Xəbərlər 14.01.2025 14:25 205

"İnsan alveri ilə mübarizədə dünya təcrübəsindən yararlanmaq QHT-lərimizə böyük təkamül verə bilər" - QHT sədri

İnsan Alverinə Qarşı Mübarizə üzrə QHT Koalisiyasının üzvü, "Könül Evi Aztəminatlı Ailələrə Yardım” İctimai Birliyinin sədri Ruxsarə Axundova QHT.az-a açıqlamasında insan alveri ilə mübarizə mövzusunda beynəlxalq təcrübənin öyrənilməsinin və əməkdaşlığın artırılmasının vacibliyini vurğulayıb. Onun sözlərinə görə, beynəlxalq tədbirlərdə, konfranslarda iştirak etmək və beynəlxalq təşkilatlarla əlaqələri genişləndirmək bu sahədə fəaliyyət göstərən qeyri-hökumət təşkilatlarının inkişafına mühüm töhfə verə bilər.

“Dünya təcrübəsindən yararlanmaq və beynəlxalq əlaqələri inkişaf etdirmək bizim QHT-lərə böyük təkamül verər. Bu əməkdaşlıq qarşılıqlı öyrənmə prosesini də təmin edə bilər. Ölkəmizdə insan alverinə qarşı mübarizə sahəsində müəyyən təcrübə mövcuddur, lakin beynəlxalq əlaqələrimizi daha yüksək səviyyəyə çatdırmaq vacibdir,” – deyə Ruxsarə Axundova bildirib.

O, əlavə edib ki, hazırda beynəlxalq əlaqələr orta səviyyədədir, lakin bu istiqamətdə daha çox iş görmək, mövcud əməkdaşlığı genişləndirmək mümkündür. QHT sədri hesab edir ki, bu cür əlaqələr ölkələr arasında təcrübə mübadiləsi üçün imkanlar yaradır və insan alverinə qarşı mübarizə tədbirlərini daha da effektiv edir. 

 

İnsan Alverinə Qarşı Mübarizə Üzrə QHT Koalisiyası Bu yazı QHT.az platforması və İnsan Alverinə Qarşı Mübarizə Üzrə QHT Koalisiyasının birgə əməkdaşlığı ilə “Ölkələrdə Milli Səviyyədə İnsan Alveri Probleminin Qarşısının Alınması Aylığı” çərçivəsində hazırlanıb.

 

Pərvanə Fərhadqızı


Paylaş
QHT TV
Elanlar
Son xəbərlər
Qrantlar
Təbriklər
Başsağlığı