Xəbərlər 19.09.2023 10:33 1055

AAYDA-dan Xocavənddəki partlayışla bağlı açıqlama

Bu gün səhər saat 4 radələrində yeni inşa edilən Əhmədbəyli-Füzuli-Şuşa avtomobil yolunun 58-ci kilometrliyində Azərbaycan Avtomobil Yolları Dövlət Agentliyinə (AAYDA) məxsus və sözügedən yolda çalışan “Hovo” markalı yük maşını tank əleyhinə minaya düşüb.

 

QHT.az bildirir ki, bu barədə Axar.az-a Azərbaycan Avtomobil Yolları Dövlət Agentliyindən məlumat verilib.

 

Bildirilib ki, nəticədə agentliyin 2 əməkdaşı - 21.11.1970-ci il təvəllüdlü Samir Sabiroviç Sadıxov və 02.05.1965-ci il təvəllüdlü Fərhad Hüseynağa oğlu Quliyev həlak olublar.

 

Hüquq-mühafizə orqanları tərəfindən faktla bağlı müvafiq araşdırma aparılır.

 

Azərbaycan Avtomobil Yolları Dövlət Agentliyi həlak olanları həlak olanların ailələrinə və yaxınlarına baş sağlığı verir.

 

Allah rəhmət eləsin!


Paylaş
QHT TV
Elanlar
Son xəbərlər
Qrantlar
Təbriklər
Başsağlığı