"Zəfər" Şəhid Ailələrinə Dəstək İctimai Birliyinin sədri Sevinc Alızadə Vətənimizin azadlığı uğrunda qəhrəmancasına şəhadətə ucalan şəhidlərimizin ailələrini ziyarət edib.

QHT.az xəbər verir ki, Sevinc Alızadə Beyləqan raoyunun Dünyamalılar kəndində yaşayan şəhidlərimiz gizir Qurbanov Ramil Sudeyib oğlu, gizir Abdullayev Hasil Miryusib, XTQ çavuşu Məhəbbət Mirzəyev Zaman oğlu, çavuş Vəlişov Zahir Arif oğlu, kiçik çavuş Həsənov İlqar Nadir oğlu, əsgər Azadlı Eltac Sədtəddin oğlu və əsgər Soltanov Gəray Xəlil oğlunun ailələrini ziyarət edib. Onların problemlərini dinləyib və hər zaman onların yanında olduğunu bildirib.

Qeyd edək ki, "Zəfər" Şəhid Ailələrinə Dəstək İctimai Birliyi mütəmadi olaraq qəhrəman şəhidlərimizin ailələrini ziyarət edir, qəhrəmanlarımızın təbliği və tanıdılması məqsədi ilə tədbirlər keçirir.

 

Pərvanə Fərhadqızı