Kiyevdə partlayışlar olub
Bu gecə Ukrayna səmasında Rusiyanın "Şahed" tipli kamikadze pilotsuz təyyarələri aşkarlanıb.
QT.az xəbər verir ki, Kiyev və digər bölgələrdə hava hücumundan müdafiə sistemlərinin fəaliyyəti müşahidə edilib.
- Kiyev: Hava hücumu sirenləri səslənib, şəhərin mərkəzi rayonlarında hava hücumundan müdafiə sistemi işləyib.
- Buça: 60 yaşlı kişi yaralanıb, üç yaşayış məntəqəsində evlər zədələnib.
- Sumi: Rusiyaya məxsus pilotsuz təyyarə regional klinik xəstəxananın damına çırpılıb, xəsarət alan yoxdur.
- Dnepropetrovsk və Xarkov: Hava hücumundan müdafiə əməliyyatları aparılıb.
Ukrayna prezidenti Zelenski gecə ərzində 40-a yaxın hücum dronunun aşkar edildiyini bildirib. ABŞ 30 günlük atəşkəs təklif etsə də, Moskva yalnız enerji obyektlərində atəşi dayandırmağa hazır olduğunu bildirib.
R.İmanov