Davranış pozğunluğunu müalicə etmək çətindir, lakin uşağın ailəsi, dostları və müəllimləri iştirak edərsə, müalicə nəticə verə bilər. Müalicə uşaq kiçik olanda başlasa, daha yaxşı nəticə verir.

QHT.az xəbər verir ki, psixoloq Könül Babaşzadə bildirib ki, davranış pozğunluğunun müalicəsində uşaq başqaları ilə ünsiyyət qurmağın daha sağlam yollarını öyrənir: “Eyni zamanda, uşağın ailəsi və dəstək sistemi uşaqla ünsiyyət qurmağın yollarını öyrənir. Davranış pozğunluğu olan uşaqlar adətən uzun müddət  psixoterapiya və ya davranış terapiyasında qalırlar. Kiçik uşaqlarda davranış pozğunluğu müalicəsi adətən valideynlərə yaxşı davranışı təşviq etməyi öyrədir. Yeniyetmələrdə terapiya uşağın dostları, digər uşaqlar və məktəbdəki böyüklərlə münasibətlərinə də diqqət yetirə bilər. Davranış pozğunluğu üçün xüsusi bir dərman yoxdur. Lakin davranış pozğunluğu olan uşaqlarda bəzən depressiya və ya bipolyar pozğunluq kimi digər xəstəliklər də olur . Bu digər pozğunluqların dərmanlarla müalicəsi davranış pozğunluğu üçün terapiyanın daha yaxşı işləməsinə kömək edə bilər”.

Pərvanə Fərhadqızı