Uşaqların inkişafında ailənin rolu - QHT sədri yazır
Hər bir xalqın mədəniyyətində kişi və qadın rollarına tənzim edən özünəməxsus ənənəvi qaydalar olmuşdur.
Uşaqların tərbiyəsində ananın rolu əbəzedilməzdir. Aralar demiş "Uşaqlar atadan deyil, anadan yetim qalarlar. "Uşaqların ana ilə emosional ünsiyyəti onun nəinki psixi, habelə fiziki inkişafının əsas şərtidir. Uşaqlar atanın qayğısı və zabitəsində özlərini xoşbəxt hiss edirlər. Oğlanlar özlərini ataları ilə eyniləşdirir, onun bir çox hərəkətlərini təqlid yolu ilə mənimsəyirlər.
Oğlanlar üçün ata ağıl, iradə qüvvəsi, kişi əzəməti nümunəsidir. Ata oğlunu tərbiyə etməklə həm də özünü tərbiyələndirir və dəyişir. Qızların mənəvi inkişafını da atasıs təsəvvür etmək çətindir. Oğlanların həyatında ana nə qədər böyük rol oynayırsa, qızların da həyatında ata bir o qədər mühüm yer tutur. Bu cəhəti düzgün başa düşən ana həmişə ailədə atanın hörmət və nüfuzunun qorunmasına və artırılmazına xüsusi diqqət yetirməlidir.
Ana atanın hörmət və nüfuzunu möhkəmləndirərkən, həm də öz nüfuz və hörmətini artırır. Bu ataya da aiddir.
Cəmiyyətdə olduğu kimi ailədə də bərabərliyin olması sağlam mühitin yaranmasına şərait yaradır.
Zenfira Mustafayeva
Qadın Təşəbbüsü və Sosial Problemlərin Həllinə Yardım İctimai Birliyinin rəhbəri