İlham Əliyevin adı Azərbaycan tarixinə qızıl hərflərlə yazıldı – KƏNAN MƏMMƏDOV
"Ötən ilin dekabrında Azərbaycan Respublikasının prezidenti İlham Əliyev növbədənkənar prezident seçkilərinin keçirilməsi barədə sərəncam imzaladı. 2024-cü il fevralın 7-də Azərbaycan prezidentini müəyyən etmək üçün keçiriləcək seçkiləri iqtidar nümayəndələri və jurnalistlər “Zəfər seçkisi” də adlandırırlar. Hesab edirəm ki, bu seçkilərdə İlham Əliyev böyük səs çoxluğu yenidən Azərbaycan Respublikasının prezidenti seçiləcək".
QHT.az xəbər verir ki, bu sözləri Tarix sahəsində Maarifləndirməyə Dəstək ictimai birliyinin sədri Kənan Məmmədov bildirib. Onun sözlərinə görə, 44 günlük Vətən müharibəsi və 24 saatlıq antiterror əməliyyatları ilə Azərbaycan tarixində yeni era açan İlham Əliyevin adı Azərbaycan tarixinə qızıl hərflərlə yazıldı: "Fevralın 7-də baş tutacaq növbədənkənar prezident seçkilərinin qalibi növbəti dəfə böyük səs çoxluğu ilə İlham Əliyev olacaq".