləri vulkana çıxmamağa çağırır.
Hazırda vulkanın fəaliyyətinin II səviyyədə olduğu bildirilir və kraterin 3 kilometr radiusunda bütün fəaliyyətlər qadağandır. Yerli hakimiyyət orqanlarının məlumatına görə, ilin əvvəlindən vulkan 2387 dəfə püskürüb. Bu, Dukono aktivliyinin yüksək olaraq qaldığını göstərir.
Qeyd edək ki, Dukono İndoneziyanın ən aktiv vulkanlarından biridir. Dəniz səviyyəsindən 1335 metr yüksəklikdədir. Vulkan, tektonik plitələrin aşağı düşməsi ilə əlaqəli yüksək vulkanik aktivliyə malik olan "Ad Qövsü" adlanan bölgəyə aiddir. Dukono 20-ci əsrin əvvəllərindən bəri qeydə alınan daimi püskürmələri ilə tanınır.
Pərvanə Fərhadqızı