"Azərbaycan və Özbəkistan QHT-lərinin əməkdaşlığı sevindiricidir" - QHT sədri / VİDEO
Azərbaycan və Özbəkistan QHT-ləri arasında əməkdaşlıq forumu keçirildi.
QHT.az xəbər verir ki, "Vətəndaşların Sosial Rifahı Naminə" İctimai Birliyinin sədri İradə Rizazadə Azərbaycan və Özbəkistan qeyri-hökumət təşkilatlarının (QHT) əməkdaşlığını yüksək qiymətləndirib. O, bu əməkdaşlığın Türk dövlətləri arasında əlaqələrin gücləndirilməsi baxımından mühüm əhəmiyyət daşıdığını vurğulayıb.
İradə Rizazadə bildirib ki, Füzuli şəhərində keçirilmiş Azərbaycan-Özbəkistan QHT-lərinin əməkdaşlıq forumunun davamı olaraq, belə bir forumun Özbəkistanda təşkil edilməsi qardaş ölkələr arasında əlaqələrin daha da genişlənməsinə xidmət edir.