Paytaxt rayonlarında mövcud çatışmazlıqlar aradan qaldırılır - FOTOLAR
Yasamal və Xətai rayonlarında piyadaların rahat və təhlükəsiz hərəkətini təmin etmək məqsədilə bir sıra küçələrdəki səkilər təmir və bərpa olunub.
QHT.az xəbər verir ki, Bakı Şəhər İcra Hakimiyyəti və “Regional İnkişaf” İctimai Birliyi (RİİB) arasında imzalanmış əməkdaşlıq memorandumu çərçivəsində paytaxt rayonlarında mövcud çatışmazlıqların aradan qaldırılması istiqamətində işlər gedir. Belə ki, icra hakimiyyətinin əməkdaşları və RİİB könüllüləri tərəfindən aparılan birgə monitorinqlərin nəticələrinə əsasən piyadaların rahat və təhlükəsiz hərəkətini təmin etmək məqsədilə bir sıra küçələrdəki səkilər təmir və bərpa olunub.