"İstedadları Tanıyaq və Tanıdaq" İctimai Birliyi Qeyri- Hökümət Təşkilatlarına Dövlət Dəstəyi Agentliyinin maliyyə dəstəyi ilə "Regionlarda istedadlı gənclərin inkişafına dair tədbirlər" adlı layihəni icra edir. Layihə çərçivəsində Ucar, Şəki, Gədəbəydə istedad müsabiqəsi keçirildi. Növbəti müsabiqə 10 avqust 2024 cü il Bakıda baş tutdu.

QHT.az xəbər verir ki, bu barədə İstedadları Tanıyaq və Tanıdaq İctimai Birliyinin sədri Vüsalə Sadıqova (Qələndərli) məlumat verib. Onun sözlərinə görə, öncə dövlət himni səsləndirildi, Şəhidlərin əziz xatirəsi bir dəqiqəlik sükutla yad olundu. Daha sonra təşkilat sədri Vüsalə Sadıqova ( Qələndərli)  qonaqları salamlayaraq təşkilatın fəaliyyəti və layihənin icrası ilə əlaqədar keçirilən istedad müsabiqəsi haqda məlumat verdi.

Tədbirdə Sabunçu İcra hakimiyyəti nümayəndəsi, QHT sədrləri, jurnalistlər, incəsənət və media nümayəndələri, ictimaiyyət nümayəndələri, müəllimlər, valideynlər və istedadlı uşaq və gənclər iştirak edirdi. Bir-birindən maraqlı çıxışlarla yaddaqalan tədbirin sonunda xatirə şəkli çəkdirildi. Bildirildi ki, qaliblər tezliklə elan olunacaq.

Qeyd edək ki, qaliblərin mükafatlandırılması və yekun konsert tədbiri 14 avqust 2024-cü il tarixində olacaq.