Gədəbəydə “İlkin investisiya layihəsinin hazırlanması” mövzusunda treyninq
Sentyabr 21-də Gədəbəy şəhərində “İlkin investisiya layihəsinin hazırlanması” mövzusunda treyninq keçirilib.
QHT.az xəbər verir ki, təlim Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə İqtisadi Resursların Öyrənilməsi İctimai Birliyi tərəfindən icra olunan “Mikro və Kiçik Sahibkarlığın (MKS) Investisiya Təminatı üçün İnnovativ Biznes Konsepsiyasının Yazılması” adlı layihə çərçivəsində reallaşıb.
Təlim, Gədəbəy rayonunda Heydər Əliyev Mərkəzində 21 sentyabr tarixində mikro və kiçik sahibkarlara investisiya layihəsinin hazırlanması üzrə keçirilmişdir. Tədbiri giriş sözü ilə AR Kiçik və Orta Biznesin İnkişafı Agentliyinin (KOBİA) Gədəbəy KOB Dostu Amil Əsgərov açmışdır. Daha sonra İRÖİB-in sədri, layihə üzrə təlimçi iqtisad üzrə fəlsəfə doktoru Ruslan Atakişiyev sahibkarlara Azərbaycanda mövcud olan maliyyə mənbələri haqqında, dövlət və özəl investisiya şirkətləri barəsində məlumat verib, investisiya layihəsinin yazılması qaydası barədə muhazirə oxunub. Daha sonra iştirakçılar qruplara ayrılaraq öz ideyalarını praktiki olaraq hazırlamaq tapşırılmışdır. Sonra İqtisadi Resurların Öyrənilməsi İctimai Birliyinin icraçı direktoru, layihə rəhbəri və maliyyə üzrə təlimçi Qafqaz Qəhrəmanlı isə layihə formasının smeta(büdcə) hissəsi mövzusu üzrə çıxış etmiş və büdcə hazırlanmasının praktiki yöndən izah edərək iştirakçılarla birlikdə nümunələr üzərində işləyib.
Qeyd edək ki, 20-ə yaxın şəxsin olduğu tədbirdə əsasən sahibkarlar və yeni iş qurmaq istəyən təşəbbüskarlar iştirak edib. Tədbirlərin sonunda iştirakçıları maraqlandıran suallara cavab verilib.
Pərvanə Fərhadqızı