Kistoz Fibroz nadir autocom ressesiv verən genetik xəstəlikdi. Hesablamalara görə, Azərbaycanda ildə 45-48 yenidogulan uşaga bu agır xəstəliyin diaqnozu qoyulur.

 

QHT. az  Mia.az-a istinadən  xəbər verir ki, amma bu rəqəm rasional deyil, çünki xəstəlik barədə ölkəmizdə son illərdə danışırlar. 

 

Hələ mövzu tam araşdırılmayıb və xəstələrin tam statistikası məlum deyil. 

 

Bu barədə Mia.az-a məlumat verən Kistik Fibroz Xəstələrinə Yardım İctimai Birliyinin sədri Səadət Bayramova bildirir ki, 2018-ci ildə o, bu problemi “Nadir genetik Xəstəliklərə müasir yanaşma” mövzusunda beynəlxaq konfransda ictimaiyyətin qarşısına çıxarıb: “O zamanlarda əlimizdə geniş araşdırmalar yox idi, bizə müraciət edənlərin xəstəliyinin tədqiqini apara bilmirdik. Amma ən azından mövzunu qabartdıq və mütəxəssislərin diqqətini cəlb edə bildik”.

 

Səadət Bayramovann sözlərinə görə, həmin vaxtdan başlayaraq, martın 12-i Azərbaycanda Kistoz Fibroz Günü elan edilib və hər il QHT-lərin və səhiyyə təşkilatlarının iştirakı ilə qeyd edilir. Bu il medianın da diqqətini bu mövzuya daha çox yönəltməsini gözləyirlər: “Biz il boyunca bu problemdən danışırıq. Amma martın 12-də istəyirik, hər kəs yanımızda olsun. Bu xəstəliklə bəzən mübarizə apara bilməyən insanlara mənəvi dəstək verilsin”.

 

Təşkilatın müraciətinə əsasən, martın 12-də Bakıda Qız Qalası yanında bununla baglı tədbirə icazə verilib: “Həmin gün saat 19 radələrində Qız Qalası tünd bənövşəyi rəngə boyanacaq. Bu rəng bütün dünyada kistoz fibroz xəstələrinə dəstəyi ifadə edir. Biz orada həmçinin media üçün açıqlama verəcəyik”.

 

Qeyd edək ki, kistoz fibroz xəstəliyi daxili sekresiya ifraz edən orqanları, agciyər tənəffüs sistemini, həzm sistemi orqanlarını, tər vəzilərini, cinsiyyət orqanlarını zədələyən agır xəstəlikdi. Vaxtında diaqnoz qoyulmasa, nəzarətə alınmasa, ölümə apara bilər.

 

Xəstəliyin diaqnostikası üç yolla aparılır: neonatal skrininq (daban qanı testi), tər testi (tərdə xlor ionları hesablanır) və genetik test. 

 

Zülfiyyə Mustafayeva  

 

MİA.AZ