Müəllimlərin sertifikatlaşması və onların peşəkarlıqlarının dəyərləndirilməsi, təhsil sahəsində baş verən bir çox dəyişikliklər müəllimlərin təcrübələrinin və peşəkar bacarıqlarının tanınması və təmin edilməsi ilə bağlı dərin bir yanaşmadır. Bu, onların öz bilik və bacarıqlarını artırmaq və müasir təhsil tələblərinə cavab vermək üçün yenilikləri qəbul etmək imkanı yaradır. Bununla birlikdə, sertifikat alma prosesi müəllimlərin təhsil metodu, innovativ tədqiqat və təcrübə ilə əlaqəli olan bir baxımdan da dəyərləndirilməlidir. Bu, onların tələbələrə daha effektiv tədris verə bilmələri və təhsil sistemini inkişaf etdirmələri üçün əhəmiyyətli bir addımdır.

Bəs sertifikat imtahanlarında iştirak edən müəllimlərin maaşının artırılmasının iqtisadi nəticələri nə ola bilər? Sertifikatlaşdırma prosesində iştirak edən müəllimlərin sayının artması təhsilin keyfiyyətinə necə təsir edə bilər? Belə olan halda maaş artımının təsirini necə qiymətləndirmək olar?

QHT.az bu suallarla bağlı iqtisadçı alim, professor Elşad Məmmədovdan açıqlama alıb. Professor bildirib ki, sertfikatlaşma prosesində iştirak edən müəllimlərin sayının artırılması, Elm və Təhsil Nazirliyi tərəfindən aparılan islahatların müsbət nəticəsi kimi dəyərləndirilə bilər: “Bu proses çərçivəsində müəllimlərin kompetensiyalarının, peşəkarlıq göstəricilərinin yüksəlməsi müşahidə edilir ki, bu da Elm və Təhsil Nazirliyi tərəfindən təhsil sisteminin inkişafına yönəlik tədbirlərin effekt verməsinə şərait yaradır. Ona görə bu istiqamətdə aparılan işlərin və nəticədə sertfikat almış müəllimlərin əmək haqlarının artırılmasının müsbət hal kimi dəyərləndirilməsini zəruri hesab edirəm. Düşünürəm ki, bu istiqamətdə işlər ardıcıl şəkildə davam etdirilməli, müəllimlərin həm peşəkarlıq göstəricilərinin, həm də sosial müdafiəsinin təmin edilməsi olduqca zəruridir”.

Qeyd edək ki, sertifikatlaşma prosesinin təşviqi və müəllimlərin dəyərləndirilməsi, təhsil sahəsində dəyişiklik yaratmaq və müəllimlərin peşəkarlığını artırmaq üçün əhəmiyyətli bir addım olaraq görülə bilər.

Pərvanə Fərhadqızı