“KOB FEST” sərgi-satış yarmarkası – MASALLIDA
Masallıda “KOB FEST” sərgi-satış yarmarkası keçirilir
Masallı rayonunda Kiçik və Orta Biznesin İnkişafı Agentliyinin (KOBİA) təşkilatçılığı ilə “KOB FEST” sərgi-satış yarmarkası keçirilir.
Sentyabrın 15-dək davam edəcək yarmarkada 50-dən çox mikro və kiçik sahibkarlıq subyektinin qida və qeyri-qida məhsulları, sənətkarların və yaradıcı şəxslərin əl işləri sərgilənir.
Yarmarkanın açılış mərasimində iştirak edən Masallı Rayon İcra Hakimiyyətinin başçısı Araz Əhmədov və KOBİA-nın İdarə Heyətinin sədri Orxan Məmmədov sərgi-satış yarmarkasının KOB-ların məhsul və xidmətlərinin tanıdılması, satış imkanlarının genişləndirilməsi, mikro və kiçik sahibkarlıq subyektləri arasında əlaqələrin qurulması və genişləndirilməsi baxımından faydalı olacağını bildiriblər.
Akif AĞAYEV