İrakli Kandaşvili Şuşada keçirilən kitab təqdimat mərasimində mediatorlara VİDEOZƏNGLƏ müraciət edib
İrakli Kandaşvili Şuşa şəhərində keçirilən kitabının təqdimat mərasimində videozənglə mediatorlara müraciət edib.
QHT.az xəbər verir ki, kitabın təqdimat mərasiminə videozənglə qoşulan Gürcüstan Mediatorlar Assosiasiyasının sədri İrakli Kandaşvili kitabın Azərbaycan dilinə nəşrinin maliyyələşdirilməsində göstərdiyi köməkliyə görə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinə, Avrasiya Hüquqşünaslar Assosiasiyasına və Mediasiya Şurasına dərin təşəkkürlərini bildirib. O, canlı olaraq təqdimat mərasimində iştirak edə bilmədiyi üçün təəssüfləndiyini, lakin növbəti imza günündə mütləq iştirak edəcəyini diqqətə çatdırıb. İrakli Kandaşvili, həmçinin Şuşada region mediasiya təşkilatı rəhbərləri və mediatorlarının iştirakı ilə “Mediasiya təşkilatlarının marketinq üzrə bacarıqlarının artırılması” adlı seminarın təşkil edildiyindən xəbərdar olduğunu qeyd edib və əlavə edib: “Seminarı dostum Nadir Adilovun da aparmasından çox məmnunam, əminəm ki, bu seminar və müəllifi olduğum kitab azərbaycanlı qardaşlarımız olan mediatorlarımıza marketinq fəaliyyətlərində əlavə bacarıqlar qazandıracaq”.
Sonda o, Azərbaycan mediatorlarının uğurlarına sevindiyini bildirib və onlara yeni nailiyyətlər arzu edib.