Azərbaycan Silahlı Qüvvələrinin giziri olan Naiq Ələkbərov 1994-cü il avqustun 8-də Şamaxı rayonunun Bağırlı kəndində anadan olub.

QHT.az xəbərverir ki, 2014-cü ildə Azərbaycan Tibb Universitetinin Hərbi Tibb Fakültəsini “feldşer” ixtisası üzrə bitirib və orduda “gizir” hərbi rütbəsi altında xidmət etməyə başlayıb. 2016-cı ilin Aprel döyüşlərində də kəşfiyyatçı kimi iştirak edən Naiq Ələkbərov 2020-ci ilin 27 sentyabrında başlanan Vətən müharibəsi zamanı Murovdağ, Füzuli, Xocavənd və Cəbrayılın azadlığı uğrunda gedən döyüşlərdə iştirak edib və oktyabrın 9-da Cəbrayıl istiqamətində döyüş tapşırığını yerinə yetirərkən qəhrəmancasına şəhid olub.

Naiq Ələkbərov göstərdiyi qəhrəmanlığa görə Azərbaycan Respublikasının Prezidenti İlham Əliyevin Sərəncamına əsasən ölümündən sonra "Vətən uğrunda", "Cəsur döyüşçü", "Kəlbəcərin azad olunmasına görə", "Füzulinin azad olunmasına görə", "Cəbrayılın azad olunmasına görə", "Xocavəndin azad olunmasına görə" medalları və "Azərbaycan Bayrağı" ordeni ilə təltif edilib.

Ruhu şad olsun!