Xəbərlər 13.06.2024 09:35 3588

Azərbaycan QHT-lərinin ictimai hesabatlılıq və peşəkarlıq səviyyəsinin artması

Son illərdə Azərbaycanın Qeyri-Hökumət Təşkilatlarına Dövlət Dəstəyi Agentliyi tərəfindən qrant alan QHT-lərin fəaliyyətlərində və ictimai hesabatlılıq səviyyəsində mühüm dəyişikliklər baş verib. Bu dəyişikliklər, QHT sektorunda peşəkarlığın və şəffaflığın artmasına, eyni zamanda, daha geniş ictimaiyyətlə əlaqələrin gücləndirilməsinə səbəb olub.

Etiraf edək ki, keçmişdə, QHT-lərin layihə icrası ilə bağlı ictimai hesabatlılıq səviyyəsi aşağı idi. Bir çox QHT-lər 3-5 nəfərlik tədbirlər keçirir, bu tədbirlər barədə məlumatlar isə yalnız hesabat vermə vaxtı yadda düşürdü. Bu cür tədbirlər, cəmiyyətin geniş təbəqələrinə çatdırılmır və təşkilatların fəaliyyətləri haqqında geniş məlumat yayılmırdı. Belə vəziyyət QHT-lərin işinə olan ictimai etimadın azalmasına və layihələrin effektivliyinin sual altına düşməsinə səbəb olurdu.

QHT-lərə Dövlət Dəstəyi Agentliyinin rəsmi Facebook səhifəsində QHT-lərin tədbirləri geniş işıqlandırılır

Hazırda QHT-lərə Dövlət Dəstəyi Agentliyinin rəsmi Facebook səhifəsi, QHT-lərin təşkil etdiyi tədbirlərlə doludur. Bu səhifədə yayımlanan fotomateriallar və digər vizual sübutlar, tədbirlərin real səviyyəsini, dolu zalları və görülən işləri aydın şəkildə göstərir. Agentliyin bu addımı, QHT-lərin fəaliyyətlərinin ictimaiyyətə açıq və şəffaf şəkildə həyata keçirildiyini nümayiş etdirir. Agentliyin Facebook səhifəsində QHT-lərin tədbirlərinin işıqlandırılması, ictimaiyyətin bu fəaliyyətlər barədə məlumatlılığını artırır. İstənilən vətəndaş, QHT-lərin hansı layihələri həyata keçirdiyini, tədbirlərin necə təşkil olunduğunu və nəticələrin nə olduğunu görə bilir. Bu, QHT-lərin fəaliyyətlərinin şəffaf və ictimaiyyətə açıq olmasını təmin edir.

QHT-lərin fəaliyyəti ölkə Mediasında geniş işıqlandırılır

QHT-lərin fəaliyyəti yalnız agentliyin rəsmi Facebook səhifəsində deyil, eyni zamanda ölkə mediasında da geniş şəkildə işıqlandırılır. Bu, QHT-lərin daha geniş auditoriyaya çatmasını və fəaliyyətlərinin daha çox insan tərəfindən tanınmasını təmin edir.

QHT-lərin ölkə mediasında geniş işıqlandırılması, onların ictimai nüfuzunu artırır. Televiziya,  onlayn xəbərlər və digər media vasitələri ilə yayımlanan məlumatlar, QHT-lərin fəaliyyətlərini geniş kütlələrə çatdırır və onların işinə daha çox dəstək verilməsinə səbəb olur.

QHT-lərin mediada geniş şəkildə işıqlandırılması, ictimai maarifləndirmə və məlumatlandırma baxımından mühüm əhəmiyyət kəsb edir. Sosial problemlərin həlli, sağlamlıq, təhsil və digər sahələrdə keçirilən tədbirlər haqqında məlumatlar, cəmiyyətin bu mövzularda daha çox məlumatlanmasına və məlumatlı qərarlar verməsinə kömək edir.

Mediaya geniş şəkildə işıqlandırılan tədbirlər, QHT-lər arasında əməkdaşlıq və şəbəkələşmə imkanlarını artırır. Müxtəlif QHT-lər bir-birinin fəaliyyətləri haqqında məlumat əldə edir və bu da onların birlikdə layihələr həyata keçirməsinə və təcrübə mübadiləsinə şərait yaradır.

QHT-lərin ölkə mediasında geniş şəkildə işıqlandırılması, onların sosial məsuliyyətlərinin və ictimaiyyətlə əlaqələrinin gücləndirilməsinə kömək edir. Bu, QHT-lərin cəmiyyətlə daha yaxından əməkdaşlıq etməsinə və sosial məsələlərin həllində daha effektiv rol oynamasına imkan yaradır.

Mediada QHT layihələrinin işıqlandırılması, bu təşkilatların fəaliyyətlərinin tanıdılması və dəstəklənməsi baxımından böyük əhəmiyyət kəsb edir. Media, şəffaflıq və hesablılığı təmin etməklə, QHT-lərin nüfuzunu və ictimai etimadını artırır, maliyyə və dəstək resurslarının artmasına kömək edir və cəmiyyəti maarifləndirir. Bu baxımdan, QHT-lər media ilə sıx əməkdaşlıq edərək, layihələrinin geniş kütləyə çatdırılması üçün çalışmalıdırlar.

 

Peşəkarlıq və yarış

Bu gün QHT-lərimizin səsi dünyanın hər yerindən gəlir, hər təşkilat öz bacarıqlarını və imkanlarını ortaya qoyur. Bu vəziyyət, Azərbaycan QHT-lərinin peşəkarlıq səviyyəsinin kifayət qədər yüksək olduğunu bir daha göstərir. Tədbirlərin düzgün təşkili, şəffaflıq və ictimai hesabatlılıq diqqət çəkən məqamlardır.

İslahatlar və gələcək perspektivlər

Rəsmi şəxslərin açıqlamalarından hiss olunur ki, QHT sektorunda islahatlar yaxın müddətdə xeyli dərinləşdiriləcək. Bu islahatlar, QHT-lərin fəaliyyətlərinin daha effektiv və şəffaf olmasını təmin edəcək, eyni zamanda, onların cəmiyyətə daha geniş şəkildə fayda verməsinə imkan yaradacaq.

Milli QHT Forumunun da fəaliyyəti yeni tərkibdə başlamışdır və gözləntilər ondan ibarədir ki, Forum QHT-lərin mühüm Alyansı kim yerli və beynəlxalq səviyyədə özünü göstərəckdir.

 

Cəsarət Hüseynzadə

“İnformasiya və Sosial Təşəbbüslərə Dəstək” İctimai Birliyinin sədri,

QHT.az saytının rəhbəri

 


Paylaş
QHT TV
Elanlar
Son xəbərlər
Qrantlar
Təbriklər
Başsağlığı