Mayın 10-da İranda parlament seçkilərinin ikinci turu keçiriləcək
Mayın 10-na təyin edilmiş seçkilərin ikinci turunda İran parlamentində qalan 45 yer üçün ümumilikdə 90 namizəd mübarizə aparacaq.
QHT.az xəbər verir ki, İranın Seçki Qərargahının sözçüsü Möhsün Eslami bazar günü bildirib ki, parlament seçkilərinin ikinci turu martın 1-də keçirilən birinci turda namizədlərin mütləq əksəriyyətini (50%-dən çox) əldə edə bilməyən ölkə üzrə 22 seçki dairəsində keçiriləcək: "Parlamentdəki 290 vakant yerdən 45-i üçün ümumilikdə 90 namizəd mübarizə aparacaq. Qarşıdan gələn seçkilərin ikinci turu 32 namizədin bir-birinə qarşı mübarizə aparacağı Tehran da daxil olmaqla 15 əyalətin 22 seçki dairəsində elektron səsvermə maşınları vasitəsilə keçiriləcək".
Seçki Qərargahının sözçüsü elektron seçki qutusu olan seçki məntəqələrində kağız bülletenlərin olmayacağını qeyd edərək, elektron səsvermənin nəticələrinin dərhal qəbul ediləcəyini bildirib.