Hindistan yeni xəritəyə görə Çinə kəskin etirazını bildirib
Yeni Dehlinin etirazı Hindistan mediasının Pekinin Hindistanın Arunaçal Pradeş əyalətini və Aksai Çin yaylasını rəsmi ərazisi kimi göstərən rəsmi "standart xəritə" yayması barədə xəbərlərindən sonra baş verib.
QHT.az xəbər verir ki, Çin Himalay dağlarında Arunaçal Pradeş əyalətdəki 11 yeri "Zangnan" və ya Çincə Cənubi Tibetin adını dəyişdirən xəritə yayımladı. Aksai Çin Hindistanın iddia etdiyi, lakin Çinin nəzarətində olan qərb Himalay dağlarında mübahisəli bir yayladır.
Hindistan Xarici İşlər Nazirliyinin sözçüsü deyib: "Bu gün diplomatik kanallar vasitəsilə biz Çin tərəfinə 2023-cü il üçün Çinin "standart xəritəsi" adlandırılan və Hindistan ərazisinə iddia edən sənədlə bağlı kəskin etirazımızı bildirdik. Biz bu iddiaları rədd edirik, çünki onların heç bir əsası yoxdur. Çin tərəfinin bu cür addımları yalnız sərhəd məsələsinin həllini çətinləşdirir”. Hindistanın xarici işlər naziri Subrahmanyam Jaishankar da Çinin ərazi iddialarını rədd edib".
İki qonşu ölkə arasındakı münasibətlər 2020-ci ilin iyununda Himalay dağlarında hər iki tərəfdən əsgərlər arasında 20 Hindistan və 4 Çin əsgərinin ölümü ilə nəticələnən toqquşmadan sonra kəskin şəkildə pisləşdi. O vaxtdan bəri təxminən 3000 km-lik sərhəddə vəziyyət sakit olsa da, qarşıdurma bir neçə bölgədə davam edir və on minlərlə əsgər qərb Himalayda sərhədin hər iki tərəfində toplanıb.
Pərvanə Fərhadqızı