Gündüz yuxuları beynin problem həll etmə bacarıqlarını artırır
Texas Dövlət Universitetinin alimləri, gündüz yuxusunun beynin problemləri həll etmək qabiliyyətini artırdığını müəyyən ediblər.
QHT.az xəbər verir ki, araşdırma, yuxudan sonra insanların daha əvvəl çətinliklərlə qarşılaşdıqları məsələləri daha yaxşı həll etdiklərini göstərib. Təcrübə zamanı 58 nəfər, əvvəlcə hazır həll yolları ilə problemləri həll edib, sonra oxşar problemlərlə üzləşib. İştirakçılardan yarısı 110 dəqiqə yatıb, qalanlar isə oyaq qalıb. Nəticədə, yatanlar daha yaxşı nəticələr əldə edib. Bu təsir xüsusilə REM mərhələsində daha çox vaxt keçirənlərdə nəzərə çarpıb.
Tədqiqatçılar, yuxunun yaradıcı düşüncəni və zehni çevikliyi yaxşılaşdırdığını vurğulayıblar, beləliklə "problem üzərində yatmaq" həll yollarını tapmaq üçün faydalı bir strategiya ola bilər.
R.İmanov