“Zəfər bizim, haqq bizim” – Masallıda bayram tədbiri
“Zəfər bizim, haqq bizim” – Masallıda bayram tədbiri
Nizami Gəncəvi adına Masallı şəhər Mədəniyyət Mərkəzində 8 Noyabr – Zəfər Günü ilə bağlı bayram tədbiri keçirilib.
Mədəniyyət Mərkəzinin və Masallı Dövlət Regional Kollecinin birgə təşkilatçılığı ilə “Zəfər bizim, haqq bizim” adlı tədbir öncəsi dövlət himnimiz səsləndirilib, şəhidlərimizin əziz xatirəsi bir dəqiqəlik sükutla yad edilib.
Kollecin müəllimi Kəmalə İmanova dörd il öncə əldə edilən şanlı qələbəmizin və Şuşa şəhərinin işğaldan azad edilməsinin tarixi əhəmiyyətindən bəhs edib.
Bayram tədbirində mədəniyyət mərkəzinin solistləri Atamoğlan Zahid, Şamo İbayev, Ruslan Zahidov, Aysel Nərimanovanın ifasında vətənpərvər mahnılar səslənib, dram dərnəyinin üzvləri və kollec tələbələrinin iştirakı ilə ədəbi-bədii kompozisiya nümayiş olunub.
Akif AĞAYEV