Əlahiddə Çevik Polis Alayının manqa komandiri zəhərlənərək ölüb
Mayın 25-də saat 05 radələrində polis baş serjantı xəstəxanada vəfat edib.
QHT. az bildirir ki, DİN-in mətbuat xidmətindən bildirilib ki, 1981-ci il təvəllüdlü Samir İsmayıl oğlu Mustafayev mayın 24-də axşam saatlarında qida zəhərlənməsindən xəstəxanaya yerləşdirilib.
Göstərilən tibbi müdaxilələrə baxmayaraq o həyatını itirib.
Faktla bağlı araşdırma aparılır.
Qeyd edək ki, S.Mustafayev Əlahiddə Çevik Polis Alayında manqa komandiri vəzifəsində xidmət edib.