Masallıda küçələrin asfaltlanması davam edir
Masallıda küçələrin asfaltlanması davam edir
Masallı şəhərinin Məhəmməd Füzuli küçəsinə asfalt örtüyü döşənməklə yanaşı küçənin hər iki tərəfindəki piyada səkiləri bərpa olunub və küçə müasir işıqlandırma sistemi ilə təchiz edilib.
Ərkivan qəsəbəsində 44 günlük Vətən müharibəsi şəhidi Əlizadə Famil Habil oğlunun, Şatıroba kəndində isə I Qarabağ müharibəsi şəhidi Əkbərov Natiq Xosrov oğlunun adına olan küçələrə asfalt örtüyünün döşənməsi işləri də tamamlanıb.
Masallı Rayon İcra Hakimiyyətinin başçısı Araz Əhmədov adı çəkilən ərazilərdə aparılan abadlıq-quruculuq işlərilə tanış olub.
Şəhid ailələri, şəhər, qəsəbə və kənd sakinləri abadlıq-quruculuq işlərinə görə ölkə rəhbəri cənab İlham Əliyevə, Birinci vtse-prezident Mehriban xanım Əliyevaya, rayon rəhbərinə və zəhməti olan hər kəsə minnətdarlıqlarını bildiriblər.
Akif AĞAYEV