Azərbaycan Silahlı Qüvvələrinin baş kəşfiyyatçısı olan Şəhriyar Hacıyev 2 avqust 1999-cu il tarixində Gədəbəy rayonunun Novoivanovka kəndində anadan olub.

QHT.az xəbər verir ki, 2018-ci ildə həqiqi hərbi xidməti başa vuran Şəhriyar Hacıyev 2020-ci ilin sentyabrın 27-də başlanan Vətən müharibəsində Talış kəndi və Suqovuşan yaşayış məntəqəsinin azad olunması uğrunda gedən döyüşlərdə iştirak edib. O, 10 oktyabrda atası Şahlar Hacıyevin I Qarabağ müharibəsi zamanı yaralandığı Ağdam rayonunun Ballıqaya kəndi istiqamətində gedən döyüşlərdə qəhrəmancasına şəhid olub.

Şəhriyar Hacıyev göstərdiyi qəhrəmanlığa görə Azərbaycan Respublikasının Prezidenti İlham Əliyevin Sərəncamına əsasən ölümündən sonra "Vətən uğrunda", "Cəsur döyüşçü" və "Suqovuşanın azad olunmasına görə" medalları ilə təltif edilib.

Ruhu şad olsun!