“Uzun sürən koronavirus” keçirən insanların üçdə birində sağaldıqdan bir neçə ay sonra belə daxili orqanlarının fəaliyyətində problemlər qalır.

QHT.az xəbər verir ki, bunu aylarla COVID-19-dan sağalmayanlar üçün müalicə üsullarını tapmaq üçün aparılan araşdırma göstərib. Xüsusilə, alimlər ilk dəfə olaraq koronavirusa yoluxduqdan sonra uzun müddət xəstəlikdən qurtula bilməyən xəstələrin MRT görüntülərini tədqiq ediblər. Təhlil göstərdi ki, belə insanlarda ağciyər, beyin və böyrək zədələnmə ehtimalı üç dəfə çoxdur. Çoxları üçün orqan zədələnməsinin dərəcəsi infeksiyanın şiddətindən, yaşından və digər xəstəliklərin şiddətindən asılı idi.

Tənəffüs xəstəlikləri üzrə professor Kristofer Braytlinq bildirib ki, tədqiqat insanlar koronavirusla xəstəxanaya yerləşdirildikdən sonra “çoxlu orqanlarda dəyişikliklərin olduğunu sübut edir”. Koronavirus pandemiyası zamanı müxtəlif ölkələrin alimləri  onun orqanizmə təsirini öyrənməyə başlayıblar. Mütəxəssislər belə qənaətə gəliblər ki, bu xəstəlik psixi və fiziki sağlamlığa ciddi zərbə vurur və xəstə olan insanlar təngnəfəslik, yorğunluq və beyin dumanı kimi uzun müddət davam edən əlamətlər səbəbindən aylarla normal həyata qayıda bilmirlər. 

 

 

Pərvanə Fərhadqızı