“İrəvanın yaddaşı: Qədim yurdda Azərbaycan izləri” layihəsi çərçivəsində gənclərlə növbəti görüş keçirilib - FOTOLAR
İyulun 3-də Sabunçu Gənclər Evində Azərbaycan Respublikasının Mədəniyyət Nazirliyinin maliyyə dəstəyi və Tarix sahəsində Maarifləndirməyə Dəstək ictimai birliyinin təşkilatçılığı ilə həyata keçirilən “İrəvanın yaddaşı: Qədim yurdda Azərbaycan izləri” layihəsi çərçivəsində gənclərlə növbəti görüş baş tutmuşdur.
Görüş zamanı layihə rəhbəri Kənan Məmmədov layihə haqqında gəncləri məlumatlandırmış, Sabunçu gənclərini layihə çərçivəsində hazırlanmış iravanculture.com veb-saytı ilə tanış etmişdir. Görüş zamanı İrəvanın tarixindən bəhs edən və 4 dilə tərcümə edilmiş videoçarxlar da qısa fraqmentlər şəklində gənclərə təqdim edilmişdir.
Sonda gənclərin İrəvanın tarixi barəsində sualları cavablandırılmış, layihə ilə bağlı maraq kəsb edən nüanslara toxunulmuşdur.