Ayı 19 yaşlı turisti öldürüb: hakimiyyət həyəcan təbili çalır
Rumıniya hakimiyyət orqanları insanlara qarşı növbəti ölümcül hücumdan sonra qonur ayıların sayını idarə etmək üçün onların qanuni öldürmə limitini iki dəfədən çox artırıb. Bu qərar, Bucegi dağlarında 19 yaşlı turistin ölümündən sonra verilib.
QHT.az xəbər verir ki, 911-ə zəng edən oğlan və qız ayının təqib etdiyini bildiriblər. Ayı qızı cığırdan çıxararaq 120 metr dərəyə atıb. 2016-cı ildə kubok ovuna qadağa qoyulmasından sonra ayı hücumları artıb. 2023-cü ildə Rumıniyanın Ətraf Mühit Nazirliyi ayıların vurulmasına icazə verib və illik öldürmə kvotasını 220-dən 481-ə qaldırıb.
Rumıniyada təxminən 8000 qonur ayı var. Hər il yüzlərlə insan ayılarla qarşılaşır, səlahiyyətlilər insanları qorumağa çalışır. Ayılar tez-tez dağ yollarında və zibil qutularında görünür. 2024-cü ilin martında Ətraf Mühit Nazirliyi son 20 ildə ayıların 26 nəfəri öldürdüyünü bildirib. Ekoloqlar elektrik çəpərləri, tullantıların daha yaxşı idarə olunması və maarifləndirmə kimi profilaktik tədbirləri təklif edirlər.
Pərvanə Fərhadqızı