Əlilliyin təyin edilməsi vəziyyəti araşdırılıb - DƏYİRMİ MASADAN FOTOLAR
“Demokratiyanı Öyrənmə” İctimai Birliyi 15 fevral 2024-cü il tarixdə “Azərbaycanda əlilliyin təyin edilməsi: problemlər və həlli yolları” mövzusunda dəyirmi masa keçirib.
QHT.az xəbər verir ki, birliyin sədri Mirəli Hüseynovun məlumatına görə dəyirmi masanın keçirilməsində məqsəd Birliyin təşəbbüsü ilə bir qrup ekspert tərəfindən hazırlanmış “Azərbaycanda əlilliyin təyin edilməsi ilə bağlı yeni hüquqi mexanizmlərin tətbiqi sahəsində vəziyyətin qiymətləndirilməsi üzrə Hesabat”ın təqdim edilməsi olub. Dəyirmi masada iştirak edən edən vətəndaş cəmiyyətinin, beynəlxalq təşkilatların və dövlət orqanlarının nümayəndələri Hesabatda əks olunan məsələlərə münasibətlərini ifadə etmiş, sahə üzrə mövcud problemlər və həlli yolları ilə bağlı təkliflərini bölüşmüşlər.
