İngiltərədə itlər diri-diri çürüməyə başlayır
Böyük Britaniya mediası ölkədə Alabama Rot V (CRGV) adlı nadir xəstəlik hallarının artdığını bildirib. Təhlükəli xəstəlik itin dəri və böyrəklərindəki qan damarlarını bağlayaraq ətin çürüməsinə səbəb olur. Naked-Science yazır ki, xəstəlik ölümcül ola bilər.
QHT.az xəbər verir ki, xəstəliyin yeni halları Dorçesterdə (Böyük Britaniyanın cənub-qərbi Dorset) qeydə alınıb. Xəstəlik Şotlandiya, İrlandiya, Uels və İngiltərənin şimalına da yayılıb.
Xəstəliyin səbəbi hələ aydın deyil. Bir versiyaya görə, bunlar bataqlıqlarda yaşayan və ev heyvanlarının kürkünə girən bakteriyalardır. Xəstəliyin müalicəsi yoxdur. Baytarlar ev sahiblərinə gəzintidən evə qayıdarkən itlərinin pəncələrini yaxşıca yumağı tövsiyə edir.