ABŞ İran və Çin şirkətlərinə qarşı yeni sanksiyalar tətbiq edir - ÖZƏL
ABŞ İrana, eləcə də Çində yerləşən fiziki və hüquqi şəxslərə qarşı yeni sanksiyalar qəbul edib.
Qht.az xəbər verir ki, bu barədə ABŞ Maliyyə Nazirliyinin saytında yerləşdirilən məlumatda deyilir.
Xəzinədarlığın Xarici Aktivlərə Nəzarət Bürosu İranın İHA proqramının satın alınmasına dəstək səylərinə görə beş şirkət və bir fiziki şəxsdən ibarət şəbəkəyə qarşı sanksiyalar tətbiq edir. Eyni zamanda bildirilir ki, siyahıya “minlərlə aerokosmik komponentin” daşınması ilə bağlı olan “Çin əsaslı şəbəkə” daxildir. ABŞ bundan əvvəl də qadınların hüquqlarını pozduğuna görə İranın həbsxana sisteminin bir neçə məmuru, şirkəti və regional liderlərinə sanksiya tətbiq edib.
Qeyd olunur ki, sanksiyalar, digər məsələlərlə yanaşı, İran Baş Prokurorluğunun rəis müavini, iki hərbçi, iki regional həbsxana rəisi və üç şirkətə şamil edilib. ABŞ-a görə, onlar İranda etirazların yatırılmasında iştirak edirlər.
Bundan əvvəl ABŞ Maliyyə Nazirliyi İrana qarşı sanksiyaları genişləndirərək bəzi İran neft-kimya şirkətlərini və 20 gəmini də əhatə edib.