Xocalı soyqırımı ilə bağlı “Regional İnkişaf” İctimai Birliyinin könüllüləri üçün film nümayişləri təşkil edilib.

QHT.az xəbər verir ki, bu məqsədlə ötən əsrin ən qanlı hadisələrindən olan Xocalı faciəsindən, soydaşlarımıza qarşı törədilən dəhşətli hərbi cinayətlərdən, o cümlədən Azərbaycan həqiqətlərindən bəhs edən bədii və sənədli filmlər nümayiş olunub.

Bakı və 10-dan çox rayonda keçirilən tədbirlər soyqırımı haqqında faktların bir daha gənclərin diqqətinə çatdırılması və faciə qurbanlarının unudulmamasına yönəlib.