Sağlamlığınıza nəzarət edəcək və məsləhət verəcək ağıllı üzük təqdim olunub
Omate, Ice Ring adlı ağıllı üzük buraxdığını elan edib. Bu, sağlamlıq və fiziki fəaliyyətin müxtəlif göstəricilərini ölçə bilən zərif titan üzükdür.
QHT.az xəbər verir ki, üzük sizə ürək döyüntüsünüzü, stress səviyyənizi, qan oksigenlə doymasını və yuxu keyfiyyətinizi izləməyə imkan verən sensorlarla təchiz olunub. Cihaz məlumatları təhlil edir və istifadəçilərə ümumi sağlamlıqlarını yaxşılaşdırmaq üçün faydalı məsləhətlər və tövsiyələr verir.
Bundan əlavə, Ice Ring GPS-dən istifadə də daxil olmaqla müxtəlif idman fəaliyyətlərini dəstəkləyir. Su və tozdan qorunma dərəcəsinə malikdir və bu, onu istənilən şəraitdə istifadəyə imkan verir. Üzük üç rəngdə mövcuddur: qara, gümüş və qızılı. Üzük 2024-cü ilin əvvəlində 199 avrodan başlayan qiymətlərlə satışa çıxarılacaq.
Pərvanə Fərhadqızı